ROMA 1:20 - Jinghpaw Common Language Bible 2009

²⁰ Mungkan ga hpe Karai Kasang hpan da ai ahkying aten kaw nna masha ni gaw, myi hte n mu lu ai shi a htani htana re ai n-gun atsam hpe mung shi gaw kaja wa Karai Kasang rai nga ai Karai shingyan hpe mung, dan dan leng leng mu chye lu masai. Shing rai chye lu ai lam gaw Karai Kasang hpan tawn da ai arai ni hpe shanhte mu lu ai majaw rai nga ai; dai rai nna dai masha ni gaw tinang tawt lai ai mara a matu tsun jahpai na lam n nga mat malu ai.

Jinghpaw Hanson Version Bible

²⁰ Shabyin da ai arai ni hpe tau yu yang, ginding aga lat kaw nna shi a marai nsam ngu ai, htani htana atsam hte Karai Kasang shing-yan gaw, leng leng a dan nga ai; dai rai nna, shanhte a mara raw na lam htum mat malu ai.

ROMA 1:20 ပူးပေါင်းရင်းမြစ်များ

NINGPAWT NINGHPANG 1:1

Shawng ningpawt e, Karai Kasang gaw ninggawn tawa hpe hpan da yang,

NINGPAWT NINGHPANG 21:33

Dai hpang Abraham chyawm gaw Berasheba shara e magyeng hpun langai mi hpe hkai nna, htani htana agrin nga ai dai Madu Karai Kasang hpe nawku wu ai.

YOBA 12:7

Ntsa malen u ni hte dusat yam nga ni nanhte hpe pyi sharin ya lu nga ma ai;

SHAKAWN KUNGDAWN 104:31

Madu a hpung shingkang htani htana agrin nga u ga! Madu gaw shi galaw da sai magam bungli ni hta kabu gara nga u ga!

SHAKAWN KUNGDAWN 104:5

Nang gaw ginding aga hpe de a npawt hta ngang ngang gaw da nna; dai gaw galoi mung shamu shamawt kau hkrum na n rai.

SHAKAWN KUNGDAWN 119:90

Na a sadi sahka prat mi hte prat mi agrin nga ai; ginding aga hpe nang shara masat da ya nit dai hte, dai gaw a nga nga ai.

SHAKAWN KUNGDAWN 139:13

Nang gaw nye hkum a hkrihkraw lami laman shagu hpe hpan da nna; nye nu a kan hta e, ngai hpe shachyaw da nit dai.

SHAKAWN KUNGDAWN 8:3

Nang hpan tawn da ai lamu hpe ngai mada yu ai shaloi; nang gaw shata hte shagan ni hpe shanhte a shara ni hta tawn da nga ndai.

SHAKAWN KUNGDAWN 90:2

Bum ni hpe garai n hpan da ai hte mungkan ga garai n lat ai aten kaw nna, nang gaw chyi nma pri npra Karai Kasang rai nga ndai; htum ngu n nga ai htani htana Karai Kasang mung nang rai nga ndai.

ESAIA 26:4

Dai Madu hpe htani htana kam hpa nga mu; shi gaw anhte hpe tut nawng makawp maga na ra ai.

ESAIA 40:26

Sumsing lamu de mada yu mu! Nanhte mu ai shagan ni hpe kadai hpan da a ni? Hpyen luksuk hpe zawn lam woi ai wa gaw dai yang e kade nga nga ai hpe shi chye ai hte dai ni langai hte langai hpe amying shaga lu nga ai! Shi a daru magam n-gun gaw grai galu kaba nga ai- dai ni hta na langai mi gaw galoi mung yet lu na n rai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 5:21

Myi tu ti mung myi n mu lu, na tu ti mung na n na lu ai angawk angak re ai hte myit n su ai amyu masha ni e, madat mu.

YEREMIA 51:15

Dai Madu gaw shi a daru magam n-gun hte ginding aga hpe galaw da nu ai; shi a hpaji byeng-ya hte mungkan ga hpe hpan da nna, sumsing lamu ni hpe kahpyan da nu ai.

