ROMA 10:3 - Jinghpaw Common Language Bible 2009

³ Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

Jinghpaw Hanson Version Bible

³ Karai Kasang a dinghpring ai lam hpe n chye n chyang ma ai rai nna, tinang a dinghpring ai lam hpe shagrin da na chyam yu ma ai majaw, shanhte Karai Kasang a dinghpring ai lam a npu e n taw ma ai.

ROMA 10:3 ပူးပေါင်းရင်းမြစ်များ

NEHEMIA 9:33

Nang gaw teng man ai hku anhte hpe ari jaw nit dai; Anhte yubak mara galaw ga tim pyi, nang gaw sadi dung nga ndai.

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

SHAKAWN KUNGDAWN 71:19

Karai Kasang e, na a ding man ai lam gaw lamu ni de dep nga ai. Galu kaba ai magam bungli ni hpe nang galaw nit dai, nang zawn re ai wa langai mi mung n nga nga ai.

ESAIA 51:1

Dai Madu gaw, “Hkye hkrang la hkrum mayu ai ni hte karum la na matu ngai kaw du sa wa ai ni e, nye a ga madat mu. Nang pru sa wa ai kaw na lunghkrung, nang tawk la ai kaw na nhkun hpe myit yu u.

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

ESAIA 51:8

shanhte gaw manut e sha kau ai sumpan zawn tsam mat na mara ai! Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw prat mi hte prat mi agrin nga na ra ai.”

ESAIA 56:1

Dai Madu gaw shi a amyu masha ni hpe, “Teng man ai hte ding man ai amu galaw mu, ngai gaw kade n na yang nanhte hpe hkye la na nngai.

ESAIA 57:12

Nanhte galaw ai amu gaw ding man nga ai ngu, myit nawn nga myit dai, rai ti mung na a sat lawat hpe ngai madun na nngai, nanhte a hpara sumla ni gaw nanhte hpe karum ya lu na ra ai n rai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

JAW JAU 26:41

ngai hte nhtan shai shangun sai majaw shanhte a gumlau hpyen ni a mung de sa kau dat ai hpe shanhte yin la na mara ai. Hpang jahtum e, nanhte a amyu matu ni shagrit shanem ai hte shanhte a yubak mara hte gumlau ai amu a ari hpe hkam la ai shaloi,

LUKA 10:29

Rai ti mung, dai tara sara wa gaw, shi a ding hpring ai lam shapraw dan mayu ai majaw, “Nye a htingbu wa gaw kadai wa rai na a ta?,” ngu nna Yesu hpe san wu ai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

ROMA 1:17

Dai hta kaga, “Karai Kasang hta ding hpring ai wa gaw kam sham ai hte hkrung nga lu na ra ai,” nga nna Chyum ga hta ka da nga ai hte maren Karai Kasang gaw masha ni hpe gara lai hku nna sharawng awng hkap la nga ai lam dai Kabu Gara Shiga hta shadan dan nga ai. Dai gaw shawng ningpawt kaw nna jahtum du hkra kam sham ai lam rai nga ai.

ROMA 10:2

Hpa majaw nga yang, shanhte gaw Karai Kasang hta grai myit maju jung ai ni rai nga ma ai hpe ngai sakse hkam nga lu nngai. Rai ti mung shanhte a myit maju jung ai lam gaw teng man ai machye machyang hte n rai nga ma lu ai.

ROMA 10:20

Bai Esaia gaw grau nna nden ja ai myit hte, “Ngai hpe n tam ai ni gaw ngai hpe mu manu ai. Nye a lam n san yu ai ni kaw ngai dan pru nngai, nga ai.” ngu nna tsun mu ai.

ROMA 11:7

Dai rai yang gaw kaning ngu tsun na rai ta? Israela amyu masha ni gaw tinang tam ai hpe n mu ma ai lam dan leng nga ai. Karai Kasang e lata la hkrum ai ni nkau mi sha mu lu ma ai, ngam ai ni gaw Karai Kasang a saw shaga ai nsen hpe n na ma ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 3:26

Rai ti mung Karai Kasang gaw ndai prat hta shi a ding hpring ai lam shadan dan na matu shinggyim masha ni a yubak mara ni hte seng nna shabyin ai lam nga nga ai. Karai Kasang gaw shi nan ding hpring ai Madu rai nga ai hpe mung, Madu Yesu hpe kam sham ai ni yawng hte hpe ding hpring ai ni ngu nna hkap la ai hpe mung shadan dan nu ai.

ROMA 5:19

Masha langai mi Karai Kasang a ga hpe n madat n mara ai a majaw masha hpung gaw yubak mara lu ai ni tai wa sai hte maren kaga masha langai mi Karai Kasang a ga madat mara ai a marang e masha yawng gaw Karai Kasang a man e ding hpring ai ni tai wa lu na mara ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

TARA JAHPRANG 6:25

Karai Kasang anhte hpe hkang da sai hte maren, anhte gaw lam magup hta sadi sahka hte hkan sa ga ai rai yang gaw anhte hta shi awng sharawng na rai wu ai,’ ngu nna tsun dan na rai ndai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.