ROMA 14:9 - Jinghpaw Common Language Bible 2009

⁹ Hpa majaw nga yang, Hkristu gaw hkrung nga ai ni hte si mat ai ni a Madu tai lu na matu si hkam nna bai hkrung rawt wa sai.

Jinghpaw Hanson Version Bible

⁹ Kaning rai nme law, si mat ai ni hte hkrung nga ai ni hpe madu nga lu hkra, Hkristu gaw si hkam nna bai hkrung rawt wa sai.

ROMA 14:9 ပူးပေါင်းရင်းမြစ်များ

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

LUKA 24:26

Meshia gaw shi a hpung shingkang hta garai n shang ningngai yang, shing re ai nni nkri hpe hkam ra ai n rai ni?,” ngu nna tsun mu ai.

YAWHAN 12:24

Nanhte hpe ngai kaja wa teng teng tsun made ai gaw, mam nhkyep gaw ga hta hkrat nna, n hten mat yang gaw langai sha arai nga ai; hten mat yang she asi law law si wa lu ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

KASA 10:42

Shi nan mung, hkrung ai ni hte si ai ni a tara agyi tai na Karai Kasang e san da ai wa rai nga sai lam Kabu Gara Shiga hpe, mung masha ni hpe hkaw tsun dan na matu shi anhte hpe hkang da mani ai.

ROMA 10:9

Shing rai Yesu gaw Madu rai nga ai nga nna na a n-gup ga hte tsun gara yin la nna Karai Kasang gaw si mat ai ni kaw na shi hpe hkrung sharawt la ai hpe na a myit masin hta kam sham n yang gaw nang hkye hkrang la ai hkrum na rin dai.

2 KORINHTU 5:14

Anhte hpe Hkristu a tsaw ra ai myit e up hkang da mi ai. Hpa majaw nga yang, marai langai mi masha yawng mayawng a matu mara si hkam sai hpe anhte myit mu myit hkut saga ai. Dai rai nna dai gaw shi a si hkam ai hta yawng mayawng si hkam lawm sai ngu ai lachyum rai nga ai.

1 HTESALONI 4:14

Madu Yesu gaw si mat nna bai hkrung rawt wa ai hpe anhte kam nga ga yang gaw, Yesu hpe kam sham nna si mat wa ai ni hpe mung Karai Kasang gaw Yesu hte rau shi hpang de woi wa na maru ai ngu nna anhte kam sham ga ai.

1 HTESALONI 5:10

Hkristu bai du sa wa ai shaloi e anhte gaw si mat sai rai ti mung, naw hkrung nga ai rai ti mung, shi hte rau asak hkrung nga lu na matu shi gaw anhte a matu si hkam ya sai.

2 TIMOHTI 4:1

Karai Kasang a man e mung, hkrung nga ai ni hte si ai ni hpe tara jeyang na ra ai Hkristu Yesu a man e mung, shi gaw up hkang na matu Hkawhkam hku nna du sa na ra ai rai nna ngai nang hpe aja awa shadut dat de ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

1 PETRU 4:5

Rai ti mung shanhte gaw hkrung nga ai ni hte si mat ai ni hpe tara daw dan na matu shajin tawn nga ai Karai Kasang a man de shanhte nan a jahpan dan lu na rai ma ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 2:8

“Samurna hpung a lamu kasa hpe ning ngu ka dat u: “Ndai gaw, ningshawng wa hte jahtum wa, si sai rai ti mung asak bai hkrung wa ai wa kaw na mungga rai nga ai.