ROMA 11:8 - Jinghpaw Common Language Bible 2009

⁸ Chyum laika hta mung, “Karai Kasang gaw shanhte a myit masin ni hte kraw lawang ni hpe jahpam kau ya mu ai rai nna dai ni du hkra shanhte gaw mu lu ai arai hpe n mu ma ai, na lu ai arai hpe mung n chye na ma ai,” nga nna ka da nga ai.

Jinghpaw Hanson Version Bible

⁸ gale chyawm gaw, Ya du hkra pyi, hpam nga ai wenyi mung, n mu lu na myi hte n na lu na ana mung, Karai Kasang shanhte hpe jaw da manu ai, nga nna ka da nga ai hte maren, myit shanuk ya ai hkrum nu ai.

ROMA 11:8 ပူးပေါင်းရင်းမြစ်များ

2 HKAWHKAM 17:34

Dai ni du hkra pyi, shanhte gaw moi na htunghking hte maren naw hkan galaw nga ma ai. Shanhte gaw dai Madu hpe nawku ma ai n rai; Israela ngu nna shi shamying da sai Yaku a amyu matu ni hpe jaw ai tara ni hte hkang da ai ga ni hpe shanhte madat ma ai n rai.

2 HKAWHKAM 17:41

Dai rai nna ndai amyu masha ni gaw dai Madu hpe nawku nga ma ai; rai ti mung shanhte a hpara sumla ni hpe mung nawku ma ai, dai ni du hkra shanhte a amyu matu ni dai zawn sha agalaw nga ma ai.

ESAIA 29:10

Dai Madu gaw nanhte hpe yup shamwi ai hte grai yup pyaw mat wa hkra galaw da nu ai. Myihtoi ni gaw amyu masha ni a myi ni tai ang ma ai, rai ti mung Karai Kasang gaw shanhte hpe amam kau ya nu ai.

ESAIA 6:9

Dai rai nna shi gaw ngai hpe amyu masha ni hpang de sa nna ndai mungga jaw na matu tsun wu ai: “Nanhte gaw kade mi madat ti mung, nanhte chye na na myit dai n rai. Nanhte kade mi yu ti mung, hpa byin nga ai lam hpe nanhte chye na myit dai n rai.”

YEREMIA 5:21

Myi tu ti mung myi n mu lu, na tu ti mung na n na lu ai angawk angak re ai hte myit n su ai amyu masha ni e, madat mu.

EZEKELA 12:2

Shi gaw, “Si chye ai masha wa e, nang gaw gumlau ai masha ni a lapran e nga nga ndai. Shanhte gaw na tu ti mung hpa tsun ai hpe n na ma ai, hpa majaw nga yang, shanhte gaw gumlau chye ai masha ni rai ma ai.

EZEKELA 20:26

Shanhte a hkungga nawng jau ai hta mung, shanhte a kasha alat ni hpe wan nat hkungga nawng jau ai hta mung ngai shanhte hpe awu asin di kau nngai. Ngai nan dai Madu rai nga ai lam shanhte hpe madun dan lu na matu, shanhte hpe ndai zawn ari jaw ai lam rai nga ai.

LUKA 8:10

Shi gaw, “Karai Kasang a Mungdan a sung htum ai lam ni hpe chye na na ahkang nanhte hpe jaw da manit dai, masha gale ni chyawm gaw, yu layu e n mu mu ga, na lana e n chye na mu ga, ga shadawn hku ngai tsun nga nngai.

KASA 28:26

Dai gaw, ‘Amyu dai hpe sa tsun dan su: Nanhte na lana e n chye na na myit dai; nanhte yu layu e n mu na myit dai,

TARA JAHPRANG 29:4

Rai ti mung dai ni du hkra nanhte hkrum hkra yu manit dai, dai mahkrum madup nanhte hpe chye na hkawn hkrang shangun ai n rai.