ROMA 1:30 - Jinghpaw Common Language Bible 2009

³⁰ Shanhte gaw ga shaga baw law ai ni, kaga wa a sari jahpoi ai ga, kadum kahte ai ni, Karai Kasang hpe n dawng ai ni, manang wa hpe n kaw n law rai aroi ara re ai ni, gumrawng gumtawng ai ni, shakawng shakat rai grang dakat ai ni, n hkru n kaja ai amu amyu myu hpe myit shapraw nna galaw ai ni, kanu kawa ni a ga n madat ai ni,

Jinghpaw Hanson Version Bible

³⁰ kadum kahte ai ni, baw law ai ni, Karai Kasang hpe n dawng ai ni, mayang yu ai ni, gumrawng gumtawng ai ni, grang dakat ai ni, kajam galam shabyin ai ni, kanu kawa a ga n madat ai ni,

ROMA 1:30 ပူးပေါင်းရင်းမြစ်များ

1 HKAWHKAM 20:11

Hkawhkam Ahab gaw, “Hpyenla jet gaw majan garai n sa yang lu grang ai n rai; majan ngut ai hpang mahtang gumrawng ging nga ai lam, Hkawhkam Benhadad hpe wa tsun ya mi,” ngu nna htan wu ai.

2 HKAWHKAM LABAU 19:2

Hkawhkam wa hpe sa hkrum na nga, Hanani a kasha myihtoi Yehu sa wa nhtawm, “N hkru ai ni hpe karum nna dai Madu hpe n dawng ai ni a maga de tsap nang ai gaw jaw ai ngu nang myit nawn da wu ni? Nang galaw kau nit dai amu gaw dai Madu a masin kahtet ai lam na a ntsa e du shangun nga nit dai.

2 HKAWHKAM LABAU 25:19

Ya chyawm gaw Amazia e, nang gaw Edom masha ni hpe gasat dang kau nit dai majaw shakawng shakat dagrang nga ndai; rai ti mung nta e mahtang nga nga na matu ngai nang hpe hpaji jaw nngai. Nang hte na a amyu masha ni a ntsa e du wa na ru yak tsin-yam tsindam hpe nang hpa majaw shalut kabrawng nga n ta?”

SHAKAWN KUNGDAWN 10:3

Tara n lang ai masha wa gaw shi a n hkru ai myit marin lam ni hta gumrawng nga nna; lawhpa ai masha wa gaw matsa mawa ga tsun ai hte Madu hpe nyet kau nga ai.

SHAKAWN KUNGDAWN 106:39

Shanhte galaw ai amu ni hte shanhte hkum hpe awu asin di kau nna; Karai Kasang hta sadi sahka myit n dung mat nga masai.

SHAKAWN KUNGDAWN 5:5

Gumrawng gumtawng ai ni gaw na a man e tsap lu ma ai n rai, tara n lang ai masha ni yawng hpe mung nang n ju n dawng nga ndai.

SHAKAWN KUNGDAWN 52:1

Galu kaba ai masha wa e, nang gaw hpa majaw na a n hkru ai lam hta gumrawng nga n ta? Karai Kasang a tsaw ra myit gaw htani htana agrin nga ai.

SHAKAWN KUNGDAWN 81:15

Ngai hpe n ju n dawng nga ai ni mahtang nye a man e, hkrit kamyin ai hte dingnyawm wa nna; shanhte hkrum sha na ari mung htani htana rai na mu ai.

SHAKAWN KUNGDAWN 94:4

Ru hka amu galaw shapraw ai ni mung galoi aten du hkra, gumrawng gumtawng lu nna grang dakat lu na rai nga ma ta?

SHAKAWN KUNGDAWN 97:7

Hpara sumla hpe nawku ai wa kadai rai ti mung, kaya kahpa hkrum nga nna; karai ni yawng gaw Madu a man e, dingnyawm nga ma ai.

SHAKAWN KUNGDAWN 99:8

O Madu anhte a Karai Kasang e, na a myu masha ni shaga ai nsen hpe nang htan ya nit dai; shanhte galaw shut kau sai yubak ni a majaw, nang shanhte hpe ari jaw ti mung, nang gaw yubak mara ni hpe raw dat kau ya ai Karai Kasang rai nga ndai hpe madun dan nga nit dai.

GA SHAGAWP 24:8

N hkru ai hku, tut e nang hpaji daw nga ai rai yang, ru yak tsin-yam hpe shabyin ai wa zawn, n hkru ai lam hta mying gumhkawng wa na ra ai.

GA SHAGAWP 25:23

Dingdung nbung gaw marang hpe htu shangun ai zawn, kadum kahte ai gaw teng teng myit kahtet ai hpe shabyin ya nga ai.

