ROMA 1:18 - Jinghpaw Common Language Bible 2009

¹⁸ Shinggyim masha a shut hpyit mara gaw dai teng man ai lam hpe masha ni n chye hkra pat shingdang nhtawm n hkru n kaja ai amu hpe galaw shangun nga ai karai kata ai masha ni yawng a ntsa de, Karai Kasang a masin pawt ai myit gaw sumsing lamu de nna dan pru ra ai.

Jinghpaw Hanson Version Bible

¹⁸ Kaning rai nme law, dai tengman ai lam hpe n ding n man ai hte dip shadang da ai masha ni a tara n hkungga ai hte n ding n man ai amu mahkra a ntsa e, Karai Kasang a masin pawt ai myit gaw, lamu de nna dan pru nga ai:

ROMA 1:18 ပူးပေါင်းရင်းမြစ်များ

PRU MAT 23:7

Shi hpe n teng n man ai hku mara hkum shagun et; mara n kap ai wa hpe si ari jaw lu na n rai; hpa majaw nga yang, dai zawn re ai n hkru ai amu galaw ai wa kadai hpe mung ngai daw dan na we ai.

ROMA 1:19

Dai masha ni hpe Karai Kasang shi nan asan sha shadan dan sai majaw Karai Kasang hte seng nna chye na mai ai lam ni hpe asan sha chye na lu masai. Ndai lam a majaw Karai Kasang shanhte hpe ari jaw mu ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 1:32

Shing rai galaw ai ni gaw si ging nga ma ai nga nna Karai Kasang a tara hta hkang da nga sai hpe shanhte chye chyalu rai ma ai rai ti mung, shanhte hkum nan dai lam ni hpe galaw dingyang rai nga ma ai hta n ga, dai hku hkan galaw ai ni hpe mung n-gun jaw awlaw ma ai.

ROMA 2:3

Rai ti mung jinghku wa e, kaga masha ni a ntsa e nang jeyang ai baw mara hpe nang nan galaw tawt lai nga n hka! Karai Kasang a tara dara ai hta na lawt lu na zawn nang nawn da wu ni?

ROMA 3:9

Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

ROMA 4:15

Dai jep ai Tara gaw Karai Kasang a pawt sindawng ai hpe shapraw ya nga ai; rai ti mung; Jep ai Tara n nga yang gaw Tara tawt lai ai lam mung nga na n rai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

ROMA 5:9

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

EHPESU 5:6

Kadai mung kaman lila ga ni hte nanhte hpe hkum hkalem hkalau shangun nga myit; hpa majaw nga yang dai lam ni nan a majaw Karai Kasang a pawt sindawng ai gaw n madat n mara ai ni a ntsa e du na ra ai.

KOLOSE 3:6

Shing re ai lam ni a majaw shi hpe n madat n mara ai ni a ntsa e Karai Kasang a pawt sindawng ai gaw du na ra ai.

2 HTESALONI 2:10

Dai hta n-ga hten byak hkrum na ni a ntsa e, n hkru n kaja ai hku hkalem hkalau ai lam amyu baw sumhpa galaw na ra ai. Shanhte gaw hkye hkrang la hkrum na matu dai teng man ai lam hpe n hkap la ai hte n tsaw ra ma ai majaw, shanhte hten za si mat na mara ai.

2 HTESALONI 2:6

Shing rai hkra rai ti mung, dai lam ya n byin wa hkra pat hkum shingdang da ai lam lama ma nga nga ai. Dai hpa re ai hpe nanhte chye nga myit dai. Aten ladaw du ai shaloi dai N hkru Ai Wa dan pru na ra ai.