ROMA 10:6 - Jinghpaw Common Language Bible 2009

⁶ Rai ti mung, Karai Kasang hpe kam sham ai hte Karai Kasang a man e ding hpring wa lu ai lam hte seng nna Chyum Laika hta, “Sumsing lamu de kadai wa lung wa lu na kun?”

Jinghpaw Hanson Version Bible

⁶ Kamsham ai hte seng ai dinghpring ai lam mahtang gaw, Lamu de kadai lung wa lu na kun? Sung htum ai shara de kadai yu wa lu na kun? nga nna na a kraw lawang e nang tsun lu na n rai, nga ai:

ROMA 10:6 ပူးပေါင်းရင်းမြစ်များ

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

YAWHAN 6:33

Hpa majaw nga yang, Karai Kasang jaw ai muk ngu ai gaw, sumsing lamu na yu wa nna mungkan ga hpe asak jaw ai wa hpe ngu ai rai nga ai,” ngu nna shanhte hpe tsun mu ai.

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

YAWHAN 6:58

Da ndai gaw, sumsing lamu de nna yu wa ai muk rai nga ai; nji nwa ni sha nna si wa ai muk zawn n rai nga ai. Ndai muk sha ai wa gaw, htani htana asak hkrung nga na ra ai,” ngu nna shanhte hpe tsun mu ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 3:25

Hkristu si hkam ai a marang e masha ni gaw yubak mara kaw na raw dat kau hkrum na matu Karai Kasang gaw dai Madu hpe gawng malai hkungga tai na san ya sai. Masha ni gaw shi hpe kam sham ai a marang e yubak mara kaw na raw dat hkrum ma ai, Karai Kasang gaw Hkristu hpe shagu hkungga hku masat ya ai lam gaw shinggyim masha ni hpe ding hpring ai ni ngu nna gara hku hkap la ai lam madun shadan dan na matu rai nga ai. Lai wa sai prat hta Karai Kasang gaw hkam sharang nna yubak mara ni hpe yu shalai kau ya sai.

ROMA 4:13

Karai Kasang gaw Abraham hte shi a aru arat ni hpe, mungkan ga a madu tai shangun na nga nna ga sadi tawn da nu ai. Dai zawn shi ga sadi tawn da ai gaw Abraham gaw dai jep ai Tara hpe madat mara hkan sa shatup ai majaw n rai, Karai Kasang hpe kam sham ai a marang e shi hpe ding hpring ai wa ngu nna Karai Kasang hkap la sawn ya ai rai nga ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.