ROMA 16:3 - Jinghpaw Common Language Bible 2009

³ Hkristu Yesu a magam bungli gunhpai ai hta nye a shingdep shingtau rai nga ai Priska yan Akula hpe shakram ya mi;

Jinghpaw Hanson Version Bible

³ Ngai hte rau Yesu Hkristu a amu shingtau ai Priska yan Akula hpe shakram ya mi;

ROMA 16:3 ပူးပေါင်းရင်းမြစ်များ

KASA 18:26

Shi gaw tara jawng hta nden ja ai myit hte hkaw tsun hpang ai. Ya Priskila yan Akula gaw shi hkaw tsun ai ga na jang, shi hpe nta de saw shaga la nna, Karai Kasang a mungga lam hpe grau nna jaw ai hku tsun sanglang sharin ya wu ai.

ROMA 16:10

Hkristu hta sadi dung ai lam hta ra n rawng ai Apele hte Aristobulu a nta na ni hpe shakram ya mi.

ROMA 16:4

Shan gaw nye a asak a matu tinang a du baw shatawng kau nna magam gun hpai ai yan rai nna ngai hkrai sha n rai, Yuda amyu masha n re ai ni a hpung ni yawng mung, shan hpe chyeju dum shakawn ga ai.

ROMA 16:7

Nye a Yuda amyu masha hpu nau rai nga ai, ngai hte rau htawng rawng yu ai Androniku yan Yuni hpe shakram ya mi; Dai yan gaw kasa ni hta masha yawng e chye ai; mying dan hkung nna nye a shawng e Hkristan tai wa ai yan rai ma ai.

ROMA 16:9

Anhte hte rau Hkristu a amu shingtau ai Orban hte, ngai tsaw ra ai Staku yan hpe mung shakram ya mi.

ROMA 8:1

Dai re ai majaw ya gaw Hkristu Yesu hte langai sha rai nga ai ni a matu daw dan hkrum shara n nga ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkum hkrang ni hpe mung jahkrung ya na marin dai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

1 KORINHTU 16:16

Hpu nau ni e, shing re ai ni a woi awn ai lam hpe mung, shanhte hte rau shingdep shingtau nna amu bungli galaw daw jau nga ai ni a woi awn ai hpe mung, hkap la hkan sa na matu, nanhte hpe ngai hpyi nem dat made ai.

1 KORINHTU 16:19

Asi mung na Hpung ni gaw nanhte hpe shakram dat ma ai. Akula yan Priska hte shan a nta e jawm hkrum nna nawku ai hpung masha ni mung, Hkristan tsaw ra myit hte nanhte hpe grai wa shakram dat ma ai.

2 KORINHTU 12:2

Hkristan la langai mi gaw lai wa sai shi mali ning ten hta tsaw dik ai sumsing lamu de woi shapoi lung mat wa hkrum wu ai ngai chye nngai. (Dai zawn shapoi hkrum ai gaw hkum hkrang hte rai kun? shing n rai hkum hkrang n lawm ai kun? ngai n chye nngai, Karai Kasang sha chye nga ai.)

2 KORINHTU 5:17

Kadai rai ti mung Hkristu hte langai sha tai mat ai shaloi shi gaw masha ningnan tai wa sai, shawng na dingsa hte gaw lai mat wa sai, yu mu yawng mayawng ningnan tai wa sai.

GALATI 1:22

Dai aten hta Yuda mung na Hkristan hpung ni hta na hpung masha ni gaw ngai hte myi man chyaw n chye n chyap shi ma ai.

HPILIPI 2:25

Bai nanhte a hpu nau wa, shingdep shingtau wa hte rau sha gasat gala ai hpyen ma manang wa, ngai hpe karum na matu nanhte shangun dat nna gawn lajang ai wa Epahprodi hpe nanhte hpang de bai shangun dat na re ai ngu nna ngai nawn nngai.

KOLOSE 4:11

Yustu ngu nna mung shamying ai Yesu mung, nanhte hpe shakram dat ai. Ndai marai masum chyu sha kam sham ai Yuda masha ni rai nna, Karai Kasang a mungdan a matu ngai hte rau amu galaw ai nye a shingdep shingtau ni rai nga ma ai hte ngai hpe karum dik ai ni rai ma ai.

2 TIMOHTI 4:19

Priska hte Akula yan hte Onesihpuru a nta masha ni hpe shakram dat nngai.