ROMA 10:9 - Jinghpaw Common Language Bible 2009

⁹ Shing rai Yesu gaw Madu rai nga ai nga nna na a n-gup ga hte tsun gara yin la nna Karai Kasang gaw si mat ai ni kaw na shi hpe hkrung sharawt la ai hpe na a myit masin hta kam sham n yang gaw nang hkye hkrang la ai hkrum na rin dai.

Jinghpaw Hanson Version Bible

⁹ shing rai, Yesu gaw Madu rai nga ai, nga nna na a n-gup ga hte tsun gara nna, Karai Kasang gaw si mat ai ni kaw na shi hpe hkrung sharawt la ai hpe, na a myit masin hta kamsham n yang gaw, nang hkye hkrang la ai hkrum na rin dai.

ROMA 10:9 ပူးပေါင်းရင်းမြစ်များ

LUKA 12:8

“Nanhte hpe ngai tsun made ga, kadai rai ti mung masha ni a man e ngai hpe yin la ai wa hpe, Masha Kasha mung dai hte maren Karai Kasang a lamu kasa ni a man e shi hpe yin la na ra ai.

YAWHAN 9:22

Shi a kanu yan kawa gaw Yuda masha ni hpe hkrit ma ai majaw shing ngu tsun mu ai. Hpa majaw nga yang, Yesu gaw Meshia re, nga nna kam sham yin la ai wa kadai hpe rai ti mung, tara jawng na shapraw kau na nga nna Yuda masha ni myit hkrum da masai.

KASA 16:31

Shaloi shan gaw, “Madu Yesu hpe kam sham u, shaloi nang hte na nta masha ni nlang hkye hkrang la ai kaw du lu na marin dai,” ngu nna htan mu ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

KASA 2:32

Dai Yesu hpe Karai Kasang jahkrung sharawt la wu ai rai nna anhte yawng mung dai lam a sakse ni rai nga ga ai.

KASA 8:36

Shing rai shan hkawm sa wa ma yang hka nga ai shara langai mi kaw du jang dai du wa gaw, “Yu u, nang e hka nga nga ai; ngai hkalup hkam na hpa hkum shara nga a ta?,” ngu wu ai.

ROMA 10:10

Hpa majaw nga yang, anhte gaw ding hpring ai lu la hkra myit masin hta kam sham nna, hkye hkrang la ai lu la hkra, myit masin hta yin la na ga ai.

ROMA 14:11

Hpa majaw nga yang Chyum Laika hta, “Dai Madu gaw, ngai ahkrung nga ai hte maren nye a man e lahput shagu hput di nna masha shagu gaw ngai hpe Karai Kasang rai nga ai nga nna yin la na mara ai,” nga nna ka da nga ai.

ROMA 14:9

Hpa majaw nga yang, Hkristu gaw hkrung nga ai ni hte si mat ai ni a Madu tai lu na matu si hkam nna bai hkrung rawt wa sai.

ROMA 4:24

Anhte a Madu Yesu hpe si mat ai ni kaw na hkrung sharawt la ai wa hpe kam sham ga ai majaw, ding hpring ai ngu nna hkap la hkrum sai anhte a matu mung sha-ang nna ka da nga ai.

ROMA 8:34

Daw dan lu ai wa gaw kadai wa mi rai nga a ta? Si hkam ai hta n ga, si mat ai ni hta na hkrung sharawt la hkrum nhtawm Karai Kasang kaw hpyi htinglu ya ai wa Hkristu Yesu shi nan rai nga ai.

1 KORINHTU 12:3

Kadai rai ti mung, Karai Kasang a Wenyi a lam woi awn ai hpe hkam la lu ai wa rai yang gaw, Madu Yesu hpe matsa mawa n nga lu ai. Chyoi pra ai Wenyi a lam madun woi awn ai hpe n hkam la lu ai rai yang, Madu Yesu gaw Madu rai nga ai nga nna kadai mung n yin la lu ai lam ngai nanhte hpe chye shangun mayu made ai.

HPILIPI 2:11

Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

1 YAWHAN 4:15

Yesu gaw Karai Kasang a Kasha rai nga ai nga nna marai langai ngai yin la ai rai yang, shi gaw Karai Kasang hte langai sha tai nna nga nga ai, Karai Kasang mung shi hte langai sha tai nna nga nga ai.

2 YAWHAN 1:7

Yesu Hkristu gaw masha a hkum shan hpe dagraw nna du sa ai hpe ndang kau ai hkalem ai masha law law wa mungkan ga shara shagu de pru sa mara ai. Shing re ai masha gaw masu hkalem ai hte Hkristu a hpyen rai nga ai.