ROMA 12:9 - Jinghpaw Common Language Bible 2009

⁹ Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

Jinghpaw Hanson Version Bible

⁹ Tsawra ai myit hta sawt ai n lawm u ga; n hkru n hkra ai hpe matsat nga mu, mai kaja ai hta manoi nga mu.

ROMA 12:9 ပူးပေါင်းရင်းမြစ်များ

SHAKAWN KUNGDAWN 101:3

n hkru n hkra ai lam hpe ngai galoi mung, hkam sharang na nngai n rai. Karai Kasang a man kaw nna myi man kayin mat wa ai ni a shamu shamawt ai lam ni hpe ngai n dawng nga nngai; ngai gaw shanhte hte hpa seng na nngai n rai.

SHAKAWN KUNGDAWN 119:104

Ngai gaw na a tara mungga ni kaw nna hpaji byeng-ya lu la nga nngai majaw, n tsawm n htap ai arawn alai sat lawat mahkra hte hpe ngai n dawng nga nngai.

SHAKAWN KUNGDAWN 119:163

Ngai gaw masu magaw ga ni mahkra hpe n ju n dawng ai hte matsat nga nngai, rai ti mung, na a tara hpe chyawm gaw ngai tsaw ra nngai.

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

SHAKAWN KUNGDAWN 36:4

Shanhte gaw yup ku ntsa e kaleng nga yang, n hkru ai mahkyen ni hpe galaw ma ai; shi galaw ai amu hpa mung n kaja nga ai, n hkru ai amu hpa hpe mung galoi mung ningdang kau nga ai n rai.

SHAKAWN KUNGDAWN 45:7

ding man ai lam hpe nang tsaw ra nga ai hte, n hkru n shawp ai amu hpa hpe mung n dawng nga ndai. Dai re ai majaw, Karai Kasang na a Karai Kasang gaw nang hpe lata la nit dai; kaga hkawhkam kadai wa hta mung, grau nna kabu gara ai lam, nang hpe jaw ya nga nit dai.

SHAKAWN KUNGDAWN 55:21

Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.

SHAKAWN KUNGDAWN 97:10

N hkru ai ni hpe n ju n dawng nga ai ni hpe Madu tsaw ra nga ai; shi gaw shi a amyu masha ni a asak ni hpe makawp maga ya nna, tara n lang ai masha ni a n-gun atsam kaw nna mung, shanhte hpe mawai la nga ai.

GA SHAGAWP 26:25

Dai gaw dwi sau ai ga hpe shapraw ti mung, shi hpe hkum kam et; hpa majaw nga yang, shi a myit masin gaw nten du hkra n dawng n yawt ai myit hte hpring nga ai.

GA SHAGAWP 8:13

Dai Madu hpe shagrau sha-a ai lam gaw n hkru ai lam hpe n dawng ai lam rai nga ai; ngai gaw gumrawng gumtawng ai hte myit tsaw myit dap ai n hkru ai lam hte n teng n man ai ga ni hpe n dawng nngai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

MAHTE 26:49

Yuda gaw Yesu kaw hkre di sa nna, “Sara e, nang hta ngwi pyaw nga n ga law!,” ngu nna shi hpe pup wu ai.

YAWHAN 12:6

Shi shing nga nna tsun ai gaw, matsan mayan ni hpe matsan dum ya nna tsun ai n rai, shi gaw gumhpraw jan jum ai wa rai nga ai rai nna, bang da ai gumhpraw hta na sen di sha ai lagut rai nga ai majaw tsun ai sha rai nga ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

2 KORINHTU 6:6

Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

2 KORINHTU 8:8

Ning ngu tsun ai gaw hkang da ai tara ni hpe jahkrat da nga nngai n rai. Kaga masha ni a karum madi shadaw ai lam hta tsaw ra shawang myit gade daram galu kaba ai hpe tsun dan ai hte nanhte a tsaw ra shawang myit gade jet ai ngu ai hpe chye lu na matu tsun ai rai nga ai.

1 HTESALONI 2:3

Anhte gaw shut ai lam hte n san n seng ai maw mawn ai myit hte langai ngai hpe hkalem hkalau mayu ai myit hte, nanhte hpe shadum jahprang ga ai n rai.

1 HTESALONI 5:15

Kadai mung shut ai hpe shut ai hku matai n htang ai sha, nanhte shada da hte, masha yawng mayawng a matu mai kaja ai lam galaw na hta nanhte a myit shatawng shada da mu.

1 HTESALONI 5:21

yawng mayawng hpe jep dinglik yu nna mai kaja ai hpe hkap la shagrin da nna,

1 TIMOHTI 1:5

Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

HEBRE 1:9

Nang gaw ding hpring ai hpe tsaw ra nna, shut ai lam hpe n dawng nga ndai. Dai majaw na a Karai Kasang ngu ai, Karai Kasang gaw, nang hpe lata la nna, na a manang hpe jaw ai hta grau kaba ai kabu gara ngu ai namman jaw ya nna shagrau sha-a nit dai,” nga ai.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 4:8

Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.