ROMA 15:3 - Jinghpaw Common Language Bible 2009

³ Hkristu mung shi hkum dai n shapyaw la ai sha Chyum Laika hta, “Nang hpe shatan nhkan tsun ai ga ni nye a ntsa e du ra ai,” nga nna ka da nga ai hte maren masha ni a shatan nhkan ai hpe hkam wu ai.

Jinghpaw Hanson Version Bible

³ Shing rai Hkristu mung shi hkum dai n shapyaw la ai sha, Nang hpe shatan ai ni a shatan nhkan ga, nye a ntsa e du ra ai, nga nna ka da nga ai hte maren, rai nga sai.

ROMA 15:3 ပူးပေါင်းရင်းမြစ်များ

SHAKAWN KUNGDAWN 69:20

N kaw n law re ai lam ni gaw nye a myit masin hpe gawng sharun ya nga ai majaw, ngai myit htum nga nngai. Matsan dum la na masha hpe ngai myit mada yu ni ai, rai ti mung, langai mi mung n nga nga ai; myit shalan shabran ya na matu mung, kadai hpe mung ngai n mu lu nngai.

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 27:44

Shi hte rau jen da hkrum ai damya yan pyi gaw dai hte maren shi hpe jahpoi asawng mu ai.

YAWHAN 15:10

Ngai gaw nye Wa a hkang da ai ga ni hpe madat mara hkan shatup nna, shi a tsaw ra ai hta maju jung nga nngai zawn, nanhte mung nye a hkang da ai ga ni hpe madat mara hkan shatup myit yang gaw, nye a tsaw ra ai hta maju jung na myit dai.

YAWHAN 15:24

Masha kadai n di lu ai amu ni hpe, ngai shanhte hta n galaw dan yu nngai rai taw gaw, shanhte mara lu na n rai ma ai; ya chyawm gaw, shanhte ngai galaw ai amu ni hpe mu lu masai rai nna, ngai hpe mung, nye Wa hpe mung n dawng n yawt rai masai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 5:30

Ngai gaw nye a myit hte hpa mung n galaw lu nngai; ngai gaw Karai Kasang tsun ai hte maren sha jeyang nngai; nye a jeyang daw dan ai lam mung ding man li ai; hpa majaw nga yang, ngai gaw ngai ra ai lam hkan galaw na matu shakut nga nngai n rai, ngai e shangun dat ai wa a ra ai lam hkan galaw na matu chyu sha tam shakut nga nngai.

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

YAWHAN 8:29

Dai hta n ga, ngai hpe shangun dat ai wa gaw, ngai hte rau anga nga ai; shi sharawng awng ai amu hpe, ngai tut nawng agalaw nga nngai majaw, shi gaw ngai hpe hkrai sha n tawn kau da nngai,” ngu tsun wu ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

HPILIPI 2:5

Hkristu Yesu hta rawng ai myit nan, nanhte hta mung rawng nga myit ga.

HPILIPI 2:8

Shi a myit hpe shagrit shanem kau nna, si ai du hkra madat mara nu ai. Kaja wa wudang hta si ai du hkra madat mara nga ai.