ROMA 1:17 - Jinghpaw Common Language Bible 2009

¹⁷ Dai hta kaga, “Karai Kasang hta ding hpring ai wa gaw kam sham ai hte hkrung nga lu na ra ai,” nga nna Chyum ga hta ka da nga ai hte maren Karai Kasang gaw masha ni hpe gara lai hku nna sharawng awng hkap la nga ai lam dai Kabu Gara Shiga hta shadan dan nga ai. Dai gaw shawng ningpawt kaw nna jahtum du hkra kam sham ai lam rai nga ai.

Jinghpaw Hanson Version Bible

¹⁷ Dai hta kaga, Dinghpring ai wa gaw kamsham ai hte hkrung nga lu na ra ai, nga nna ka da nga ai hte maren, kamsham ai hte lu la nna kamsham ai de ang wa ai, Karai Kasang a dinghpring ai lam hpe, dai hta e shadan dan nga ai.

ROMA 1:17 ပူးပေါင်းရင်းမြစ်များ

EZEKELA 18:9

Dai zawn re ai myit rawng ai wa gaw nye a hkang da ai ga ni hpe hkan nna nye a tara ni hpe sadi sahka ai myit hte shadik shatup ya nga ai. Shi gaw ding hpring nga nna asak hkrung nga lu na ra ai,” ngu nna Tsaw Htum ai dai Madu tsun ai.

HABAKU 2:4

Ndai gaw mungga rai nga ai: ‘N hkru ai ni gaw hkrung nga lu na ra ai n rai, rai ti mung ding hpring ai ni gaw hkrung nga na ra ai hpa majaw nga yang shanhte gaw Karai Kasang hta sadi dung nga ma ai.’”

BU HKAWM 21:9

Dai rai nna Mawshe mung magri mang lapu langai mi galaw nhtawm hpun shadaw langai a ntsa e sharawt tawn da wu ai. Shing rai lapu achye hkrum ai ni kadai mung dai magri mang lapu hpe mada yu nna shamai shatsai ai hkrum ma ai.

YAWHAN 3:36

Kasha wa hpe kam sham ai wa gaw htani htana asak lu la wu ai; Kasha wa a ga hpe n madat ai wa chyawm gaw, asak hkrung ai lam lu la na wu ai n rai; Karai Kasang a sindawng kahtet ai ari hkrum sha na ra ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

ROMA 3:21

Rai ti mung ya gaw Karai Kasang a man e masha hpe ding hpring wa lu ai lam shadan dan mani ai. Karai Kasang a man e ding hpring wa shangun na matu, jep ai Tara hte n dang di lu ai. Ndai lam teng nga ai gaw Mawshe a jep ai Tara hte myihtoi ni sakse hkam ma ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 3:3

Dai rai yang lama wa shanhte hta na nkau mi sadi n dung yang gaw, shanhte a sadi n dung ai lam a majaw Karai Kasang mung sadi n dung na re ngu nna tsun lu na kun?

ROMA 9:30

Dai re ai majaw anhte tsun mayu ai lam gaw ndai hku rai nga ai. Karai Kasang a man e ding hpring ai ni tai lu na matu n shakut ai maigan amyu ni gaw, shi hpe kam sham ai a marang e Karai Kasang a man e ding hpring wa lu ma ai.

2 KORINHTU 3:9

Yubak mara a ari jaw na matu daw dan ya ai lam hte seng ai magam amu gaw hpung shingkang hte hpring tsup nga ai rai yang gaw, hkye hkrang la ai lam jaw ya ai hte seng ai magam amu gaw gade wa grau nna hpung shingkang dan hkung na rai hka!

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

GALATI 3:11

Chyum Laika hta, “Karai Kasang hpe kam sham ai hte ding hpring ai wa re ngu nna sawn ya hkrum ai wa gaw asak hkrung nga na ra ai,” nga nna ka da nga ai majaw, dai jep ai Tara hpe hkan sa shatup ai hte Karai Kasang a man e, kadai mung ding hpring lu na n re ai gaw, dan dan leng leng rai nga ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

HEBRE 10:38

Nye a ding hpring ai masha ni chyawm gaw, kam sham ai hte hkrung nga na mara ai. Rai ti mung shanhte hta na langai ngai sit htingnut htak mat wa a yang gaw, ngai shi hta sharawng awng na nngai n rai,” nga nna tsun nga ai.