ROMA 11:11 - Jinghpaw Common Language Bible 2009

¹¹ Yuda amyu masha ni gaw shanhte hten za hkrat sum mat hkra ahtu kataw wa ma sani? ngu nna san mayu nngai. Gara hku mung n hkrat sum ma ai! Shanhte yubak galaw ai majaw hkye hkrang la ai lam gaw maigan masha ni kaw du wa sai. Dai gaw Yuda masha ni manawn shara tai na matu rai nga ai.

Jinghpaw Hanson Version Bible

¹¹ Dai rai nna ngai tsun nngai gaw, Israela masha ni kazut taw nan hkra ahtu kataw hkrup ma sani? Shing n rai law, Shanhte hpe manawn shangun mu ga she, shanhte a ahtu kataw ai lam a jaw e, hkye hkrang la ai gaw maigan amyu ni kaw du wa sai.

ROMA 11:11 ပူးပေါင်းရင်းမြစ်များ

EZEKELA 18:23

Dai Tsaw Htum ai Madu gaw, “N hkru ai wa si wa yang, ngai yu kabu na zawn nang myit nawn nga n ni?,” ngu nna san wu ai. Shi gaw, “Dai hku n rai law, shi myit malai wa nna hkrung nga na hpe ngai grau nna mu mayu nga nngai.

EZEKELA 18:32

Dai Tsaw Htum ai Madu gaw, “Ngai gaw nanhte kadai hpe mung n si shangun mayu nngai, dai re ai majaw, nanhte shut hpyit kau ai yubak kaw nna kayin wa nhtawm hkrung nga mu law,” ngu nna tsun wu ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

LUKA 20:16

“Shi sa nna dai sun galaw ai ni hpe sat kau nhtawm, dai sun hpe masha kaga a lata de bai htawt shap ya na ru ai,” ngu mu ai. Dai ga na ai ni gaw, “Dai hku n rai u ga,” nga ma ai.

KASA 13:42

Ya Pawlu hte Barnaba dai tara jawng na pru wa yang masha ni gaw hpang na bat Bansa Nhtoi bai nhtang sa nna ndai lam ni hpe grau nna hkaw tsun dan na saw shaga ma ai.

KASA 18:6

Yuda masha ni Pawlu hpe ninghkap nna shi a lam n kaja ai hku amyu myu roi n ra nga tsun jahpoi asawng ma yang, Pawlu gaw shi a hpun palawng kaw na nhpu ni hpe ahpu jahkrat dan let, “Nanhte hten byak mat ai rai yang nanhte a mara nanhte a ntsa she rai nu ga, ngai hta lit n nga sai. Ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

ROMA 10:19

Bai ngai naw san yu made ga, Israela amyu masha ni gaw dai lam n chye na ma ai kun? Mawshe shi nan, “Ngai gaw hpa n re ai amyu hpe jai lang nna, nye a amyu masha ni hpe manawn shangun na nngai. N gring ai amyu a majaw nye a amyu masha ni hpe pawt bu shangun na nngai,” nga nna Mawshe shi nan shawng htan ai.

ROMA 11:1

Dai rai nna ngai san yu n ga, Karai Kasang gaw shi a amyu masha ni hpe kabai kau nu ni? Shing n rai law! Ngai hkum nan Israela masha rai nga nna, Abraham a aru arat hte Benyamin a bawsang rai nga nngai.

ROMA 11:12

Yuda masha ni a tawt lai ai yubak mara gaw, mungkan masha ni a matu law la ai chyeju kumhpa shabyin ya ai hte, shanhte a wenyi hta matsan chyaren hkrum ai gaw maigan masha ni a matu law la ai chyeju kumhpa shabyin ya nga yang gaw Yuda masha ni hkum hkum tsup tsup dai hkye hkrang la ai chyeju hta shalawm la ai hkrum yang gaw gade wa grau kaba la ai chyeju kumhpa byin tai na rai nga a hka!

ROMA 11:14

Ngai gaw nye a amyu masha ni a myit hta manawn ai myit lama rawng shangun ai rai yang shanhte nkau mi sha hkye hkrang la ai hkrum lu na rai nga ai.

ROMA 11:31

Karai Kasang a matsan dum lama ai hpe nanhte hkam la lu ai hte maren Yuda amyu masha ni shanhte mung hkam la lu na matu Karai Kasang a ga hpe ya n madat n mara nga ma ai.