ROMA 13:3 - Jinghpaw Common Language Bible 2009

³ Hpa majaw nga yang, kaja ai amu galaw ai ni gaw up hkang ai du ni hpe hkrit agam nga na lam n nga ai, rai ti mung n hkru ai amu galaw ai ni chyawm gaw hkrit ra na rai myit dai. Nang gaw ahkang aya lu ai ni hpe n hkrit ai sha nga mayu n ni? Mai kaja ai bungli galaw u, shing rai jang, shi nang hpe shakawn kungdawn na rin dai.

Jinghpaw Hanson Version Bible

³ Kaning rai nme law, du ni gaw kaja ai bungli a matu mara hkrithpa tai ma ai n rai; n kaja ai a matu mara hkrithpa rai ma ai. Ahkang aya lu ai wa hpe n hkrit mayu ai nga na myit ni? Mai kaja ai bungli galaw u, shing rai jang shi nang hpe shakawn kungdawn na rin dai:

ROMA 13:3 ပူးပေါင်းရင်းမြစ်များ

GA SHAGAWP 14:35

Hkawhkam ni gaw kung kyang ai mung up salang ni hpe ra sharawng nga ma ai; shanhte myit n dik dum ai ni hpe ari jaw nga ma ai.

GA SHAGAWP 20:2

Shabam nga ai hkanghkyi hpe zawn masin pawt ai hkawhkam wa hpe hkrit nga u; shi hpe shapawt ai gaw tinang hkum sat si ai lam rai nga ai.

ROMA 13:2

Dai re ai majaw ahkang aya lu ai ni hpe lale ai wa kadai mung, Karai Kasang galaw lajang hkang tawn da sai lam hpe ninghkap ai wa rai nga ai. Dai wa gaw tinang nan tara dara ai hkrum na ra ai.

ROMA 13:4

Hpa majaw nga yang, shi gaw na a akyu ara a matu mara, Karai Kasang a shangun ma rai nga ai. Rai ti mung nang n hkru n kaja ai amu galaw n yang gaw, shi hpe hkrit kang nga u, hpa majaw nga yang, shi gaw ari jaw lu ai magam atsam ahkang aya, kaja wa hkrak lu ai wa rai nga ai. Shi gaw Karai Kasang a shangun ma rai nna n hkru n kaja ai bungli galaw ai ni hpe Karai Kasang a jeyang daw dan ai ari jaw na rai nga ai.

TARA JAHPRANG 25:1

“Israela masha lahkawng shada da ga law hkat ai majaw tara rung de amu sa shawk ma ai rai yang, langai mi hpe mara n kap ai wa ngu nna mung, bai kaga wa hpe mara lu ai wa ngu nna mung tsun na rai myit dai.