ROMA 11:12 - Jinghpaw Common Language Bible 2009

¹² Yuda masha ni a tawt lai ai yubak mara gaw, mungkan masha ni a matu law la ai chyeju kumhpa shabyin ya ai hte, shanhte a wenyi hta matsan chyaren hkrum ai gaw maigan masha ni a matu law la ai chyeju kumhpa shabyin ya nga yang gaw Yuda masha ni hkum hkum tsup tsup dai hkye hkrang la ai chyeju hta shalawm la ai hkrum yang gaw gade wa grau kaba la ai chyeju kumhpa byin tai na rai nga a hka!

Jinghpaw Hanson Version Bible

¹² Dai hta kaga shanhte a ahtu kataw ai gaw mungkan ga a sutgan, shanhte a sum mat ai gaw maigan amyu ni a sutgan tai wa a yang gaw, shanhte a hkum sumhpa gaw grau nna, akyu shabyin na n rai ni?

ROMA 11:12 ပူးပေါင်းရင်းမြစ်များ

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

MIHKA 5:7

Naw hkrung nga ai Israela amyu masha ni gaw masha amyu baw law law a matu dai Madu kaw na hkrat ai n-gun awai la shangun ai numri hte tu kaba wa ai hkai bawng ntsa e htu ai marang zawn tai na mara ai. Shanhte gaw masha hpe n rai, Karai Kasang hpe kam hpa wa na mara ai.

ZEHKARIA 2:11

Dai aten e, masha amyu baw law law ni dai Madu hpang de sa wa nna, shi a amyu masha ni tai wa na mara ai. Shi gaw nanhte a ka-ang hta shanu nga nna, nanhte hpang de ngai hpe shi shangun dat ai hpe nanhte chye lu na marin dai.

KASA 3:21

Moi chyaloi n hkoi kaw nna nga ai, shi a chyoi pra ai myihtoi ni a n-gup hku nna Karai Kasang tsun da sai hte maren, nga yawng nga pra hpe nnan bai gram ai prat du hkra Yesu gaw sumsing lamu e nga nga lu na rai nga ai.

ROMA 11:15

Hpa majaw nga yang nye a amyu masha ni hpe Karai Kasang kabai kau ai shaloi masha amyu ni hpe Karai Kasang a hpyen ni tai nga ai kaw na shi a jinghku ni tai wa hkra, htinglu htinglai ya ai lam byin wa sai. Dai rai nna shanhte hkap la ai bai hkrum yang, hpa byin wa na rai ta? Dai gaw si ai ni kaw na bai hkrung rawt ai asak rai na ra ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

ROMA 9:23

Dai hta n ga Madu gaw shi a matsan dum lama ai lam hkam la na masha ni ngu ai anhte hpe shi a n hpaw n ya re ai hpung shingkang hpe mu lu shangun na matu ra sharawng nga ai. Dai ni gaw Karai Kasang a hpung shingkang hkam la lu na matu hkyen lajang shajin da sai masha ni rai nga ma ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.