ROMA 11:30 - Jinghpaw Common Language Bible 2009

³⁰ Nanhte maigan amyu masha ni chyawm gaw moi shawng de Karai Kasang hpe n madat n mara myit dai; rai ti mung ya Karai Kasang matsan dum lama ai lam hkam la lu ai gaw Yuda amyu masha ni Karai Kasang a ga hpe n madat n mara ai majaw rai nga ai.

Jinghpaw Hanson Version Bible

³⁰ Kaning rai nme law, nanhte gaw shawng e Karai Kasang hpe n madat n mara myit timung, shanhte a n madat mara ai a majaw, ya e chyeju hkam la lu myit dai hte maren;

ROMA 11:30 ပူးပေါင်းရင်းမြစ်များ

ROMA 11:29

Hpa majaw nga yang Karai Kasang gaw kadai hpe rai ti mung shaga la nna shaman chyeju jaw na matu daw dan sai hpang myit n galai chye ai wa rai nga ai.

ROMA 11:31

Karai Kasang a matsan dum lama ai hpe nanhte hkam la lu ai hte maren Yuda amyu masha ni shanhte mung hkam la lu na matu Karai Kasang a ga hpe ya n madat n mara nga ma ai.

ROMA 15:9

Maigan amyu masha ni pyi Karai Kasang a matsan dum lama ai lam hpe shakawn kungdawn lu mu ga, ngu nna mung du sa ra ai. Chyum laika hta, “Dai re ai majaw maigan amyu ni a kata hta ngai nang hpe shakawn na nngai, Na a mying nsang hpe mahkawn mangoi na nngai,” nga nna ka da ai hte maren rai nga ai.

1 KORINHTU 7:25

Ya nanhte laika ka nna san dat ai garai n hkungran ai ni hte seng nna dai Madu kaw na htet da ai ga ngai n lu nngai: rai ti mung Karai Kasang a matsan dum ai chyeju majaw kam ging ai wa langai mi rai nga ai hku nna, nye a myit la lu ai lam hpe tsun shana dat nngai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

KOLOSE 3:7

Moi shawng de nanhte a asak hkrung lam ting hpe dai lam ni e dang ka-up tawn mu ai shaloi e, nanhte nan mung dai zawn re ai yubak mara ni hpe galaw let asak hkrung lai wa manit dai.

1 TIMOHTI 1:18

Ngai sha Timohti e, lai wa sai ten hta nang hpe sha-ang nna htawn tsun ai myihtoi ga ni hte maren, galaw gun hpai sa wa na matu ngai nang hpe ahkaw ahkang ap ya de ai; atsawm sha gasat gala lu na matu dai myihtoi ni htawn tsun ai ga ni hpe laknak zawn jai lang nga u.

HEBRE 3:18

“Shanhte gaw ngai jaw na rai nga ai ngwi pyaw ban sa ai mung de galoi mung n shang lu na ma ai,” nga nna kadai hpe sha-ang nna Karai Kasang dagam da a ta? Shi a ga hpe n madat nna gumlau ai ni hpe sha-ang nna tsun ai n rai ni?

1 PETRU 2:10

Nanhte gaw shawng de kalang mi Karai Kasang a amyu masha ni n rai myit dai; rai ti mung ya gaw, shi a masha ni rai wa manit dai. Shawng de kalang mi nanhte gaw Karai Kasang a matsam dum lama ai hpe n hkap la lu myit dai; ya chyawm gaw hkap la lu manit dai.