ROMA 11:32 - Jinghpaw Common Language Bible 2009

³² Hpa majaw nga yang masha nlang hte gaw shi a ga n madat n mara ma ai majaw Karai Kasang gaw shanhte hpe n madat n mara ai bawng masha ni tai shangun kau mu ai. Shing rai shi galaw ai gaw masha nlang hte hpe shi a matsan dum lama ai lam madun dan mayu ai majaw rai nga ai.

Jinghpaw Hanson Version Bible

³² Karai Kasang chyawm gaw, nlang hte hpe chyeju madun dan lu hkra, nlang hte hpe n madat n mara ai hta ban hkum da mu ai.

ROMA 11:32 ပူးပေါင်းရင်းမြစ်များ

YAWHAN 1:7

Karai Kasang a mungga hpe masha yawng na la nna kam sham wa mu ga nga, dai wa gaw dai nhtoi a lam sakse hkam ya na matu du sa ai.

YAWHAN 12:32

Ngai chyawm gaw ga nna sharawt da ai hkrum jang, ngai masha yawng mayawng hpe ngai hpang de gang la na mawe ai,” ngu tsun wu ai.

ROMA 11:31

Karai Kasang a matsan dum lama ai hpe nanhte hkam la lu ai hte maren Yuda amyu masha ni shanhte mung hkam la lu na matu Karai Kasang a ga hpe ya n madat n mara nga ma ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 3:9

Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

ROMA 5:19

Masha langai mi Karai Kasang a ga hpe n madat n mara ai a majaw masha hpung gaw yubak mara lu ai ni tai wa sai hte maren kaga masha langai mi Karai Kasang a ga madat mara ai a marang e masha yawng gaw Karai Kasang a man e ding hpring ai ni tai wa lu na mara ai.

GALATI 3:22

Rai ti mung mungkan ga ting gaw dai yubak mara a n-gun atsam e ka-up kau ai hkrum nu ai, nga nna Chyum Laika hta tsun nga ai. Dai rai nna Yesu Hkristu hpe kam sham ai hta npawt nhpang de da ai ga ndat hte seng ai chyeju sali wunli gaw kam sham ai ni hkam la manu ai.

GALATI 3:23

Rai ti mung dai makam masham a matu aten garai n du yang makam masham dan dawng wa ai ten du hkra jep ai Tara gaw anhte yawng hpe bawng ni hpe zawn sharen da mi ai.