GA SHAGAWP 30:17

Kawa hpe asaw ale nga nna, asak kaba sai kanu a hkang da ai ga hpe asawng asang di kau ai wa kadai hpe rai ti mung, zai ai u hka ni gaw shi a myi hpe achye malawk kau ya nna langda ni mung, shi a mang hpe sha kau ya na ging nga ai.

GA SHAGAWP 8:36

Ngai hpe n mu tam ai masha wa gaw machyi hkrum nga nna; ngai hpe n dawng n yawt ai ni kadai mung si hkrung si htan hpe tsaw ra nga ai,” nga nna tsun nga ai.

HPAJI NINGLI 7:29

Ngai gaw ndai lam yawng mayawng hpe sharin la ni ai; Karai Kasang gaw anhte hpe asan sha hpan da ti mung, anhte mahtang anhte a hkum hpe kashuk kashak shabyin nga ga ai.

EZEKELA 14:5

Ndai hpara sumla ni yawng gaw Israela amyu masha ni hpe ngai kaw na kayin kau dat nga ai, rai ti mung, nye a mahtai hte maren, shanhte a sadi dung ai hpe ngai bai hkam la lu na myit mada nga nngai.

EZEKELA 22:7

Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

BU HKAWM 10:35

Dai Ga Shaka Sumpu rawt pru wa na rai jang, Mawshe gaw, “Madu e, rawt u, na a gumlau hpyen ni hpe shabra kau nna nang hpe n dawng ai ni hpe jahtaw kau u law!,” ngu nna tsun wu ai.

MAHTE 15:4

Hpa majaw nga yang, Karai Kasang gaw, ‘Na nwa hte nnu hpe hkungga lara di u; bai tinang a kanu kawa hpe matsa mawa ga tsun ai wa gaw, teng teng si u ga,’ nga nna tsun nga ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

LUKA 21:16

Nanhte a kanu kawa ni, kahpu kanau ni, mayu dama ni hte jinghku jingyu ni e pyi ap kau ai hkrum na marin dai, nanhte hta nkau mi hpe sat kau na mara ai.

YAWHAN 7:7

Mungkan ga gaw nanhte hpe n dawng n wawm rai lu ai n rai; rai ti mung ngai hpe gaw n dawng n wawm ma ai, hpa majaw nga yang, shanhte a n shawp ai lam ni hpe atsun nga nngai majaw rai nga ai.

KASA 5:36

Lai wa sai shaning gade n na shi ai ten hta, Htuda ngu ai wa, shi hkum hpe reng ai wa rai nngai nga nna paw pru yang marai mali tsa daram shi kaw hkan nang yu sai. Rai ti mung shi sat kau ai hkrum nna shi kaw hkan nang ai ni yawng ayai aya rai bra mat ai hte shi a shamu shamawt ai lam sim mat sai.

ROMA 2:17

Nang gaw gara hku rai nga n ta? Nang gaw na a hkum hpe Yuda masha langai mi re ngu nna dai jep ai Tara hpe kam hpa let Karai Kasang hta gumrawng nga ndai.

ROMA 2:23

Nang gaw Karai Kasang a jep ai Tara a marang e gumrawng ninglen, tara hpe tawt lai ai hte Karai Kasang a sari sadang hpe jahpoi n ni?

ROMA 3:27

Dai rai yang anhte gumrawng na lam hpa naw nga a ta? Hpa n nga sai! Hpa majaw rai ta? Jep ai Tara hpe madat mara hkan sa shadik ga ai majaw rai kun? N rai law! Karai Kasang hpe kam sham ai majaw rai nga ai.

2 KORINHTU 10:15

Dai re ai majaw anhte gaw Karai Kasang e anhte a matu masat da ya ai amu hta lai nna masha kaga ni galaw ai magam amu hte seng nna anhte grang ai ga tsun ga ai n rai. Shing rai na malai, galoi mung Karai Kasang masat da ya ai shingwang kata e anhte a makam masham kunghpan wa na hte nanhte a lapran e grau kaba ai bungli galaw maden jat lu na hpe anhte myit mada nga ga ai.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

TARA JAHPRANG 27:16

“ ‘Kanu kawa hpe n kaw n law di ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 7:10

rai ti mung shi hpe n dawng n yawt ai ni hpe chyawm gaw dai shaloi jang ari jaw na rai wu ai.

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

YAKU 3:5

Shinglet mung dai hte maren rai nga ai. Dai gaw hkum hkrang a daw shan hta kaji sha rai nga ti mung shakawng gumrawng ai lam hta kaba nga lu ai. Kachyi sha re ai wan numli gaw ning san ai nam maling kaba hpe hkru kau lu ai hpe she myit yu mu.

YAKU 4:16

Rai ti mung ya gaw nanhte gumrawng gumtawng ai hte shakawng shakat rai nga myit dai; shing rai shakawng shakat rai gumrawng ai lam yawng gaw shut ai lam rai nga ai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

YUDA 1:16

Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.