ROMA 1:7 - Jinghpaw Common Language Bible 2009

⁷ Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

Jinghpaw Hanson Version Bible

⁷ Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

ROMA 1:7 ပူးပေါင်းရင်းမြစ်များ

SHAKAWN KUNGDAWN 60:5

Na a daru magam n-gun hte anhte hpe hkye hkrang la mi; anhte a akyu hpyi ai ga hpe mung htan ya mi, shing rai jang, nang tsaw ra ai amyu masha ni hkye mawai la ai hkrum na mara ai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

BU HKAWM 6:25

Dai Madu gaw nang hpe matsan dum ai hte chyeju jahpring ya nga u ga;

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 9:13

Anani gaw, “Madu e ndai masha wa Yerusalem mare e nga ai na a masha ni hpe hkrithpa n hkru ai hku galaw sai lam masha law law wa ngai hpe tsun dan masai.

ROMA 1:6

Roma mare e nga ai ni nanhte mung, Hkristu hte seng ai ni tai na matu Karai Kasang shaga la ai ni rai nga myit dai majaw, dai ni hta lawm nga myit dai.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

ROMA 8:39

lahta tang na arai lawu tsang na arai, hte hpan da mada hpa rai ti mung anhte Madu Yesu Hkristu hta e Karai Kasang a tsaw ra ai hta na anhte hpe n jahka kau lu na ni ai, ngu nna ngai myit hkut nga nngai law.

ROMA 9:25

Dai hte maren Madu gaw Hosea a laika hta, “Nye a masha n re ai ni hpe ‘Nye a masha ni’ ngu na nngai. Ngai n tsaw ra ai amyu masha ni hpe ‘Ngai tsaw ra ai amyu masha ni’ ngu na nngai.

1 KORINHTU 1:24

Rai ti mung, Karai Kasang e shaga la hkrum ai Yuda ni hte maigan masha ni a matu mara, shi gaw Karai Kasang a atsam hte Karai Kasang a hpaji byeng-ya ngu ai Hkristu nan rai nga ai.

1 KORINHTU 16:23

Madu Yesu a chyeju gaw nanhte hte rau anga nga u ga.

GALATI 6:18

Nye a hpu nau ni e, anhte a Madu Yesu Hkristu a chyeju gaw nanhte a Wenyi hte rau anga nga u ga law. Amen.

EHPESU 1:2

Anhte a Wa Karai Kasang hte Madu Yesu Hkristu gaw nanhte hpe chyeju hte ngwi pyaw ai lam jaw ya myit ga law.

EHPESU 6:23

Kawa Karai Kasang hte Madu Yesu Hkristu gaw Hkristan hpu nau ni yawng hpe ngwi pyaw ai, tsaw ra ai hte, makam masham jaw ya u ga law.

TARA JAHPRANG 33:12

Shi gaw Benyamin amyu bawsang hte seng nna ning ngu tsun wu ai: “Ndai amyu bawsang hpe dai Madu tsaw ra nna makawp maga da nga ai; Shi shanhte hpe shani tup makawp maga ya nna, shanhte a ka-ang e shi nga nga ai.”

HPILIPI 1:2

Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw nanhte hta e anga nga malit ga law.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

HPILIPI 4:20

Ya, anhte a Wa ngu ai Karai Kasang kaw htani htana prat dingsa e hpung shingkang anga nga u ga law! Amen.

HPILIPI 4:23

Madu Yesu Hkristu a chyeju gaw, nanhte hte rau anga nga u ga law.

KOLOSE 1:2

Kolose mare na Karai Kasang a masha ni hte Hkristu hta kangka rai nga ai hpu nau ni hpang de ga shana dat ga ai. Anhte a Wa Karai Kasang kaw na chyeju hte ngwi pyaw ai gaw nanhte hta e anga nga malit ga law.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

KOLOSE 3:15

Hkristu jaw ya ai ngwi pyaw ai gaw nanhte a myit masin hta e a-up nga nna, dai gaw nanhte a daw dan hparan ai lam ni hta lam matsun madun nga u ga, hpa majaw nga yang, dai ngwi pyaw ai lam hpe hkam sha lu na matu Karai Kasang gaw nanhte hpe hkum hkrang langai sha hku shaga la manit dai; dai re ai majaw chyeju adum nga mu.

1 HTESALONI 1:1

Pawlu, Sila hte Timohti kaw nna Kawa Karai Kasang hte Madu Yesu Hkristu a masha ni rai nga ai, Htesaloni mare na hpung masha ni hpang de laika ka dat ga ai. Chyeju hte ngwi pyaw ai gaw nanhte hta anga nga malit ga law.

1 HTESALONI 1:3

Hpa majaw nga yang, nanhte a makam masham hta ta tut gara hku hkan sa nga myit dai hpe mung, nanhte a tsaw ra ai myit a majaw gade daram amu galaw shakut shaja nga myit dai hpe mung, Madu Yesu Hkristu hta nanhte a myit mada ai lam gade ngang kang nga malit dai hpe mung, anhte a Wa Karai Kasang a man e anhte myit dum nga ga ai.

1 HTESALONI 1:4

Hpu nau ni e, Karai Kasang gaw nanhte hpe tsaw ra nna shi a amyu masha tai na matu shaga la manit dai hpe anhte chye nga ga ai.

