ROMA 15:9 - Jinghpaw Common Language Bible 2009

⁹ Maigan amyu masha ni pyi Karai Kasang a matsan dum lama ai lam hpe shakawn kungdawn lu mu ga, ngu nna mung du sa ra ai. Chyum laika hta, “Dai re ai majaw maigan amyu ni a kata hta ngai nang hpe shakawn na nngai, Na a mying nsang hpe mahkawn mangoi na nngai,” nga nna ka da ai hte maren rai nga ai.

Jinghpaw Hanson Version Bible

⁹ Karai Kasang a tengman ai lam a matu mara, Hkristu gaw matu gadoi hkam ai ni a ali ama tai wa sai. Shing rai, “Dai re ai majaw maigan amyu ni hta ngai nang hpe shakawn na nngai, Na amying nsang hpe mahkawn mangoi na nngai,” nga nna ka da ai hte maren rai nga ai.

ROMA 15:9 ပူးပေါင်းရင်းမြစ်များ

2 SAMUELA 22:50

Dai re ai majaw, amyu baw ni hta ngai nang hpe shakawn kungdawn nngai; ngai nang hpe mahkawn shakawn nngai.

SHAKAWN KUNGDAWN 18:49

Shing rai, ngai gaw nang hpe amyu baw ni a ka-ang e, shakawn nngai; ngai nang hpe mahkawn shakawn nga nngai.

SHAKAWN KUNGDAWN 57:9

O Madu e, amyu baw ni a ka-ang hta, nang hpe ngai chyeju dum nga na nngai. Amyu masha ni a man e, ngai nang hpe shakawn nga na nngai.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkaw ahkang jaw ai Karai Kasang hpe shakawn shagrau nga ma ai.

ROMA 11:30

Nanhte maigan amyu masha ni chyawm gaw moi shawng de Karai Kasang hpe n madat n mara myit dai; rai ti mung ya Karai Kasang matsan dum lama ai lam hkam la lu ai gaw Yuda amyu masha ni Karai Kasang a ga hpe n madat n mara ai majaw rai nga ai.

ROMA 3:29

Karai Kasang gaw Yuda amyu masha ni a Karai Kasang sha rai ni? Tara maigan masha ni a Karai Kasang mung rai nga ai n rai ni? Rai sa, shi rai nga ai.