ROMA 1:4 - Jinghpaw Common Language Bible 2009

⁴ Chyoi Pra ai Karai hkum hku nna Karai Kasang a Kasha nan rai nga ai hpe shadan dan na matu Karai Kasang gaw hpung shingkang kaba hte dai Madu hpe si ai kaw na bai jahkrung sharawt dat nu ai.

Jinghpaw Hanson Version Bible

⁴ Dai kasha gaw masha labau hku gawn yang, Dawi a aru arat rai nga ai; si mat ai ni kaw na bai hkrung rawt wa ai a majaw, Karai Kasang a Kasha nan shi rai nga ai gaw, chyoi pra rawng ai Wenyi hte aja awa shadan dan nga ai; anhte a Madu Yesu Hkristu nan shi rai nga ai rai nna,

ROMA 1:4 ပူးပေါင်းရင်းမြစ်များ

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

KASA 2:32

Dai Yesu hpe Karai Kasang jahkrung sharawt la wu ai rai nna anhte yawng mung dai lam a sakse ni rai nga ga ai.

KASA 3:15

Nanhte gaw asak jaw ya lu ai wa hpe gaw sat kau myit dai, rai ti mung Karai Kasang gaw shi hpe si ai kaw na sharawt la nu ai rai nna anhte gaw dai lam a sakse ni rai nga ga ai.

ROMA 1:3

Dai Kabu Gara Shiga gaw Karai Kasang shi a Kasha anhte a Madu Yesu Hkristu a lam rai nga ai. Dai Madu gaw shinggyim masha labau hku gawn yang, Dawi a aru arat kaw na rai nga ai.

2 KORINHTU 13:4

Kaning rai nme law shi gaw n-gun kya ai madang hta wudang hta jen sat kau ai hkrum tim, Karai Kasang a n-gun atsam hte ahkrung nga ai. Anhte mung Hkristu hte langai sha tai ai a jaw e n-gun kya nga ga ai. Rai ti mung nanhte hte matut mahkai ai lam hta anhte gaw Hkristu hte rau ahkrung nga ga ai a jaw e Karai Kasang a n-gun atsam hpe jawm hkam la na ga ai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.