ROMA 11:4 - Jinghpaw Common Language Bible 2009

⁴ Rai ti mung Karai Kasang kaning nga nna htan a ta? Shi gaw, “Bala hpara a man e lahput garai n hput di ai lasha hkying sanit hte hpe nye a matu ngai shangam da se ai,” ngu wu ai.

Jinghpaw Hanson Version Bible

⁴ Dai shingran ga chyawm gaw shi hpe kaning nga htan a ta? Bala a man e lahput garai n hput di ai lasha hkying sanit hte gaw, nye a matu ngai shangam da se ai, nga ai.

ROMA 11:4 ပူးပေါင်းရင်းမြစ်များ

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

1 HKAWHKAM 19:10

Shi gaw, “Chyahtum chyalai n-gun rawng ai Madu Karai Kasang e, ngai gaw nang - nang hpe chyu sha tut nawng daw jau yu sade ai. Rai ti mung Israela amyu masha ni mahtang nang hte shagrin da ai ga shaka hpe jahten kau nna na a tawn hkungri ni hpe sharun shabya kau let na a myihtoi ni yawng hpe sat kau manu ai. Ngai chyu sha ngam nga ni ai. Shanhte gaw ngai hpe sat kau na matu shanhte tam shakut nga ma ai!,” ngu nna htan wu ai.

1 HKAWHKAM 19:18

Rai ti mung, Bala hpe n gum dagup ai hte shi a hpara sumla hpe n pup ai sha ngai hta sadi dung nga ai ni yawng ngu na Israela mung na amyu masha hkying sanit hpe ngai naw jahkrung da we ai,” ngu nna tsun wu ai.

ESAIA 4:3

Naw ngam nga na matu Karai Kasang e lata da sai Yerusalem e ngam da hkrum sai masha shagu hte gaw chyoi pra ai ni ngu shaga hkrum na mara ai.

YEREMIA 19:5

shanhte a kashu kasha ni hpe shagu hkungga shatai nna wan nat nawng na nga, Bala hpara a matu tawn hkungri ni hpe gaw da manu ai. Shing re ai amu galaw na matu shanhte hpe ngai galoi mung n hkang da nngai; dai lam nye a myit hta galoi mung rawng nga li ai n rai.

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

HOSEA 2:8

Ngai gaw shi hpe nai mam nsi naisi, sabyi ntsin, tsanlun sau, Bala hpara hpe nawku ai hta shi lang ai ja gumhpraw yawng hpe jaw ai wa rai nga nngai hpe shi galoi mung yin la nga ai n rai.

ZEHPANI 1:4

“Ngai gaw Yerusalem mare masha ni hte Yuda mung na amyu masha nlang ni hpe ari jaw na we ai. Ngai gaw Bala hpara nawku daw jau ai jahtum na masat dingsat kumla ni hte shi hpe daw jau nga ai maigan htung tara hkan ai hkinjawng ni hpe pyi, kadai n matsing mat lu hkra jahtum kau na mawe ai.

BU HKAWM 25:3

Dai rai nna dai Madu gaw shanhte hpe masin pawt wu ai majaw

TARA JAHPRANG 4:3

Nanhte hkum nan mung Peora Bum e, dai Madu galaw dan sai amu hpe mu manit dai. Dai yang e Bala hpara nawku ai masha shagu hte hpe shi shamyit kau nu ai,

TARA AGYI 2:13

Shanhte gaw dai Madu hpe nawku daw jau ai amu jahkring kau nhtawm Bala hpara hte Ashtarot hpe daw jau ma ai.