ROMA 15:4 - Jinghpaw Common Language Bible 2009

⁴ Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

Jinghpaw Hanson Version Bible

⁴ Kaning rai nme law, anhte shakut sharang nga lu nna, Chyum laika ni a shangwi shapyaw ai ga a majaw myit mada shara nga lu u ga, shawng e ka da ai lam shagu gaw, anhte hpe sharin achyin ya na matu, ka da nga sai.

ROMA 15:4 ပူးပေါင်းရင်းမြစ်များ

SHAKAWN KUNGDAWN 102:18

Hpang ban prat na masha ni a matu, Madu galaw da sai amu ni hpe ka matsing da nga mu; shing rai, ya garai n shangai pra sa wa na ni mung, shi hpe shakawn kungdawn wa na mara ai.

SHAKAWN KUNGDAWN 119:50

Na a ga sadi gaw ngai hpe asak jahkrung ya nga nit dai majaw; nni nkri hkrum sha nga ai aten hta pyi, shalan shabran ai ngai hkrum nga ni ai.

HABAKU 2:2

Dai Madu gaw ngai hpe ndai mahtai jaw wu ai: “Ngai nang hpe madun dan ai lam hpe lungpa ntsa hta e dan dan pra pra ka jahkrat tawn u, shaloi dai hpe praw rai hti lu na ra ai.

ROMA 12:12

Myit mada let kabu gara nga mu. Nanhte hkrum hkra na ru yak jam jau lam ni hta hkam sharang nga mu; akyu hpyi ai hta tut e htep lahti rai nga mu.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

1 HTESALONI 1:3

Hpa majaw nga yang, nanhte a makam masham hta ta tut gara hku hkan sa nga myit dai hpe mung, nanhte a tsaw ra ai myit a majaw gade daram amu galaw shakut shaja nga myit dai hpe mung, Madu Yesu Hkristu hta nanhte a myit mada ai lam gade ngang kang nga malit dai hpe mung, anhte a Wa Karai Kasang a man e anhte myit dum nga ga ai.

1 PETRU 1:13

Dai re ai majaw, nanhte amu galaw shamu shamawt sa wa na matu nanhte a myit masin ni hpe shajin da mu. Yesu Hkristu dan pru ai shaloi e nanhte hpe jaw ya na ra ai chyeju hpe ung ang ai myit n rawng ai sha amaja nga let tsep kawp myit mada ala nga mu.