MAHTE 5:45

Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

MARKU 10:6

Rai ti mung Chyum Laika ni hta tsun da nga ai hte maren, lamu ga nnan lat kaw nna lasha hte numsha hpe shi hpan da nu ai.

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 15:22

Ngai shanhte hpe n hkaw n tsun ai sha nga ai rai taw gaw, shanhte hta mara n nga na re ai. Ya chyawm gaw shanhte mara galaw sai lam gara hku mung mara lawt hkra tsun ndang shara n nga manu ai.

KASA 17:29

Anhte gaw Karai Kasang a kashu kasha ni rai nga ga ai hte maren Karai Kasang gaw masha maka hpaji lata atsam hte tawk galaw da ai ja, gumhpraw nlung sumla hte bung ai ngu nna n mai myit la ga ai.

KASA 22:1

“Hpu nau ni hte ji wa ni e, nanhte a man e ngai mara n lu ai lam ga htan ai hpe madat mara ya mi.”

ROMA 1:19

Dai masha ni hpe Karai Kasang shi nan asan sha shadan dan sai majaw Karai Kasang hte seng nna chye na mai ai lam ni hpe asan sha chye na lu masai. Ndai lam a majaw Karai Kasang shanhte hpe ari jaw mu ai.

ROMA 16:26

Rai ti mung ya aten hta dai makoi magap da ai teng man ai lam gaw, myihtoi laika ni hku nna dan dawng wa ra ai. Masha amyu nlang hte Karai Kasang hpe kam sham nna madat mara mu ga, htani htana Karai Kasang a hkang da ai hte maren dai teng man ai lam hpe hkaw tsun shadum dan nga sai.

ROMA 2:1

Jinghku wa e, nang gaw masha kaga wa hpe jeyang daw dan nga n ni? Nang gaw kadai wa mi rai nga ti mung, na a mara raw lu hkra jahpai na lam mi n nga mat salit dai. Hpa majaw nga yang, nang gaw masha kaga wa hte maren sha yubak galaw ai wa rai nga da ninglen masha kaga wa hpe jeyang daw dan n yang gaw na hkum hpe mahtang nang daw dan kau da wu ai.

ROMA 2:15

Dai jep ai Tara a hkang da ai lam ni gaw shanhte a kraw lawang ni hta ka da nga sai hpe shanhte a sat lawat nsam ni hku nna sakse hkam madun dan nga ai. Shanhte a htauli htaula myit ni mung dai lam teng nga ai hpe sakse hkam nga ai. Hpa majaw nga yang, shanhte a myit mang ai lam ni gaw kalang lang shanhte hpe mara shagun nna kalang lang gaw makawp maga madi shadaw nga ai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

TARA JAHPRANG 33:27

Karai Kasang gaw chyi nma, pri npra kaw na na a Dahpran shara rai nga ai; shi a htani htana na lata lahpum gaw nang hpe shadaw ya nga ai. Nanhte a shawng e shi lung wa nna, gumlau hpyen ni yawng hpe jahten shabyak kau mu nga, tsun let nanhte a hpyen ni hpe shi gawt shapraw kau wu ai.

TARA JAHPRANG 4:19

Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.

KOLOSE 1:15

Hkristu gaw myi hte n mu lu ai Karai Kasang hpe madun ai myi hte mu lu ai hkrang bung sumla rai nga ai. Shi gaw Kasha alat rai nna hpan da ai arai yawng mayawng hta ningtawn ai wa rai nga ai.

KOLOSE 2:9

Hpa majaw nga yang, shinggyim hkum hkrang majing dagraw nna ndai mungkan hta asak hkrung nga ai ten e, Hkristu hta Karai a marai hkum gawng shingyan hkum dingnum a shanu nga ai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

HEBRE 11:27

Kam sham ai hte Mawshe gaw Hkawhkam wa a masin pawt ai hpe n hkrit ai sha Egutu mung kaw na pru mat wa wu ai. Shi gaw myi hte n mu lu ai Karai Kasang hpe mu lu ai zawn Egutu mung de bai nhtang wa na hpe ningdang kau wu ai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.