ROMA 10:1 - Jinghpaw Common Language Bible 2009

¹ Hpu nau ni e, ngai gaw nye a amyu masha ni hkye hkrang la hkrum lu na matu nye a kraw lawang mahkra hte ra sharawng ndawt let shanhte a matu Karai Kasang kaw ngai akyu hpyi nga nngai.

Jinghpaw Hanson Version Bible

¹ Hpunau ni e, shanhte gaw hkye hkrang la ai kaw du lu mu ga, shanhte a matu mara nye kraw lawang hta myit ndawt la nna, Karai Kasang hpe ngai akyu hpyi nga nngai.

ROMA 10:1 ပူးပေါင်းရင်းမြစ်များ

PRU MAT 32:10

Ya chyawm gaw, ngai hpe hkan jahkring na hkum shakut sa. Ngai shanhte hpe masin yu pawt nga nngai majaw shanhte hpe shamyit kau na mawe ai. Dai hpang nang hte na a amyu matu ni hpe ngai amyu kaba shatai na we ai,” ngu nna tsun wu ai.

PRU MAT 32:13

Na a shangun ma ni rai nga ai Abraham, Isak hte Yaku ni hpe naw dum u law. Nang dagam shaka da ai hte maren, shanhte a amyu matu hpe sumsing lamu na shagan ni zawn nang shalaw na rai nna nang ndat da ai ga dai mahkra shanhte a amyu matu ni hpe nang jaw nhtawm, dai hpe htani htana prat dingsa shanhte madu nga lu na mara ai, ngu nna dagam shaka ai ga hpe dum nga u law,” ngu nna hpyi nem wu ai.

YEREMIA 17:16

Rai ti mung, Madu e, ngai gaw shanhte a ntsa e tsin-yam tsindam du shangun na matu nang hpe galoi mung shadut yu ai n rai; shanhte a matu ru tsang hkrum ai nhtoi hpe ngai ra marit nngai n rai. Madu e, ndai lam nang chye nga ndai; ngai tsun sai ga ni hpe nang chye nga ndai.

YEREMIA 18:20

Mai kaja ai lam hpe n hkru n kaja ai hte htang mai nga a ni? Shanhte mahtang ngai di hkrat bang na nye a matu nhkun htu manu ai. Shanhte hpe nang sindawng kahtet mat hkra, shanhte a malai ngai nang kaw kaning rai du sa ai hte tsun shaga ai ga ni hpe adum nga u.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

YAWHAN 5:34

Ngai gaw masha langai mi e sakse hkam ya ai lam lu la ra ai wa n rai, rai ti mung nanhte hkye hkrang la hkrum myit ga, ngu nna ndai lam ngai tsun nngai.

ROMA 10:2

Hpa majaw nga yang, shanhte gaw Karai Kasang hta grai myit maju jung ai ni rai nga ma ai hpe ngai sakse hkam nga lu nngai. Rai ti mung shanhte a myit maju jung ai lam gaw teng man ai machye machyang hte n rai nga ma lu ai.

ROMA 9:33

Dai hpe Chyum Laika hta, “Yu u, masha ni ahtu kataw na nlung langai mi hte myit kataw shangun na lunghkrung langai mi hpe Ziun hta e ngai tawn da se ai. Rai ti mung nlung ngu ai Hkristu hpe kam sham ai wa gaw galoi mung myit daw hten na lam nga na n rai,” nga nna ka da nga ai.

1 SAMUELA 12:23

Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai.

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.

1 SAMUELA 15:35

Samuela hkrung nga dingsa, shi gaw hkawhkam wa hpe galoi mung n mu nu ai; rai ti mung, shi gaw Shawlu a majaw myit yawn nga ai. Dai Madu mung Shawlu hpe Israela hkawhkam shatai kau wu ai majaw yawn nga ai.