ROMA 2:12 - Jinghpaw Common Language Bible 2009

¹² Mawshe a Tara hpe garai n chye ai maigan masha ni yubak mara galaw ma ai shaloi jep ai Tara hte n re ai sha sum hkrum na mara ai, rai ti mung Yuda ni gaw Tara lu ma ai majaw shanhte yubak galaw nna Tara hte tara dara ai hkrum na mara ai.

Jinghpaw Hanson Version Bible

¹² Dai jep ai tara hpe garai n chye ai yubak galaw ai ni kadai mung, jep ai tara hta hten bya n hkrum na ma ai n rai; jep ai tara npu e yubak galaw ai ni mahtang gaw, jep ai tara hta tara dara ai hkrum na mara ai:

ROMA 2:12 ပူးပေါင်းရင်းမြစ်များ

MAHTE 11:22

Dai majaw, nan hpe ngai tsun nngai gaw, dai tara dara ai nhtoi hta e, Turu hte Sidon yan gaw, nan hta naw chyamai na mara ai.

MAHTE 11:24

Dai majaw ngai nanhte hpe tsun made ai gaw, tara dara ai nhtoi hta e, Sodom mung gaw, nang hta naw chyamai na ra ai.

YAWHAN 19:11

Yesu gaw, “Nang hpe Karai Kasang e ahkaw ahkang jaw ai majaw sha nye a ntsa e ndai zawn re ai ahkang aya nang lu ndai. Dai majaw ngai hpe nang kaw sa ap ai wa gaw yubak grau kaba lu ai,” ngu nna shi hpe htan wu ai.

KASA 2:23

Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

ROMA 1:32

Shing rai galaw ai ni gaw si ging nga ma ai nga nna Karai Kasang a tara hta hkang da nga sai hpe shanhte chye chyalu rai ma ai rai ti mung, shanhte hkum nan dai lam ni hpe galaw dingyang rai nga ma ai hta n ga, dai hku hkan galaw ai ni hpe mung n-gun jaw awlaw ma ai.

ROMA 4:15

Dai jep ai Tara gaw Karai Kasang a pawt sindawng ai hpe shapraw ya nga ai; rai ti mung; Jep ai Tara n nga yang gaw Tara tawt lai ai lam mung nga na n rai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

1 KORINHTU 9:21

Dai hte maren, tara maigan ni kaw magam gun ai shaloi, shanhte hpe Hkristu hpang de lum la lu hkra, Yuda tara hpe n hkan ai sha tara maigan masha langai mi zawn ngai tai nngai. Ning ngu yang, ngai gaw Karai Kasang a tara n hkan n sa ai wa re ngu mayu ai n rai, kaja wa ngai gaw Hkristu a tara npu e nga ai wa rai nga nngai.

GALATI 3:10

Dai jep ai tara hkan sa shadik ai lam hpe kam hpa nga ai ni kadai rai ti mung dagam dala a npu e rai nga ma ai. Hpa majaw nga yang, Chyum Laika gaw, “Dai tara hta ka da mada hte maren n hkan shatup nga ai wa kadai rai ti mung, dagam dala hkrum na mara ai,” nga nna ka da nga ai.

GALATI 3:22

Rai ti mung mungkan ga ting gaw dai yubak mara a n-gun atsam e ka-up kau ai hkrum nu ai, nga nna Chyum Laika hta tsun nga ai. Dai rai nna Yesu Hkristu hpe kam sham ai hta npawt nhpang de da ai ga ndat hte seng ai chyeju sali wunli gaw kam sham ai ni hkam la manu ai.

TARA JAHPRANG 27:26

“ ‘Karai Kasang a tara hte sharin shaga ai ga ni yawng hpe n hkan shatup ai wa kadai mung Karai Kasang jaw ai dagam dala hkrum u ga law.’ “Shaloi, amyu masha ni yawng gaw, ‘Amen!,’ ngu nna htan na mara ai.

YAKU 2:10

Jep ai tara langai mi hpe tawt lai ai wa kadai rai ti mung jep ai tara yawng hpe tawt lai nu ai.