ROMA 16:2 - Jinghpaw Common Language Bible 2009

² Nanhte gaw Karai Kasang a masha ni shada hkap hkalum la ai hku nna shi hpe Madu a mying hta hkap hkalum bawp la nhtawm nanhte kaw nna karum la ra ai hpa hpe rai ti mung shi hta ra kadawn nga ai hte maren, karum madi shadaw la mu; hpa majaw nga yang shi gaw shi hkum nan masha law law hpe mung ngai hpe mung karum madi shadaw lai wa sai jinghku kaja langai mi rai nga ai.

Jinghpaw Hanson Version Bible

² chyoi pra ai ni a ging dan ai hku hkan nna, dai Madu hta e shi hpe hkap hkalum la nhtawm, hpa lam rai timung shi ra ai hte maren, shi hpe tawn nga mu; kaning rai nme law, shi hkum nan masha law law wa hpe mung, ngai hpe mung, tau ga sai.

ROMA 16:2 ပူးပေါင်းရင်းမြစ်များ

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

KASA 9:13

Anani gaw, “Madu e ndai masha wa Yerusalem mare e nga ai na a masha ni hpe hkrithpa n hkru ai hku galaw sai lam masha law law wa ngai hpe tsun dan masai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

KASA 9:36

Ya, Yopa mare hta Tabihta mying ai kam sham ai; numsha langai mi nga ai. (Shi a mying hpe Grik ga hku Dorka ngu ai rai nna de a lachyum “Chyahkyi” ngu ai re.) Shi gaw shi a aten hpe kaja ai amu bungli galaw nna matsan mayan ni hpe karum madi shadaw alu jaw ai lam hta jai lang nga ai.

KASA 9:39

Shaloi Petru rawt nna dai yan hte rau hkan sa wa ai. Shi du ai shaloi ntsa gawk de woi shawn mu ai. Dai yang e gaida jan ni nlang Petru a makau e tsap gum bawm nna naw hkring nga yang, Dorka chywi ai kata palawng ni ntsa palawng ni hpe madun dan let, hkrap nga ma ai.

KASA 9:41

Petru mung lata ladawn nna gang sharawt la wu ai. Dai hpang gaida jan ni hte kam sham ai hpung masha ni yawng hpe shaga la nna asak bai hkrung wa ai Dorka hpe ap ya mu ai.

ROMA 15:7

Dai rai nna Karai Kasang a hpung shingkang dan hkung wa na matu, Hkristu gaw nanhte hpe hkap hkalum la manit dai hte maren nanhte shada da hkalum la mu.

ROMA 16:15

Hpilogu hte Yulia, Nerea hte shi a kajan Olumpa hte shan hte rau nga ai Karai Kasang a masha ni yawng hte hpe shakram ya mi.

ROMA 16:23

Ngai hpe galaw daw ai hta n ga, shi nta hta Hkristan hpung masha yawng nawku zuphpawng galaw ai nta madu wa Geu mung nanhte hpe shakram dat ai. Mare na gumhpraw dum up ai sutsin wa Erastu hte Hpu nau Kuarta yan mung nanhte hpe shakram dat ma ai.

ROMA 16:6

Nanhte a matu amu bungli grai galaw shakut shaja sai Mari hpe shakram ya mi.

ROMA 16:9

Anhte hte rau Hkristu a amu shingtau ai Orban hte, ngai tsaw ra ai Staku yan hpe mung shakram ya mi.

EHPESU 5:3

Nanhte gaw Karai Kasang a amyu masha ni rai nga myit dai majaw, hpye ai amu, n san n seng ai yawng hte hte nammak lawhpa ai hte seng ai lam ni nanhte hta e ga hte pyi n tsun myit ga,

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 2:29

Dai rai nna nanhte shi hpe Madu hta hpu nau langai mi hku nna hkap tau hkalum la mu. Shing re ai ni hpe hkungga lara di mu.

KOLOSE 4:10

Nye a bawng dung manang Aristarku nanhte hpe shakram dat ai. Bai nna Barnaba a kahkri Marku mung nanhte hpe shakram dat ai. (Nanhte hpang de Marku du sa wa ai shaloi hkap hkalum la mu ngu nna matsun dat ai lam ni hpe nanhte lu la tawn chyalu rai manit dai.)

1 TIMOHTI 2:10

nawku htung tara atsawm sha hkan shadik ai numsha ni a matu galaw ang ai lam hte maren mai kaja ai arawn alai hte tinang a hkum hpe mawn nga mu ga,

2 TIMOHTI 1:18

Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

TITU 2:3

Dai hte maren, asak kaba sai gumgai ni mung, kam sham nna tara hkungga ai ni, shatan nhkan ga n tsun ai hte chyaru a mayam n tai ai sha mai kaja ai lam sharin achyin chye ai ni rai lu mu ga, nang shanhte hpe sharin shaga ya lu na rai ndai.

HPILEMON 1:12

Ya e shi hkum nan hpe nang hpang de ngai wa shangun dat nngai; dai lam hta nye a tsaw ra myit du nna lawm nga ai.

HPILEMON 1:17

Dai re ai majaw, nang ngai hpe na a rau rum kanawn manang zawn nawn ndai rai yang gaw, ngai hpe zawn shi hpe hkap hkalum la u.

2 YAWHAN 1:10

Marai langai ngai nanhte kaw du sa nna dai sharin shaga ai ga hpe n lang a yang gaw, dai wa hpe nanhte a nta ni hta hkum jashawn la mu. Shi hpe, “Ngwi pyaw nga n ga law,” ngu nna pyi hkum tsun myit.