ROMA 15:8 - Jinghpaw Common Language Bible 2009

⁸ Hpa majaw nga yang Karai Kasang gaw ga sadi dung ai wa re ai lam hpe shadan dan na matu, lam mi hku tsun ga nga yang, ji wa ni hpe jaw da ai ga ndat hpe shadik shatup na matu Madu Yesu gaw matu gadoi hkam ai Yuda amyu masha ni a mai kaja ai lam a matu mara du sa ra ai ngu nna ngai tsun nngai.

Jinghpaw Hanson Version Bible

⁸ Kaning rai nme law, ngai tsun nngai gaw, ji wa ni kaw jaw da ai ga ndat hpe shagrin lu na hte, maigan amyu ni mung chyeju majaw Karai Kasang hpe shakawn kungdawn lu mu ga,

ROMA 15:8 ပူးပေါင်းရင်းမြစ်များ

GA SHAGAWP 8:7

Ngai tsun ai ga gaw teng man nga ai rai nna, masu magaw ga ni hpe ngai n dawng nga nngai.

MIHKA 7:20

Nang gaw moi chyaloi nhkoi kaw nna anhte a kaji kawa ni hpe nang jaw ai ga shaka hte maren, Abraham hte Yaku a aru arat rai nga ai na a amyu masha ni hpe na a kangka re ai lam hte dinggrin tsaw ra myit madun dan na rai nga ndai.

MAHTE 15:24

Shaloi Yesu gaw, “Israela dap na dam mat wa ai sagu ni a matu sha ngai hpe shangun dat nngai,” ngu wu ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

YAWHAN 1:11

Mungga gaw shi a buga mungdan de du sa ra ai, rai ti mung shi a amyu bawsang ni shi hpe n hkap la ma ai.

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

ROMA 11:22

Ndai kaw Karai Kasang gaw gade daram matsan dum lama chye ai hte gade daram laja lana ari jaw chye ai wa re ai hpe anhte mu lu ga ai. Shi gaw yubak mara galaw ai ni hpe laja lana ari jaw nga ai rai ti mung nanhte gaw shi a matsan dum lama ai lam hpe hkam la ai lam hta matut nna ging dan hkra hkawm sa ai rai yang, shi gaw nanhte hpe matsan dum lama nga na ra ai. Rai ti mung nanhte mung shi a matsan dum lama ai hpe hkam la ging ai ni n tai myit yang gaw nanhte mung, gyi kau ai hkrum na marin dai.

ROMA 11:30

Nanhte maigan amyu masha ni chyawm gaw moi shawng de Karai Kasang hpe n madat n mara myit dai; rai ti mung ya Karai Kasang matsan dum lama ai lam hkam la lu ai gaw Yuda amyu masha ni Karai Kasang a ga hpe n madat n mara ai majaw rai nga ai.

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

ROMA 3:26

Rai ti mung Karai Kasang gaw ndai prat hta shi a ding hpring ai lam shadan dan na matu shinggyim masha ni a yubak mara ni hte seng nna shabyin ai lam nga nga ai. Karai Kasang gaw shi nan ding hpring ai Madu rai nga ai hpe mung, Madu Yesu hpe kam sham ai ni yawng hte hpe ding hpring ai ni ngu nna hkap la ai hpe mung shadan dan nu ai.

ROMA 3:3

Dai rai yang lama wa shanhte hta na nkau mi sadi n dung yang gaw, shanhte a sadi n dung ai lam a majaw Karai Kasang mung sadi n dung na re ngu nna tsun lu na kun?

ROMA 4:16

Dai ga sadi gaw jep ai Tara hpe hkan shatup ai ni a matu sha n rai Abraham zawn Karai Kasang hpe kam sham ai ni yawng a matu mung rai nga ai, hpa majaw nga yang Abraham gaw anhte yawng mayawng a wenyi lam hta Kawa rai nga ai.

1 KORINHTU 1:12

Ngai ning ngu nna tsun made ga, nanhte hta na masha nkau mi gaw, “Ngai gaw Pawlu a sape rai nngai; ngai gaw Apolo a sape rai nngai; ngai gaw Petru a sape rai nngai; ngai gaw Hkristu a sape rai nngai,” nga nna nanhte langai hte langai shai ai hku tsun hkat shajang nga myit dai.

1 KORINHTU 10:19

Ning nga ngai tsun ai gaw, sumla shing n rai, sumla hpe nawng ai hkungga lusha gaw kaja wa lam la ahkyak nga ai ngu nna ngai tsun mayu ai rai ni?

1 KORINHTU 10:29

Myit ung ang ai lam ngu ai hpe ngai tsun ai shaloi, nanhte a myit ung ang ai hpe tsun mayu ai n rai; dai shadum ai wa a myit ung ang ai lam hpe ngu mayu nngai. Nanhte hta na marai langai ngai, “Nye a galaw lu ai shanglawt ahkang hpe kaga masha wa a ung ang ai myit e hpa majaw shadawn shadang masat kau ya lu na rai ta?

1 KORINHTU 15:50

Hpu nau ni e, ngai nanhte hpe tsun mayu ai lam gaw, asai yan ashan hte rai nga ai masha gaw, Karai Kasang a mungdan a sali wunli n dagraw la lu ai hte hten mat chye ai gaw n hten n mat chye ai sali wunli hpe madu lu na n rai.

2 KORINHTU 1:20

Shi gaw Karai Kasang a ga ndat ni yawng a matu “Re ai” ngu ai mahtai rai nga ai. Dai rai nna anhte gaw Karai Kasang a hpung shingkang dan hkung shangun na matu Yesu Hkristu hta “Amen” ngu ga ai.

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.