ROMA 10:16 - Jinghpaw Common Language Bible 2009

¹⁶ Rai ti mung dai Kabu Shiga hpe masha yawng hte wa hkap la kam sham ma ai n rai. Esaia shi nan, “Madu e anhte shana ya ai shiga hpe kadai wa kam sham nga a ta?,” nga nna tsun ai.

Jinghpaw Hanson Version Bible

¹⁶ Rai timung, nlang hte wa dai kabu gara shiga hpe madat mara nga ma ai n rai. Kaning rai nme law, Esaia gaw, Madu e, anhte a shiga hpe kadai wa kamsham nga a ta? nga nna tsun ai.

ROMA 10:16 ပူးပေါင်းရင်းမြစ်များ

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

ESAIA 53:1

Amyu masha ni gaw, “Anhte ya htawn tsun ai shiga hpe kadai wa kam nga sata? Ndai amu hta dai Madu a lata hpe kadai mu lu sata?

MAHTE 13:14

Shing rai myihtoi Esaia shanhte hpe sha-ang lakap nna tsun ai myihtoi ga gaw: ‘Ndai masha ni na lana n chye na na mu ai; yu layu e n mu na mu ai.

YAWHAN 10:26

Rai ti mung nanhte gaw nye a sagu ni n rai myit dai majaw n kam myit dai.

KASA 28:24

Masha nkau mi gaw Pawlu a hkaw tsun ai ga a majaw kam sham wa ma ai, nkau mi chyawm gaw n kam n sham ma ai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 11:17

Hkai tawn ai tsanlun hpun a lakung lakying nkau mi hpe gyi kau nhtawm, ngam nga ai de a ndu hta tsanlun chyalam lakung hpe matut nna hkai chye ma ai. Dai tsanlun chyalam lakung gaw tsanlun chyanyi a aru kaw na nam hpun lusha bawk jaw lawm ai zawn, nanhte maigan masha ni mung Yuda masha ni kaw na n-gun rawng ai Wenyi a chyeju akyu ara hkam la lu manit dai.

ROMA 16:26

Rai ti mung ya aten hta dai makoi magap da ai teng man ai lam gaw, myihtoi laika ni hku nna dan dawng wa ra ai. Masha amyu nlang hte Karai Kasang hpe kam sham nna madat mara mu ga, htani htana Karai Kasang a hkang da ai hte maren dai teng man ai lam hpe hkaw tsun shadum dan nga sai.

ROMA 2:8

Rai ti mung masha nkau mi gaw dai n ding n man ai maga de hkan sa na matu tinang a akyu tam nna teng man ai tara hpe kabai kau ma ai, shing re ai ni a ntsa e Karai Kasang gaw shi a pawt bu nna sindawng kahtet ai ru bun na ru ai.

ROMA 3:3

Dai rai yang lama wa shanhte hta na nkau mi sadi n dung yang gaw, shanhte a sadi n dung ai lam a majaw Karai Kasang mung sadi n dung na re ngu nna tsun lu na kun?

ROMA 6:17

Nanhte chyawm gaw shawng de kalang mi yubak mara a mayam ni tai yu manit dai rai ti mung nanhte hkap la kam sham sai sharin shaga ai lam hta na teng man ai lam ni hpe myit masin mahkra hte madat mara hkan sa manit dai majaw Karai Kasang a chyeju hpe ngai shakawn kungdawn nngai law!

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?

GALATI 5:7

Shawng de nanhte grai ahkyak ai hku galaw sa wa nga manit dai; dai teng man ai lam hpe n madat n mara myit ga, nanhte hpe kadai hkum shadang myit ta? Dai wa gaw nanhte hpe gara hku lau la a ta?

HEBRE 11:8

Abraham gaw, Karai Kasang shi hpe jaw na ngu nna ga sadi jaw da ai mung de pru sa wa na matu makam masham gaw shi hpe madat mara shangun wu ai. Dai rai nna shi gaw gade sa wa nga ai hpe shi n chye ti mung, shi a mungdan kaw na pru hkawm mat wa ai.

HEBRE 4:2

Hpa majaw nga yang, anhte gaw moi shawng de na masha ni hte maren, dai Kabu Gara Shiga hpe na yu saga ai. Rai ti mung shanhte na lu ai Kabu Gara Shiga gaw, shanhte a matu akyu n nga malu ai, hpa majaw nga yang, shanhte na la ai shaloi shanhte dai hpe makam masham hte n hkap la ma ai.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.

1 PETRU 3:1

Dai hte maren madu jan ni e, tinang a madu wa hkang ai hku hkan nga mu; ndai lai hku nna nanhte hta Karai Kasang a mungga hpe garai n kam n sham ai madu wa ni lawm ai rai yang gaw, nanhte a arawn alai hpe mu nna ga hkaw mi n tsun ra ai sha kam sham ai masha shatai la lu na myit dai.