ROMA 1:26 - Jinghpaw Common Language Bible 2009

²⁶ Shing rai ma ai majaw Karai Kasang gaw kaya kahpa re ai ngang kayut ai myit e woi ai de lawm nang mat wa na matu nawng kau mu ai. Numsha ni mung shingra tara hte maren num la kanawn mazum ai hking madung hpe kau da nna num shada nhtan shai ai hku galaw hkat nga ma ai.

Jinghpaw Hanson Version Bible

²⁶ Shing rai ma ai majaw, Karai Kasang gaw shanhte hpe kaya kahpa re ai ngang kayut ai de nawng kau mu ai: shanhte a numsha ni pyi, hking madung hpe kau da nna, dai hte nhtan shai ai hku galaw hkat ma ai;

ROMA 1:26 ပူးပေါင်းရင်းမြစ်များ

NINGPAWT NINGHPANG 19:5

Lawt hpe shanhte shaga shapraw la nhtawm, “Dai na nang hte rau nga na matu du sa ai yan gaw kanang rai nga ma ta? Shan hpe anhte hpang de shapraw ya mi!,” ngu nna san mu ai. Sodom mare na lasha nlang ni mahtang shan hte kanawn mayu nga ma ai.

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

ROMA 1:24

Dai rai nna Karai Kasang gaw shinggyim masha ni hpe tinang ni a kayut ai myit hku hkan let awu asin re ai lam hkan galaw na matu mung, tinang a hkum hkrang a arawng hpe shada da shayuk kau na matu mung, nawng kau mu ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

1 KORINHTU 6:9

N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

EHPESU 4:19

Shanhte hta hkrit kaya ngu ai myit yawng shamat kau sai majaw, shanhte gaw ngang kayut ai lam hkan let n san n seng n shawp n kap ai amu amyu myu hpe hkum da ai lam n nga hkra galaw na matu tinang a hkum hpe nawng bang kau ma ai.

EHPESU 5:12

(Hpa majaw nga yang, shanhte mayun mayoi e galaw ai amu ni gaw kaja wa tsun na pyi gaw nachying kaya kahpa rai nga ai.)

1 HTESALONI 4:5

Karai Kasang hpe n chye ai maigan masha ni zawn ra kasit kayut ai myit n mai rawng ai.

1 TIMOHTI 1:10

akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.

YUDA 1:10

Rai ti mung ndai masha ni gaw shanhte n chye n chyang ai hpa hpe mung mara shagun shahpyak chye ma ai. Nam na dusat chyazai ni zawn shanhte a hkritung myit hte chye na lu ai arai ni mung shanhte hpe hten za sum hkrum shangun nga ma ai.

YUDA 1:7

Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.

TARA AGYI 19:22

Shanhte gaw apyaw sha nga nga ma yang, dai mare na n hkru n hkra ngang gayut ai masha nkau mi gaw dai hpe sa wang nhtawm nta chyinghka ni hpe sa adup hpang ma ai. Shanhte gaw dai dingla wa hpe, “Nang hte rau nta de shang wa sai masha wa hpe shapraw ya mi! Anhte shi hte nga sha mayu ga ai!,” ngu nna tsun ma ai.