ROMA 10:8 - Jinghpaw Common Language Bible 2009

⁸ Dai Chyum Laika hta ning nga tsun ai: “Dai Karai Kasang a mungga gaw nanhte hte htep rai nga ai. Dai hpe nanhte a n-gup hte yin la nna nanhte a kraw lawang hta mazing da manu ai.” Dai mungga gaw nanhte hpe anhte hkaw tsun sakse hkam dan ai Karai Kasang hpe kam sham ai lam hte seng ai mungga rai nga ai.

Jinghpaw Hanson Version Bible

⁸ Shaloi kaning rai tsun na law? Dai mungga gaw nang hte htep rai nga ai; dai gaw na a n-gup hte na a kraw lawang hta e rai nga ai: dai gaw, anhte hkaw tsun dan ai kamsham ai hte seng ai mungga rai nga ai:

ROMA 10:8 ပူးပေါင်းရင်းမြစ်များ

ESAIA 57:19

Ngai gaw ni ai, tsan ai shara hkan nga ai ni yawng hpe ngwi pyaw sim sa lam jaw na nngai! Ngai gaw nye a amyu masha ni hpe shamai shatsai na nngai.

KASA 10:43

Shi hpe kam sham ai ni nlang, shi a mying nsang a n-gun atsam marang e, yubak raw dat kau ya ai hkrum na mara ai, nga nna shi a lam hpe myihtoi ni yawng htawn tsun sakse hkam ma ai,” ngu mu ai.

KASA 16:31

Shaloi shan gaw, “Madu Yesu hpe kam sham u, shaloi nang hte na nta masha ni nlang hkye hkrang la ai kaw du lu na marin dai,” ngu nna htan mu ai.

ROMA 10:17

Dai rai nna masha ni gaw dai mungga hpe na la ai hte kam sham wa ma ai. Hkristu a lam hkaw tsun dan ai hte dai mungga hpe na la lu ma ai.

GALATI 3:2

Dai Wenyi hpe nanhte lu la ai gaw jep ai Tara hpe hkan sa shadik ai magam bungli a majaw rai kun? Dai lam langai sha nanhte a n-gup na ngai chye la mayu nngai.

GALATI 3:5

Karai Kasang gaw nanhte hpe dai wenyi nanhte a ntsa e shayu ya nna mauhpa lamik kumla ni hpe madun dan ai gaw dai jep ai Tara hpe hkan shadik ai majaw rai ni? Shing n rai, dai Kabu Gara Shiga hpe nanhte na la nna kam sham ai majaw shabyin ya ai rai ni?

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

TARA JAHPRANG 30:14

N rai law, dai gaw ndai yang e nanhte hte rau nga nga ai, dai hpe nanhte chye nga myit dai; dai hpe nanhte bai tsun lu nga myit dai; dai rai nna ya jang, dai ga hpe madat mara mu.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

1 PETRU 1:23

Hpa majaw nga yang, nanhte gaw dai ahkrung nga ai hte htani htana anga nga ai Karai Kasang a mungga marang e n si n mat chye ai kanu kawa ni a kasha ni zawn shangai wa manit dai.

1 PETRU 1:25

Rai ti mung Madu a mungga chyawm gaw prat mi hte prat mi anga nga ai, nga nna tsun da nga ai. Dai mungga gaw nanhte hpe hkaw tsun dan sai Kabu Gara Shiga rai nga ai.