ROMA 1:19 - Jinghpaw Common Language Bible 2009

¹⁹ Dai masha ni hpe Karai Kasang shi nan asan sha shadan dan sai majaw Karai Kasang hte seng nna chye na mai ai lam ni hpe asan sha chye na lu masai. Ndai lam a majaw Karai Kasang shanhte hpe ari jaw mu ai.

Jinghpaw Hanson Version Bible

¹⁹ kaning rai law nga yang, Karai Kasang gaw shanhte hpe madun dan manu ai majaw, Karai Kasang hpe chye chyang mai ai lam gaw, shanhte hta e dan leng wa sai.

ROMA 1:19 ပူးပေါင်းရင်းမြစ်များ

ESAIA 40:21

Nang n chye n ni? Moi chyaloi nhkoi kaw nna nang hpe n tsun dan yu a ni? Mungkan ga gara hku lat hpang wa ai hpe nang n na yu n ni?

ESAIA 40:26

Sumsing lamu de mada yu mu! Nanhte mu ai shagan ni hpe kadai hpan da a ni? Hpyen luksuk hpe zawn lam woi ai wa gaw dai yang e kade nga nga ai hpe shi chye ai hte dai ni langai hte langai hpe amying shaga lu nga ai! Shi a daru magam n-gun gaw grai galu kaba nga ai- dai ni hta na langai mi gaw galoi mung yet lu na n rai.

YAWHAN 1:9

Dai nhtoi gaw mungkan ga de du sa nna, masha nlang hte a ntsa e jahtoi ya ai nhtoi majing rai nga ai.

ROMA 1:20

Mungkan ga hpe Karai Kasang hpan da ai ahkying aten kaw nna masha ni gaw, myi hte n mu lu ai shi a htani htana re ai n-gun atsam hpe mung shi gaw kaja wa Karai Kasang rai nga ai Karai shingyan hpe mung, dan dan leng leng mu chye lu masai. Shing rai chye lu ai lam gaw Karai Kasang hpan tawn da ai arai ni hpe shanhte mu lu ai majaw rai nga ai; dai rai nna dai masha ni gaw tinang tawt lai ai mara a matu tsun jahpai na lam n nga mat malu ai.

ROMA 2:14

Maigan masha ni gaw dai Tara n lu ma ai rai ti mung Tara a hkang da ai lam ni hpe tinang a hkrit tsang ai myit hte hkan galaw ai shaloi dai Tara gaw shanhte a tara tai wa ma salu ai.