ROMA 1:13 - Jinghpaw Common Language Bible 2009

¹³ Nye a hpu nau ni e, Yuda amyu masha n re ai maigan amyu masha ni hpe ngai myit malai kayin wa shangun mawe ai zawn, nanhte hta mung myit malai kayin wa ai masha ni nga wa na matu ngai nanhte hpang de sa du na, law law lang hkyen lajang yu ni ai, rai ti mung lam lama ma e ayan hkum shadang ai a majaw n du sa lu ai re ai lam nanhte hpe chye shangun mayu nngai.

Jinghpaw Hanson Version Bible

¹³ Dai hta kaga, hpunau ni e, maigan amyu kaga ni hta akyu hkam la lu nngai hte maren, nanhte hta na mung langai ngai lu la n ga, nanhte hpang de sa du na law law lang a myit lu nga nngai rai timung, ya du hkra hkum shadang ai hkrum nngai hpe, nanhte n chye nga na ngai n ra nngai.

ROMA 1:13 ပူးပေါင်းရင်းမြစ်များ

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

YAWHAN 12:24

Nanhte hpe ngai kaja wa teng teng tsun made ai gaw, mam nhkyep gaw ga hta hkrat nna, n hten mat yang gaw langai sha arai nga ai; hten mat yang she asi law law si wa lu ai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

YAWHAN 4:36

Dan ai wa gaw shabrai lu la nna, htani htana asak hte seng ai nsi naisi shu la lu ai. Dai rai nna gat ai wa hte dan ai wa rau sha kabu lu ma ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:12

Barnaba yan Pawlu gaw shan a lata hte maigan amyu ni hta Karai Kasang galaw dan ai lamik kumla ni hte mauhpa amu ni yawng a lam hkai dan nga ma yang, shawa hpung ting atsin sha madat nga ma ai.

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 21:19

Pawlu shanhte hpe shachyen ngut jang, shi gun hpai ai amu majaw kaga maigan masha ni hta Karai Kasang shabyin wa ai amu lam langai hte langai hkai dan mu ai.

KASA 28:14

Dai mare kaw kam sham ai hpu nau nkau mi hte hkrum nna shanhte hte rau sanit ya hkring nga na hpyi ma ai majaw anhte hkring nga ga ai. Dai hpang Roma mare de du ga ai.

ROMA 1:12

Ngai ngu mayu ai gaw, nanhte hte ngai hkrum zup lu ai shaloi anhte langai hte langai a Hkristan makam masham mahkrum madup hku nna langai hte langai shada da n-gun jaw shangwi shapyaw ai lam hkam la lu na ra ai, ngu ai rai nga ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 7:1

Hpu nau ni e, nanhte gaw jep ai Tara a lam ni hpe chye nga myit dai rai nna, ya ngai nanhte hpe tsun na lam hpe atsawm sha chye na na myit dai. Jep ai Tara gaw masha ni hpe shanhte naw hkrung nga ai aten laman e up madu nga ai.

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

1 KORINHTU 10:1

Hpu nau ni e, Mawshe woi awn ai anhte a ji wa ni hta hpa byin lai wa sai lam nanhte hpe bai dum chye shangun mayu nngai. Shanhte yawng gaw sumwi e makawp maga ai a kata hta hkawm sa wa nna, Nawng Hkyeng hpe mung apyaw sha ga rap lai di kau da lu ma ai.

1 KORINHTU 12:1

Hpu nau ni e, nanhte laika hte ka san dat ai Wenyi a chyeju kumhpa ni hte seng nna, de a teng man ai lam nanhte hpe chye shangun mayu nngai.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

1 KORINHTU 9:2

Kaga masha ni ngai hpe kasa langai mi hku nna n hkap la hkra rai tim, nanhte hkap la myit dai n rai ni? Hpa majaw nga yang, Hkristu hte langai sha tai nna asak hkrung nga ai nanhte nan ngai kasa langai mi teng nga ai lam a sakse masat dazik rai nga myit dai.

2 KORINHTU 1:8

Hpu nau ni e, Asi mung e anhte hkrum sagaw ai tsin-yam tsindam a lam nanhte hpe bai shadum mayu ga ai. Anhte a ntsa e dip gamyet ai nni nkri ngu ai lit ni gaw kaba la ai hte li la ai majaw, anhte gaw asak hkrung na matu pyi n myit mada mat hkra rai saga ai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

GALATI 3:15

Nye a hpu nau ni e, nanhte shani shagu hkrum kadup nga ai lam ni hta ga shadawn langai mi hpe la nna ngai tsun na; masha lahkawng gaw lam lama mi hta myit hkrum nna ga sadi masat laika ka da ngut ai shaloi, dai hpe kadai mung tawt lai lu ai n rai, shing n rai jat bang lu ai n rai.

GALATI 6:18

Nye a hpu nau ni e, anhte a Madu Yesu Hkristu a chyeju gaw nanhte a Wenyi hte rau anga nga u ga law. Amen.

HPILIPI 1:22

Rai ti mung nye a hkum hkrang hta asak hkrung nga let akyu rawng ai amu grau nna galaw lu na rai yang gaw hkrung ai hte si ai gara mahtang hpe lata la na ngai n chye nngai.

HPILIPI 4:17

Ning ngu nna ngai tsun nngai gaw, kumhpaw kumhpa ni hpe ngai ra marin nna n rai; nanhte galaw daw ai magam bungli a asi, amyat jahpan hta jat galu kaba wa na hpe sha ngai ra sharawng nngai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

KOLOSE 1:6

Nanhte gaw Karai Kasang a chyeju lam hpe shawng nnan chye lu ai nhtoi kaw nna, dai chyeju hpe teng teng chye na hkam sha lu ai hte maren, dai Kabu Gara Shiga gaw nanhte kaw du dep sa wa ai. Dai hte maren, dai Kabu Gara Shiga gaw mungkan ting chyam bra wa nna asi law law si wa nga ai.

1 HTESALONI 2:18

Anhte gaw nanhte hpang de bai wa mayu ga ai. Ngai hkum nan nanhte hpang de bai sa wa na matu lahkawng lang shakut yu ni ai, rai ti mung Satan gaw anhte hpe ban hkum shadang kau mi ai.

1 HTESALONI 4:13

Anhte a hpu nau ni e, myit mada shara n nga ai kaga masha ni zawn nanhte yawn hkyen n hkrum myit ga, anhte gaw si mat ai ni hte seng nna dai teng man ai lam nanhte hpe chye shangun mayu ga ai.

2 HTESALONI 2:7

Chye na yak ai makoi magap da ai n hkru ai atsam gaw ya e pyi bungli galaw nga sai; rai ti mung ban hkum ai wa hpe shi a shara kaw na yeng seng kau ai aten garai n du yang, dai lam byin wa na ra ai n rai.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.