ROMA 13:7 - Jinghpaw Common Language Bible 2009

⁷ Dai rai nna shanhte hpe nanhte jaw ang ai made jaw mu; nanhte jaw ra ai hkansi hte kang nga manga hte hpe jaw mu. Shanhte yawng hpe hkungga lara ai lam hte shagrau shareng ai lam galaw mu.

Jinghpaw Hanson Version Bible

⁷ langai hte langai hte hpe mai ang ai hte maren jaw ya mu: hkansi mai hta ai wa hpe hkansi, kang mai hta ai wa hpe kang, bang mu; hkrit kamyin mai ai wa hpe hkrit kamyin nga mu, hkungga lara ram ai wa hpe, hkungga lara di mu.

ROMA 13:7 ပူးပေါင်းရင်းမြစ်များ

1 HKAWHKAM 3:17

Shan hta na langai mi gaw, “Madu hkawhkam e, ndai numsha hte ngai gaw nta langai hta rau nga ga ai. Shing rai jawm nga ga yang, dai nta e la kasha langai shaprat we ai.

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

GA SHAGAWP 24:21

Ngai sha e, dai Madu hpe hkrit kamyin nga u; hkawhkam wa hpe shagrau sha-a nga u, shanhte hte nhtan shai nna gumle gumlau ai masha ni hte hkum kanawn et;

GA SHAGAWP 3:27

Mai kaja ai amu galaw na matu, ra kadawn nga ai ni hpe mai byin ai aten, galoi rai tim, nang galaw nga u.

JAW JAU 19:3

Nanhte langai hte langai gaw tinang a kanu kawa hpe hkungga lara na rai myit dai. Ngai hkang da sai Bansa Nhtoi hpe mung dum nga lu na rai myit dai. Ngai gaw dai Madu nanhte a Karai Kasang rai nga nngai.

JAW JAU 19:32

“Asak kaba sai ni hpe hkungga lara ai lam madun dan mu; shanhte hpe shagrau sha-a mu. Ngai hpe hkrit hkungga lu na rai myit dai. Ngai gaw dai Madu rai nga ai.

MAHTE 17:25

Petru gaw, “Bang ga ai,” ngu wu ai. Ya Petru a nta hta shang bang wa yang, Yesu shi hpe shawng hkap tsun wu ai gaw, “Simun e, nang gara hku myit da wu ta? Ga ntsa Hkawhkam ni kang hte hkan se kadai kaw na hta ma ta? Mungchying sha ni kaw na hta ma ni? Shing n rai maigan masha ni kaw na hta ma ni?,” ngu wu ai.

MAHTE 22:21

Shanhte gaw, “Kehta a sumla hte masat laika kap nga ai,” ngu nna htan mu ai. Shaloi shi gaw, “Dai rai yang gaw, Kehta hte seng ai hpe gaw Kehta hpe ya mu; Karai Kasang hte seng ai hpe gaw, Karai Kasang hpe ya mu,” ngu nna shanhte hpe tsun mu ai.

MARKU 12:17

Yesu gaw, “Kaja sai, shaloi rai jang gaw, Kehta hte seng ai hpe gaw Kehta hpe jaw mu, Karai Kasang hte seng ai hpe gaw, Karai Kasang hpe jaw mu,” ngu nna shanhte hpe tsun mu ai. Shanhte mahtang shi a lam grai mau mat nga ma ai.

LUKA 20:22

Anhte gaw Roma hkawseng wa kaw hkanse mai bang ga ni? N mai bang ga ni? Bang yang anhte a jep ai Tara hte anhte a matu nhtan shai a ni?, tsun dan mi,” ngu nna shi hpe san yu mu ai.

LUKA 20:25

Dai majaw Yesu gaw, “Rai sa, dai rai yang gaw, hkawseng hte seng ai hpe hkawseng hpe jaw mu; Karai Kasang hte seng ai hpe Karai Kasang hpe jaw mu,” ngu nna shanhte hpe tsun mu ai.

LUKA 23:2

Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

ROMA 13:6

Dai majaw mung, nanhte hkansi bang nga myit dai; hpa majaw nga yang, ahkang aya lu ai ni gaw tinang galaw ang ai lit ni hpe gun hpai ai shaloi Karai Kasang a matu magam bungli gun hpai ai ni tai nga ma ai.

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.

EHPESU 6:5

Mayam ni e, nanhte Hkristu hpe daw jau nga ai zawn, nanhte a shinggyim madu ni hpe madat mara let hkrit kamyin ai hte myit malang nna myit su ai hku galaw mu.

1 TIMOHTI 5:13

Dai hta kaga shanhte gaw nta langai mi kaw nna langai mi hta shang chyai hkawm nna aten hpe kaman shama kau ai lam galaw chye wa ma ai. Dai hta grau n kaja ai lam gaw, shanhte n tsun ang ai lam ni hpe hkan tsun nna shatan n lem hkawm ai hte tinang hte n seng ai lam ni hta ginchya lawm chye ma ai.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

1 TIMOHTI 6:1

Mayam re ai ni gaw tinang a madu ni hpe hkungga lara ging ai ni re ngu nna hkam la ra ma ai. Shaloi she kadai mung Karai Kasang a mying ningsang hte anhte sharin shaga ai lam hpe n kaja ai hku jahpoi asawng na ma ai n rai.

1 PETRU 3:7

Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.

1 SAMUELA 12:18

Dai rai nna, Samuela hpyi wu ai hte maren, dai shani e nan dai Madu gaw mu shangoi nna marang jahtu dat wu ai. Shaloi amyu masha ni yawng mung dai Madu hte Samuela hpe hkrit mat ma ai rai nna,