ROMA 11:3 - Jinghpaw Common Language Bible 2009

³ Dai hpyi nem ai ga gaw, “Madu e na a myihtoi ni hpe shanhte sat kau manu ai, na a tawn hkungri ni hpe shanhte run hpya kau manu ai, ngai chyu sha ngam nga ni ai rai nna shanhte ngai hpe mung sat kau na tam shakut nga ma ai,” nga ai.

Jinghpaw Hanson Version Bible

³ Madu e, na a myihtoi ni hpe shanhte sat kau manu ai; na a tawn hkungri ni hpe shanhte htu kadawng kau manu ai; ngai chyu sha ngam nga nna, shanhte nye a asak hpe mung tam ma ai, nga nna, shi a lam Chyum laika hta rawng nga ai ga hpe nanhte n chye nga myit ni?

ROMA 11:3 ပူးပေါင်းရင်းမြစ်များ

1 HKAWHKAM 18:13

Yezebela gaw dai Madu a myihtoi ni hpe sat ai shaloi, hpung mi hta manga shi shi di nna hpung lahkawng garan nhtawm marai latsa hpe lungpu ni hta makoi da let, shanhte hpe lusha hte ntsin jaw nna bau da we ai hpe nang n na yu da wu ni?

1 HKAWHKAM 18:4

Yezebela gaw dai Madu a myihtoi ni hpe sat kau wu yang, shanhte hta na marai latsa hpe hpung lahkawng garan nhtawm, hpung mi hta marai manga shi shi di nna lungpu hku ni hkan woi makoi da nna shahpa hte lu hka ntsin jaw nhtawm bau da wu ai.)

NEHEMIA 9:26

“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.