1 HTESALONI 4:7

Karai Kasang gaw anhte hpe n san n seng ai asak hkrung lam hta hkrung nga na matu shaga la mi ai n rai. Chyoi pra ai asak hkrung lam hta nga na matu she shaga la mani ai.

1 HTESALONI 5:28

Anhte a Madu Yesu Hkristu a chyeju gaw nanhte hte rau anga nga u ga law.

2 HTESALONI 1:2

Anhte a Kawa Karai Kasang hte Madu Yesu Hkristu gaw nanhte hpe chyeju hte ngwi pyaw ai lam jaw ya u ga law.

2 HTESALONI 3:16

Anhte a ngwi pyaw ai lam a npawt rai nga ai Madu gaw, nanhte hpe tut nawng e lam shagu hta ngwi pyaw ai lam ajaw nga u ga.

2 HTESALONI 3:18

Anhte a Madu Yesu Hkristu a chyeju gaw nanhte yawng hte rau anga nga u ga law.

1 TIMOHTI 1:2

dai makam masham hta nye a kasha majing rai nga ai Timohti hpang de laika ka dat nngai. Kawa Karai Kasang hte anhte a Madu Yesu Hkristu kaw na chyeju, matsan dum ai hte ngwi pyaw ai gaw nang hta anga nga u ga law.

1 TIMOHTI 6:2

Hkristan madu ni a npu e nga ai mayam ni gaw tinang a madu ni hpe maren mara hpu nau ni rai ma ai ngu nna n kaw n law n mai di ai; hpa majaw nga yang, tinang a galaw daw ai majaw akyu hkam sha ai ni gaw tinang ni tsaw ra nga ai kam sham ai ni rai nga ma ai majaw shanhte hpe grau nna pyi daw jau ra nga ai. Nang gaw ndai lam hpe sharin shaga nna hkaw tsun lu na rai ndai.

2 TIMOHTI 1:2

Kawa Karai Kasang hte anhte a Hkristu Yesu gaw nang hpe chyeju matsan dum ai hte ngwi pyaw lam jaw ya u ga law.

2 TIMOHTI 4:22

Dai Madu gaw na a wenyi hte rau anga nga u ga. Karai Kasang a chyeju gaw nanhte hte rau anga nga u ga law.

TITU 1:4

Madu Yesu hpe anhte hte maren kam sham ai hta rau rum nga ai ngai sha majing re ai Titu hpang de ngai ndai laika hpe ka shana dat nngai. Kawa Karai Kasang hte anhte a hkye hkrang la ai Madu Yesu Hkristu gaw nang hpe chyeju hte ngwi pyaw ai lam jaw ya u ga law.

HPILEMON 1:25

Madu Yesu Hkristu a chyeju gaw nanhte yawng hte rau anga nga u ga law.

HPILEMON 1:3

Anhte a Wa Karai Kasang hte Madu Yesu kaw na chyeju hte ngwi pyaw ai gaw nanhte hte rau anga nga malit ga law.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

1 PETRU 1:15

Nanhte hpe shaga la ai Karai Kasang gaw chyoi pra nga ai hte maren, nanhte mung nanhte galaw ai lam shagu hta chyoi pra nga mu.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

2 YAWHAN 1:3

Kawa Karai Kasang kaw nna mung, dai Kawa a Kasha Yesu Hkristu kaw nna mung, dai chyeju hte, matsan dum ai hte ngwi pyaw ai lam gaw teng man ai lam hpe chye nna shada da tsaw ra nga ai anhte hte rau anga nga u ga law.

SHINGRAN 2:1

“Ehpesu mare hpung a lamu kasa hpang de ning ngu ka dat u: “Da ndai gaw, Hkra lata hta shagan sanit lang da nna, ja pyengdin sanit a ka-ang e lam hkawm ai wa kaw na mungga rai nga ai.

SHINGRAN 2:12

“Pergamu mare na hpung a lamu kasa hpe ning ngu ka dat u: “Ndai gaw nshan lahkawng maga dai ai ntawng nhtu lang ai wa kaw na mungga rai nga ai.

SHINGRAN 2:18

“Htuatira mare na hpung a lamu kasa hpe ning ngu ka dat u: “Ndai gaw, wan shinglet zawn tu ala ai myi hte, arut shatsawm tawn ai magri htoi zawn san ai lagaw tu ai Karai Kasang a kasha kaw na mungga rai nga ai.

SHINGRAN 2:29

“Wenyi gaw hpung ni hpe kaning nga tsun ai gaw, na tu ai wa gaw na la u ga!

SHINGRAN 2:8

“Samurna hpung a lamu kasa hpe ning ngu ka dat u: “Ndai gaw, ningshawng wa hte jahtum wa, si sai rai ti mung asak bai hkrung wa ai wa kaw na mungga rai nga ai.

SHINGRAN 22:21

Madu Yesu Hkristu a chyeju gaw, Karai Kasang a masha ni hte rau anga nga u ga law! Amen!

SHINGRAN 3:14

“Ladoki mare na hpung a lamu kasa hpe ning ngu ka dat u: “Ndai gaw kangka ai hte teng man ai sakse wa, Karai Kasang hpan tawn da ai yawng mayawng a npawt, Amen ngu ai wa kaw na mungga rai nga ai.

SHINGRAN 3:22

“Wenyi gaw hpung ni hpe kaning nga tsun ai gaw, na tu ai wa gaw na la u ga!,” nga nna tsun ai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.