ROMA 1:23 - Jinghpaw Common Language Bible 2009

²³ N si n mat chye ai Karai Kasang hpe nawku na malai si mat chye ai baw shinggyim masha, u ni, lagaw mali tu ai baw dusat ni shing n rai gumrawt hkawm ai baw dusat ni a hkrang sumla ni hpe nawku nga ma ai.

Jinghpaw Hanson Version Bible

²³ hten mat n chye ai Karai Kasang a arawng sadang hpe, hten mat chye ai masha a, awu a, lagaw mali tu ai ashu ashan a, gumrawt hkawm ai baw a sumla hkrang hte galai kau da mu ai.

ROMA 1:23 ပူးပေါင်းရင်းမြစ်များ

SHAKAWN KUNGDAWN 106:20

Shanhte gaw Karai Kasang a hpung shingkang hpe tsingdu sha ai dusat a sumla hte galai kau mu ai.

ESAIA 40:18

Karai Kasang hpe kadai hte shadawn lu a ta? Shi gaw kadai hte bung nga ai lam nang kaning rai tsun dan lu na n ta?

ESAIA 40:26

Sumsing lamu de mada yu mu! Nanhte mu ai shagan ni hpe kadai hpan da a ni? Hpyen luksuk hpe zawn lam woi ai wa gaw dai yang e kade nga nga ai hpe shi chye ai hte dai ni langai hte langai hpe amying shaga lu nga ai! Shi a daru magam n-gun gaw grai galu kaba nga ai- dai ni hta na langai mi gaw galoi mung yet lu na n rai.

ESAIA 44:13

Lasama wa gaw hpunpyen shadawn nga ai. Shi a nta nhku e tawn da na matu tsawm htap ai masha hkrang sumla tawk galaw lu hkra, ga hpraw hte sumla hkrang mahkret nhtawm, shi a lasama arung arai ni hte tawk nga ai.

YEREMIA 2:11

Kaga amyu baw gaw shanhte a karai ni ajet n rai nga tim pyi galoi mung n galai kau yu ma ai. Rai ti mung nye a amyu masha ni chyawm gaw shanhte hpe arawng sadang jaw ya ai Karai Kasang hpe shanhte a matu hpa mung n galaw ya lu ai karai ni hte ngai hpe galai kau manu ai.

EZEKELA 8:10

Dai rai nna, kata de ngai shang yu yang, lapu hte kaga n san n seng ai dusat ni hte Israela amyu masha ni nawku nga ai kaga hpara sumla ni hpe bunghku ni hta soi shakap da ai hpe ngai mu nngai.

KASA 10:12

Dai hta e lagaw mali tu ai baw dusat hte gumrawt hkawm ai baw amyu myu; ntsa malen na u chyazai amyu myu rawng nga ai.

KASA 17:29

Anhte gaw Karai Kasang a kashu kasha ni rai nga ga ai hte maren Karai Kasang gaw masha maka hpaji lata atsam hte tawk galaw da ai ja, gumhpraw nlung sumla hte bung ai ngu nna n mai myit la ga ai.

ROMA 1:25

Shanhte gaw Karai Kasang a teng man ai lam hpe masu ai hte galai kau mu ai rai nna, Hpan da ai Wa a malai Karai Kasang e hpan da ai arai ni hpe nawku daw jau ma ai. Hpan da ai Wa a hpung shingkang hpe htani htana shagrau sha-a shakawn kungdawn nga mu ga law! Amen.

1 KORINHTU 12:2

Nanhte gaw maigan masha ni naw rai nga ai shaloi e, lam amyu myu hku nna lam dam ai hte asak n rawng ai sumla ni hpe naw lai wa manit dai hpe nanhte nan chye nga myit dai.

TARA JAHPRANG 5:8

“ ‘Sumsing lamu, ginding aga hte ga a npu na hka hta rawng ai baw a hkrang hpa hte mung bung ai sumla ni hpe nanhte a matu hkum galaw hkum shachyaw myit.

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.

SHINGRAN 9:20

Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai.