ROMA 14:2 - Jinghpaw Common Language Bible 2009

² Langai wa a makam masham gaw lusha amyu myu sha mai ai nga nna ahkang jaw nga ai rai ti mung, makam masham hta n-gun n ja ai wa mahtang gaw namlaw namlap ni hpe sha, sha nga ai.

Jinghpaw Hanson Version Bible

² Langai ngai gaw lusha amyu myu mai sha na kam nga ai, n-gun n ja ai wa mahtang gaw nam law nam lap sha nga ai.

ROMA 14:2 ပူးပေါင်းရင်းမြစ်များ

NINGPAWT NINGHPANG 1:29

Nan sha na matu nsi naisi li rawng ai nai mam amyu yawng hte asi si ai hpun amyu yawng ngai jaw da made ai;

NINGPAWT NINGHPANG 9:3

Ya chyawm gaw, dai ni hpe mung, tsit lali ai namlaw namlap ni hpe mung nanhte sha lu na myit dai; nanhte a matu lusha tai u ga she, dai yawng mayawng nanhte hpe ngai jaw da nngai.

GA SHAGAWP 15:17

Nang tsaw ra ai masha ni hte rau namlaw namlap shatmai jawm sha ai gaw n ju n dawng ai shara hta mu mai ai shan lusha jawm sha ai hta grau mai kaja nga ai.

Daniela 1:12

Shi gaw, “Anhte hpe shi ya tup chyam yu mi, anhte dai laman sha na namlaw namlap hte lu na ntsin sha jaw mi.

Daniela 1:16

Dai rai nna, dai aten kaw nna sin langa wa mung hkawhkam wa hkang da ai lusha jaw na malai shanhte hpe namlaw namlap matut sha shangun wu ai.

ROMA 14:1

Kam sham ai hta n-gun n ja ai wa hpe hkap hkalum la mu, rai ti mung shi a myit sawn yu ai lam hte seng nna ndang kalang rai dinglun ai lam hkum galaw myit.

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

ROMA 14:20

Lusha shahpa nhkan e Karai Kasang a bungli hpe hkum sharun shabya kau et. Shahpa yawng mayawng gaw sha na mai nga ai, rai ti mung dai shahpa sha ai a majaw masha kaga wa hpe yubak mara hta kataw bang shangun ai rai yang gaw nang mara lu nga ndai.

ROMA 15:1

Dai rai nna makam masham hta n-gun ja ai anhte ni gaw, makam masham n-gun kya ai ni a makam masham n hten mat hkra shanhte a lit hpe madi shadaw na mai kaja nga ai. Anhte gaw tinang a ra ai lam hpe n mai hkan tam ai.

1 KORINHTU 10:25

Nanhte a ung ang ai myit asan sha rai mat na matu, shan dut gat na hpa shan rai ti mung, san jep yu ai lam n galaw ai sha mari sha mu.

1 KORINHTU 8:9

Rai ti mung, nanhte ndai zawn n dut n dang sha lu ai ahkaw ahkang gaw, Karai Kasang hpe kam sham ai lam hta n-gun kya nga ai ni hpe lam shadam, mara galaw shangun ai lam n byin u ga, sadi nga mu.

1 KORINHTU 9:22

Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.

GALATI 2:12

Yaku shangun dat ai masha nkau mi dai de garai n du sa wa ai shawng e Petru gaw maigan hpu nau ni hte rau shat sha nga ai, rai ti mung dai shangun dat hkrum ai masha ni du sa wa ai shaloi matu gadoi hkam ai ni hpe hkrit kang nga ai majaw maigan masha ni hte rau shat sha nga ai kaw na pru yen mat ai.

1 TIMOHTI 4:4

Karai Kasang hpan da sai arai yawng mayawng chyawm gaw mai kaja nga ai rai nna hpa baw shahpa hpe mung koi gam ra na n rai; rai ti mung shahpa yawng mayawng hpe chyeju shakawn akyu hpyi ai hte hkam la ra ga ai.

TITU 1:15

Tinang dai san seng nga sai ni a matu arai yawng mayawng gaw san seng nga ai; rai ti mung tinang dai n san n seng nna, Madu Yesu hpe n kam n sham ai ni a matu chyawm gaw, hpa mung n san n seng nga ai. Hpa majaw nga yang, shanhte a myit mang ai lam hte kraw lawang mahtang n san n seng nga malu ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.