ROMA 13:4 - Jinghpaw Common Language Bible 2009

⁴ Hpa majaw nga yang, shi gaw na a akyu ara a matu mara, Karai Kasang a shangun ma rai nga ai. Rai ti mung nang n hkru n kaja ai amu galaw n yang gaw, shi hpe hkrit kang nga u, hpa majaw nga yang, shi gaw ari jaw lu ai magam atsam ahkang aya, kaja wa hkrak lu ai wa rai nga ai. Shi gaw Karai Kasang a shangun ma rai nna n hkru n kaja ai bungli galaw ai ni hpe Karai Kasang a jeyang daw dan ai ari jaw na rai nga ai.

Jinghpaw Hanson Version Bible

⁴ kaning rai nme law, shi gaw na a akyu ara a matu mara, Karai Kasang a hkringmang rai nga ai. N hkru n hkra ai bungli nang galaw n yang gaw, hkrit kang nga u; kaning rai nme law, shi gaw dai nhtu hpe be lagya hpye wu ai n rai; n hkru n hkra ai bungli galaw ai wa hpe pawt sindawng hkra matai tai ai wa ngu ai, Karai Kasang hkringmang shi rai nga ai.

ROMA 13:4 ပူးပေါင်းရင်းမြစ်များ

1 HKAWHKAM 10:9

Dai Madu na a Karai Kasang hpe shakawn kungdawn ga law! Shi gaw nang hpe Israela hkawhkam shatai nhtawm shi hte nang rau rai nga ai hpe gade sha yu awng sharawng nga ai hpe madun dan nga nu ai. Shi gaw Israela hpe prat dingsa tsaw ra nga ai majaw teng man ai tara hte tara daw dan lu na matu shi nang hpe shanhte a hkawhkam shatai ya nit dai,” ngu nna tsun wu ai.

2 HKAWHKAM LABAU 19:6

shanhte hpe ning ngu nna matsun da wu ai: “Nanhte gaw masha a ahkaw ahkang hte n rai; dai Madu a ahkaw ahkang hte sha galaw lu na rai myit dai; nanhte tara daw dan myit dai shaloi nanhte hte rau shi nga nga ai majaw tara dara ai amu hta sadi sahka rai nga mu.

GA SHAGAWP 16:14

Hpaji rawng ai masha wa gaw hkawhkam wa hpe kabu gara shangun na ra ai; hkawhkam wa pawt sindawng wa yang, marai langai ngai asak sum chye nga ai.

GA SHAGAWP 20:2

Shabam nga ai hkanghkyi hpe zawn masin pawt ai hkawhkam wa hpe hkrit nga u; shi hpe shapawt ai gaw tinang hkum sat si ai lam rai nga ai.

GA SHAGAWP 20:26

Hpaji rawng ai hkawhkam wa gaw n shawp ai amu galaw nga ai wa hpe hkan sawk shapraw nhtawm matsan dum myit n rawng ai sha, shi hpe ari jaw na ra ai.

GA SHAGAWP 20:8

Tara tingnyang hta dung nga ai hkawhkam wa gaw n hkru ai lam hpe shi mu ai shaloi, dai lam yawng mayawng hpe shi chye nga ai.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

YEREMIA 5:28

Shanhte gaw hpa majaw hpum sau ai hte lu pyaw sha pyaw nga ma ta? Shanhte a n hkru ai amu galaw ai lam ni hta shadaw shadang n nga nga ai. Shanhte gaw jahkrai ma ni hpe shanhte a ahkaw ahkang n jaw ma ai, dip gamyet sha hkrum ai ni hpe teng man rap ra ai tara n madun ma ai.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

EZEKELA 25:14

Nye a amyu masha Israela ni gaw Edom masha ni hpe nye a matu matai dawp ya na mara ai; shanhte gaw Edom masha ni hpe nye a masin kahtet ai hpe hkam sha shangun na mara ai. Edom gaw nye a matai dawp ai lam kaning re ai majaw rai nga ai hpe shanhte chye lu na mara ai,” ngu nna tsun wu ai. Tsaw Htum ai dai Madu tsun nu ai.

MIHKA 3:9

Teng man ai lam hpe n dawng ai hte shut hpyit maga de kayin hkawm nga ai Israela a mungdu salang ni e, nye a ga madat mu.

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.

ROMA 13:6

Dai majaw mung, nanhte hkansi bang nga myit dai; hpa majaw nga yang, ahkang aya lu ai ni gaw tinang galaw ang ai lit ni hpe gun hpai ai shaloi Karai Kasang a matu magam bungli gun hpai ai ni tai nga ma ai.

1 HTESALONI 4:6

Ndai zawn re ai amu hta nanhte kadai wa mung, tinang a Hkristan hpu nau wa hpe shut hpyit ai lam shing n rai, hpu nau wa a ntsa e ahkaw ahkang la ai lam n mai galaw myit dai. Ndai lam shawng de nanhte hpe anhte tsun dan yu saga ai rai nna Karai Kasang gaw shut hpyit tawt lai ai ni hpe ari jaw na ra ai lam nanhte hpe aja awa sadi jaw dat ga ai.

YAWSHU 20:5

Matai htang mayu ai wa dai yang e shi kaw hkan nang ai rai yang, mare masha ni dai wa a lata de ap ya dat lu na n rai. Dai wa gaw masin pawt ai n re ai sha, ndum shami shi hpe sat kau hkrup nga ai majaw shi hpe makawp maga la lu na rai ma ai.

YAWSHU 20:9

Ndai mare ni gaw Israela amyu masha ni yawng hte shanhte hta hkan nga nang ai maigan masha ni a matu lata da ai hprawng shingbyi na mare ni rai nga ai. Masha langai ngai hpe ndum shami sat kau hkrup ai wa kadai mung matai htang ai wa a lata kaw na makawp maga la hkrum ai lam dai yang e mu tam la lu nga ai. Shawa hpawng a daw dan ai lam hpe shi shawng garai n hkam la dingsa sat kau hkrum na rai wu ai n rai.

1 PETRU 2:14

N hkru ai amu galaw ai ni hpe shagrau sha a aw law na matu, shi san da ai mung gyi ni a npu e ataw nga mu.