ROMA 1:8 - Jinghpaw Common Language Bible 2009

⁸ Nanhte a kam sham ai gaw mungkan ting chyam hkra kajai gumhkawng wa sai majaw Yesu Hkristu a jaw e nanhte mahkra a matu mara, nye a Karai Kasang hpe ngai shawng chyeju dum shakawn kungdawn nngai.

Jinghpaw Hanson Version Bible

⁸ Nanhte a kamsham ai gaw mungkan ting chyam hkra kajai gumhkawng wa sai majaw, Yesu Hkristu a jaw e, nanhte mahkra a matu mara, nye a Karai Kasang hpe, ngai shawng shakawn kungdawn nngai.

ROMA 1:8 ပူးပေါင်းရင်းမြစ်များ

MAHTE 24:14

Dai mungdan a Kabu Gara Shiga a lam hpe, masha amyu baw shagu a matu mara sakse tai u ga, mungkan ting hta e hkaw dan lu na rai nga ai; dai hpang e jahtum nhtoi gaw du na ra ai.

LUKA 2:1

Dai ten e, Roma mungdan ting hta nga ai masha jahpan hta la na matu, Roma hkawseng Augustu kaw nna mungga shapraw dat wu ai.

KASA 11:28

Shanhte hta na Agabu ngu ai wa rawt nna ga ntsa ting hta hku wa kaba wa na ra ai lam, Wenyi a atsam hte tau tsun dan mu ai. (Dai lam gaw Hkawseng Klawdi a prat e byin wa sai;)

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.

ROMA 10:18

Rai ti mung, masha ni gaw dai mungga hpe nna lu ai gaw teng a ni? ngu n na ngai san mayu nngai. “Kaja wa shanhte na lu ma ai, hpa majaw nga yang dai Chyum Laika hta mungga hkaw tsun ai ni a nsen gaw mungkan ga ting chyam bra wa nna, shanhte a ga ni lamu ga jut shagu de du mat wa sai,” nga nna tsun ai hte maren rai nga ai.

ROMA 16:19

Nanhte gaw dai Kabu Gara Shiga hta gade daram myit jung kam sham sadi dung nga myit dai lam masha shagu na chye nga masai. Dai majaw nanhte a matu ngai kabu gara nga nngai. Rai ti mung, nanhte gaw mai kaja ai lam gara re ai hpe chye chyang ai hpaji rawng ai ni tai nhtawm n hkru n kaja ai lam hte tsan gang nna mara n kap ai ni nanhte hpe naw tai shangun mayu nngai.

ROMA 6:17

Nanhte chyawm gaw shawng de kalang mi yubak mara a mayam ni tai yu manit dai rai ti mung nanhte hkap la kam sham sai sharin shaga ai lam hta na teng man ai lam ni hpe myit masin mahkra hte madat mara hkan sa manit dai majaw Karai Kasang a chyeju hpe ngai shakawn kungdawn nngai law!

1 KORINHTU 1:4

Ngai gaw, nanhte hpe Hkristu Yesu a marang e Karai Kasang nanhte hpe jaw ya ai shaman chyeju ni a matu tut nawng e nye a Karai Kasang hpe chyeju dum shakawn nga nngai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

EHPESU 1:15

Dai re ai majaw nanhte gaw Madu Yesu hpe kam sham nga myit dai hpe mung, Karai Kasang a masha ni hpe tsaw ra nga myit dai hpe mung ngai na lu ai shaloi kaw nna,

EHPESU 1:16

ngai gaw nanhte a matu mara Karai Kasang hpe n sim n sa chyeju dum shakawn let nye a akyu hpyi ai hta nanhte hpe adum nga nngai.

EHPESU 3:21

Hkristu a marang e mung, htani htana hpung shingkang dan hkung nga u ga law. Amen.

EHPESU 5:20

Anhte a Madu Yesu Hkristu a mying ningsang gang nna lam shagu a matu Kawa Karai Kasang a chyeju hpe tut nawng e shakawn kungdawn nga mu.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

HPILIPI 1:3

Nanhte a lam ngai myit dum sumru yu ai ten shagu Karai Kasang a chyeju hpe ngai shakawn nngai.

KOLOSE 1:3

Anhte gaw nanhte a matu akyu hpyi ai ten shagu hta anhte a Madu Yesu Hkristu a Kawa Karai Kasang hpe chyeju dum shakawn kungdawn ga ai.

1 HTESALONI 1:2

Anhte gaw nanhte yawng a matu mara tut nawng e chyeju shakawn nga ga ai hte anhte a akyu hpyi ai ga ni hta nanhte hpe atsun shalawm nga ga ai.

1 HTESALONI 2:13

Bai Karai Kasang a chyeju hpe n sim n sa shakawn na lam kaga langai mi naw nga nga mali ai. Nanhte hpang de anhte dai Karai Kasang a mungga sa hkaw tsun dan ai shaloi masha a mungga hpe zawn n rai, Karai Kasang a mungga re ai hku nanhte na nna kam sham ai hte hkap la manit dai. Dai mungga gaw nanhte kam sham ai ni a kata hta bungli galaw ya nga ai majaw Karai Kasang a mungga majing nan rai nga ai.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.

2 TIMOHTI 1:3

Nye a ji wa ni galaw ai zawn, san seng ai myit hte ngai daw jau nga ai Karai Kasang hpe ngai shakawn nngai. Ngai gaw shani shana akyu hpyi ai hta nang hpe galoi mung adum nga let Karai Kasang hpe chyeju shakawn nga nngai.

HPILEMON 1:4

Ngai akyu hpyi ai ten shagu hta na a lam tsun nna nye a Karai Kasang kaw chyeju shakawn nngai.

HEBRE 13:15

Dai rai nna anhte gaw shi hpe anhte a Madu re ai ngu nna yin la ai n-gup ni hte chyeju shakawn ai anhte a hkungga hpe Yesu a gawp e Karai Kasang kaw tut nawng e nawng ya nga ga.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.