ROMA 1:14 - Jinghpaw Common Language Bible 2009

¹⁴ Hpa majaw nga yang karing karang masha ni, myit su ai ni, hpaji rawng ai ni hte hpaji n rawng ai ni yawng hte hta lit hka kap ai wa ngai rai nga nngai.

Jinghpaw Hanson Version Bible

¹⁴ Heleni amyu ni, karing karang amyu ni, hpaji rawng ai ni, hpaji n rawng ai ni hte, hka kap ai wa ngai rai nga nngai,

ROMA 1:14 ပူးပေါင်းရင်းမြစ်များ

GA SHAGAWP 1:22

“Angawk ai masha ni e! Nanhte gaw gade na hkra, angawk angak rai mayu nga myit ni? Nanhte gaw gade na hkra, machye machyang hpaji hpe mani asawng ai hta kabu sharawng nga na ngu nga myit ni? Nanhte gaw galoi mung n hprang sana manit dai kun?

GA SHAGAWP 8:5

Nanhte myit n kung nga myit ni? Myit kunghpan wa na matu sharin la mu. Nanhte angawk angak rai nga myit ni? Chye myit chye mang lu hkra, sharin la mu.

ESAIA 35:8

Dai shara e ningmaw lam kaba langai nga na ra ai, dai hpe, “Chyoi Pra ai Lam Nmaw,” ngu shamying na mara ai. Yubak kap ai ni kadai mung dai lam de galoi mung hkawm sa lu na n rai; dai lam hkan ai ni hta angawk ai ni pyi dai lam yit na ma ai n rai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

LUKA 10:21

Dai ahkying hta Yesu gaw Chyoi Pra ai Wenyi a majaw kabu ai myit hte hpring nna, “Sumsing lamu hte ginding aga a Madu, Wa e! Hpaji byeng-ya rawng ai ni hte myit kunghpan ai ni kaw na, nang makoi magap da ai dai teng man ai lam ni hpe hpaji kata ai ni e nang madun dan ndai majaw, ngai nang hpe shakawn kungdawn nngai. Rai sa, Wa e, dai gaw nang tsaw ra ai hku byin shangun mayu ai lam rai nga lit dai.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 28:2

Dai zunlawng na buga masha ni anhte hpe grai wa hku hkau matsan dum ma ai. Marang htu nna kashung nga ai majaw, shanhte wan wut nna anhte yawng hpe hkalum la mi ai.

KASA 28:4

Zunlawng na buga masha ni Pawlu lata hta kawa noi nga ai lapu hpe mu ma yang, “Gaja wa nan, ndai masha wa gaw masha sat ai wa langai mi rai teng sam ai. Panglai hta n si n mat asak lawt lu ti mung teng man ai tara gaw shi hpe asak hkrung nga na ahkang n jaw da wu hka!,” nga nna shada da tsun shajang ma ai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

ROMA 1:22

Shanhte gaw shanhte a hkum hpe hpaji chye ai ni rai ga ai ngu nna tsun ma ai rai ti mung shanhte gaw angawk angak re ai ni rai nga ma ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 12:16

Shada da myit tsang hkat nga mu. Gumrawng gumtawng n re ai sha arawng n lu ai lit ni hpe hkap la gun hpai nga mu. Tinang hkum hpe hpaji rawng ai zawn hkum nawn nga myit

ROMA 13:8

Nanhte shada tsaw ra ai hta kaga, kadai hte mung hpa hka hkum shakap mu. Masha kaga hpe tsaw ra ai wa gaw jep ai Tara hpe madat mara shatup ngut nu ai.

ROMA 16:19

Nanhte gaw dai Kabu Gara Shiga hta gade daram myit jung kam sham sadi dung nga myit dai lam masha shagu na chye nga masai. Dai majaw nanhte a matu ngai kabu gara nga nngai. Rai ti mung, nanhte gaw mai kaja ai lam gara re ai hpe chye chyang ai hpaji rawng ai ni tai nhtawm n hkru n kaja ai lam hte tsan gang nna mara n kap ai ni nanhte hpe naw tai shangun mayu nngai.

ROMA 8:12

Dai re ai majaw, hpu nau ni e, anhte gaw Karai Kasang a Wenyi e sharin shaga ai hte maren hkan sa galaw na lit lu ai ni rai nga ga ai, hkum shan myit ra ai hku hkan nna asak hkrung na matu n rai.

1 KORINHTU 14:11

Rai ti mung, ngai n chye na ai amyu ga shaga ai wa gaw nye a matu maigan masha rai nna, ngai mung shi a matu maigan masha rai na rai nga ai.

1 KORINHTU 14:16

Nanhte gaw Wenyi hte sha Karai Kasang a chyeju hpe shakawn nna akyu hpyi ai rai yang nawku ai hpawng hta lawm nga ai yu maya masha langai mi gaw, nanhte tsun ai ga n chye na ai majaw, nanhte a kyu hpyi ai ga hpe kaning rai “Amen,” ngu nna tsun lu na a ta?

1 KORINHTU 2:13

Dai re ai majaw, Wenyi hpe hkam la sai ni hpe Wenyi hte seng ai teng man ai lam ni hpe hkaw tsun htai dan ai shaloi, anhte gaw masha a hpaji ga ni hte n tsun shaga ai sha, Wenyi e sharin shaga ai ga ni hte she tsun shaga ga ai.

1 KORINHTU 3:18

Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.

2 KORINHTU 10:12

Kaja wa nga yang, tinang a hkum hpe shagrau shatsaw la ai masha hpan hta hti lawm nna anhte a hkum ni hpe shanhte hte madang n shabung gwi ga ai. Shanhte gaw tinang a madang hpe chye shadawn na matu tinang dai madang masat la ma ai. Dai masat da ai madang hte tinang dai shadawn la nga ma ai. Shing re ai ni gaw gade wa angawk angak rai nga ma hka!

2 KORINHTU 11:19

Nanhte nan hpaji nau rawng nna angawk ai ni hpe kabu gara ai hte hkam sharang nga myit dai!

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

2 TIMOHTI 2:10

Dai re ai majaw ngai gaw Karai Kasang lata la hkrum ai masha ni a matu ruyak jam jau hkam nngai; shing rai hkam ai lam gaw shanhte mung Hkristu Yesu a marang e hkye hkrang la ai chyeju hte de a htani htana hpung shingkang hkam la lu na matu rai nga ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.