ROMA 11:7 - Jinghpaw Common Language Bible 2009

⁷ Dai rai yang gaw kaning ngu tsun na rai ta? Israela amyu masha ni gaw tinang tam ai hpe n mu ma ai lam dan leng nga ai. Karai Kasang e lata la hkrum ai ni nkau mi sha mu lu ma ai, ngam ai ni gaw Karai Kasang a saw shaga ai nsen hpe n na ma ai.

Jinghpaw Hanson Version Bible

⁷ Dai rai yang gaw, kaning law? Israela masha ni gaw, tinang tam ai lam hpe n dep ma ai; lata la hkrum ai ni mahtang gaw dep ma ai:

ROMA 11:7 ပူးပေါင်းရင်းမြစ်များ

GA SHAGAWP 1:28

Shaloi e, nang gaw hpaji byeng-ya hpe shaga wa na rin dai; rai ti mung, ngai htan ya na nngai n rai. Nang gaw ngai hpe shara shagu hkan tam ti mung, ngai hpe mu tam na ndai n rai.

ESAIA 44:18

Dai zawn re ai masha ni gaw shanhte hpa galaw nga ai amu hpe chye na na matu nau wa myit n su nga ma ai. Shanhte gaw shanhte a myi ni hpe mung, teng man ai lam hpe chye na shangun ai myit hpe mung pat da nga ma ai.

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

MARKU 6:52

Hpa majaw nga yang, dai masha hkying manga hpe muk daw jaw ai lam a lachyum majing hpe shanhte n chye na nga ma ai hte shanhte a machye machyang gaw dai hpe chye na na atsam n nga malu ai.

LUKA 13:24

Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 11:5

Dai hte maren, ndai prat e mung, Karai Kasang a chyeju majaw lata la hkrum ai masha kau chyen mi naw ngam nga ai.

ROMA 3:9

Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

ROMA 6:15

Dai rai yang gaw kaning ngu na law? Anhte gaw jep ai Tara n pu e n rai nga ga ai, Karai Kasang a chyeju n pu e she rai nga ga ai majaw yubak galaw na ga ni? Shing n rai u ga!

ROMA 9:18

Dai rai nna Karai Kasang gaw, Kadai hpe mung chyeju galaw mayu yang galaw nga ai, kadai hpe mung myit shaja mayu yang shaja ya nga ai.

ROMA 9:23

Dai hta n ga Madu gaw shi a matsan dum lama ai lam hkam la na masha ni ngu ai anhte hpe shi a n hpaw n ya re ai hpung shingkang hpe mu lu shangun na matu ra sharawng nga ai. Dai ni gaw Karai Kasang a hpung shingkang hkam la lu na matu hkyen lajang shajin da sai masha ni rai nga ma ai.

1 KORINHTU 10:19

Ning nga ngai tsun ai gaw, sumla shing n rai, sumla hpe nawng ai hkungga lusha gaw kaja wa lam la ahkyak nga ai ngu nna ngai tsun mayu ai rai ni?

2 KORINHTU 3:14

Israela amyu masha ni a myit masin ni gaw kaja wa pat shinggang da nga malu ai. Dai ni du hkra pyi gaw ga shaka dingsa laika ni hpe hti ai ten shagu shanhte a myit masin ni hpe man magap dai hte naw magap htinggrum nga malu ai. Masha langai mi gaw Hkristu hta asak hkrung ai shaloi she dai man magap hpe gun kau lu nga ai.

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

EHPESU 1:4

Anhte gaw tsaw ra ai myit hte shi a man e chyoi pra nna mara n rawng ai ni tai wa u ga, anhte Hkristu hte langai sha tai ai a marang e mungkan ga garai n lat kaw nna pyi Karai Kasang gaw anhte hpe lata la mani ai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

HPILIPI 1:18

Kaning re ai myit hte Hkaw tsun ai rai tim hpa n ra ai. Sawt ai myit hte rai ti mung, teng man ai myit hte rai ti mung, byin mai ai lam shagu hku nna Hkristu a lam sha hkaw tsun kajai gara lu nga yang gaw, dai lam hta ngai kabu gara nga nngai. Kaja wa matut nna ngai naw kabu gara nga na nngai.

HEBRE 12:17

Nanhte chye nga ai hte maren, shi gaw hpang e she kawa kaw na shaman chyeju lu la mayu wu ai, rai ti mung shi n lu wu ai, hpa majaw nga yang, shi galaw lai wa sai lam hpe bai sharai na lam hpe myi prwi hte tam katu wu ti mung, n mu la nu ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.