ROMA 15:1 - Jinghpaw Common Language Bible 2009

¹ Dai rai nna makam masham hta n-gun ja ai anhte ni gaw, makam masham n-gun kya ai ni a makam masham n hten mat hkra shanhte a lit hpe madi shadaw na mai kaja nga ai. Anhte gaw tinang a ra ai lam hpe n mai hkan tam ai.

Jinghpaw Hanson Version Bible

¹ Dai rai nna anhte n-gun ja ai ni gaw, tinang pyaw ai lam n hkan ai sha, n-gun kya ai ni a magrau n grang ai hpe hkam sharang na, sut nga ai.

ROMA 15:1 ပူးပေါင်းရင်းမြစ်များ

ROMA 14:1

Kam sham ai hta n-gun n ja ai wa hpe hkap hkalum la mu, rai ti mung shi a myit sawn yu ai lam hte seng nna ndang kalang rai dinglun ai lam hkum galaw myit.

ROMA 14:2

Langai wa a makam masham gaw lusha amyu myu sha mai ai nga nna ahkang jaw nga ai rai ti mung, makam masham hta n-gun n ja ai wa mahtang gaw namlaw namlap ni hpe sha, sha nga ai.

ROMA 4:20

Shi gaw galoi mung Karai Kasang a ga sadi hpe kam shut ai hte n di n da n re ai sha, Karai Kasang hpe kam hpa ai lam n kabai kau wu ai hta n ga shi a makam masham gaw shi hpe n-gun atsam jahpring ya nga ai rai nna shi Karai Kasang hpe shakawn kungdawn wu ai.

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

1 KORINHTU 9:22

Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.

2 KORINHTU 12:10

Dai rai nna ngai gaw Hkristu a jaw e hkam ai gawng kya ai lam ni jahpoi asawng ai, kyin dut ai. zingri zingrat hkrum ai, hte yak hkak ai lam ni a majaw kabu myit dik nga nngai, hpa majaw nga yang ngai gawng kya ai shaloi ngai n-gun atsam rawng nga nngai.

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

HPILIPI 2:4

Langai hte langai tinang hte seng ai lam hpe sha n rai, masha gale hte seng ai lam hpe mung myit yu nga mu ga.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

1 YAWHAN 2:14

Nye a shu sha ni e, dai Kawa hpe nanhte chye nga myit dai majaw, ngai nanhte hpang de ka dat nngai. Ji wa ni e, shawng npawt kaw nna nga nga ai wa hpe nanhte chye nga myit dai majaw, ngai nanhte hpang de ka dat nngai. Shabrang ni e, nanhte n-gun ja myit dai rai nna, Karai Kasang a mungga gaw nanhte hta e rawng nga ai hte, dai n hkru ai nat Satan wa hpe dang kau myit dai majaw, ngai nanhte hpang de ka dat nngai.