ROMA 12:7 - Jinghpaw Common Language Bible 2009

⁷ Masha hpe karum daw jau chye ai chyeju kumhpa rai yang gaw daw jau ga, sharin shaga chye ai chyeju kumhpa rai yang gaw sharin shaga ga,

Jinghpaw Hanson Version Bible

⁷ hpungtau rai yang gaw, hpungtau bungli hpe gun hpai ga; sharin achyin re ai wa gaw, sharin achyin ai amu hpe,

ROMA 12:7 ပူးပေါင်းရင်းမြစ်များ

SHAKAWN KUNGDAWN 34:11

Nye a rau ram manang ni e, wa marit nye a ga hpe madat mu; dai Madu hpe shagrau sha-a na lam ngai nanhte hpe sharin ya na nngai.

SHAKAWN KUNGDAWN 51:13

Shaloi, yubak mara lu ai masha ni hpe na a hkang da ai tara lam ni hpe ngai sharin ya na nngai; shanhte gaw shi hpang de kayin wa na mara ai.

HPAJI NINGLI 12:9

Rai ti mung, Sumru Ninghkrin wa hpaji rawng nga ai majaw shi chye ai lam, mung masha ni hpe sharin achyin ya nga ai. Shi gaw ga shagawp ga ni hpe sawk yu nna teng man ai lam hpe ding man ai hku sawk manaw hpajang da nu ai.

ESAIA 21:8

Dai sin langa wa gaw, “Madu e, Ngai gaw nye a sin shara hta shani shana tsap let sin nngai,” ngu nna jahtau tsun wu ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

YAWHAN 3:2

Dai wa gaw shana e Yesu kaw sa nna, “Rabai e, nang gaw Karai Kasang e shangun dat ai sara langai mi rai nga ndai hpe anhte chye ga ai. Nang dan ai lamik kumla ni gaw, Karai Kasang n lawm yang gaw kadai mung n galaw lu ai,” ngu nna shi hpe tsun wu ai.

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

KASA 20:20

Shawa masha yawng a man e mung, nanhte a nta ni hta mung, ngai hkaw tsun sharin shaga ai shaloi nanhte a matu akyu rawng na lam magup hpe ngai galoi mung n ginhtim n ip da ga nngai hpe mung nanhte chye nga myit dai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

KASA 6:1

Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

1 KORINHTU 12:5

Daw jau gun hpai na bungli lam amyu myu nga ai, rai ti mung daw jau na Madu gaw langai sha rai nga ai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

GALATI 6:6

Dai Hkristu a mungga hpe sharin achyin hkam la ai wa gaw, sharin achyin ya ai sara wa hpe tinang lu mai ai kaja ai ja gumhpraw arung arai yawng hte karum madi shadaw nga u ga.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

TARA JAHPRANG 33:10

Shanhte gaw na a Tara madat mara na matu na a amyu masha ni hpe sharin ya na mara ai; Na a tawn hkungri ntsa hta shagu hkungga ni hpe shanhte nawng jau na mara ai.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

1 TIMOHTI 2:7

Dai re ai majaw Madu gaw ngai hpe kasa langai mi hku nna mung, maigan ni a sharin sara langai mi hku nna mung, dai makam masham hte teng man ai lam a mungga hpe hkaw tsun na matu shangun dat ai hkrum ni ai, ngai masu nga ai n rai; ngai teng man ai ga tsun nga nngai.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 4:16

Na a hkum hpe mung na a sharin shaga ai lam hpe mung sadi let sin yu nga u. Nang gaw ndai lam ni hpe agalaw nga u; hpa majaw nga yang, shing rai galaw n yang gaw, na hkum hpe mung, hkaw tsun ai ga na la ai ni hpe mung hkye hkrang la lu na ra ai.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

2 TIMOHTI 2:2

Sakse law law ni a man e, ngai kaw na nang sharin la, na la sai sharin shaga ai ga ni hpe hta la nhtawm masha kaga ni hpe mung bai sharin achyin ya lu na re ngu nna nang kam mai ai masha ni hpe bai htawt ap ya u.

2 TIMOHTI 2:24

Dai Madu a shangun ma chyawm gaw ga law ga la n mai nga ai; shi gaw masha yawng hpe matsan dum chye ai kaja ai hte myit galu nna sharin achyin chye ai sara rai ra ai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

1 SAMUELA 12:23

Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai.