ROMA 1:11 - Jinghpaw Common Language Bible 2009

¹¹ Nanhte myit masin ngang kang nga myit ga, Wenyi shaman chyeju kumhpa langai ngai nanhte hpe karan jaw mayu ai majaw ngai nanhte hte grai hkrum mayu nga nngai.

Jinghpaw Hanson Version Bible

¹¹ Nanhte ngang hkang nga myit ga, wenyi kumhpa langai ngai nanhte hpe karan jaw lu n ga, nanhte hte hkrum na ngai katu nga nngai:

ROMA 1:11 ပူးပေါင်းရင်းမြစ်များ

NINGPAWT NINGHPANG 31:30

Nang na a dum nta de nhtang wa na grai myit katu ai a majaw, wa ai gaw ngai chye na nngai; rai ti mung nye nta na gumgun gumhpai hpara sumla ni hpe nang hpa majaw lagu la nit ni?,” ngu nna tsun wu ai.

2 SAMUELA 13:39

rai ti mung Amnon a si hkrung si htan lam a majaw shi yawn bran wa jang, shi a kasha Absalom hpe marit ai myit hpring wa nga lu ai.

2 SAMUELA 23:15

Dawi gaw myit garen ai hte, “Betlehem mare chyinghka makau na hka htung ntsin htinggap mi hpe marai langai ngai e la wa ya na hpe ngai gade sha sharawng nga n hka!,” ngu nna tsun wu ai.

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

KASA 16:5

Shing rai hpung ni mung makam masham lam hta grau ngang kang wa ai hte hpung shang ai masha lani hte lani law htam wa ma ai.

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 19:6

Ya Pawlu shanhte a ntsa e lata mara ya jang Chyoi pra ai Wenyi shanhte a ntsa e du nna shanhte laklai ai ga, myu kaga shaga nna Karai Kasang a mungga hpe mung tsun shana ma ai.

ROMA 1:12

Ngai ngu mayu ai gaw, nanhte hte ngai hkrum zup lu ai shaloi anhte langai hte langai a Hkristan makam masham mahkrum madup hku nna langai hte langai shada da n-gun jaw shangwi shapyaw ai lam hkam la lu na ra ai, ngu ai rai nga ai.

ROMA 15:23

Ya chyawm gaw dai ginwang ni hta galaw ra ai nye a amu ni hpe gun hpai ngut ni ai. Nanhte hpang de sa na matu lai wa sai shaning tsawmra kaw nna myit katu nga nngai hte maren,

ROMA 15:29

Ngai nanhte kaw du yang Hkristu kaw na ra n rawng nna gumring gumrat ai shaman chyeju ni nanhte hpe garan kachyan hkam la shangun lu na ngai chye nga nngai.

ROMA 15:32

Dai rai nna Karai Kasang a myit ra ai lam rai yang gaw ngai kabu gara ai hte nanhte hpang de du nna nanhte hte rau ngwi pyaw ai hku n-gun awai hkring sa la na ahkang lu na re.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

2 KORINHTU 1:15

Ndai lam hte hpe myit mu myit hkut ai hte, nanhte lahkawng lang na chyeju lu la myit ga, nanhte kaw shawng sa du na ngu nna nnan e ngai myit yaw shada nngai.

2 KORINHTU 1:21

Nanhte hte anhte hpe Hkristu hta langai sha tai hkra asak hkrung shangun ai wa gaw Karai Kasang shi nan rai nga ai.

2 KORINHTU 11:4

Hpa majaw nga yang, nanhte hpang de masha langai ngai sa du nna anhte n hkaw dan yu ai kaga Yesu langai mi a lam hkaw dan ai shaloi, nanhte gaw kabu gara hkap la myit dai, bai nanhte gaw anhte kaw na hkap la lu sai wenyi hte kabu gara shiga hte tsep kawp nhtan shai ai wenyi hte kabu gara shiga hpe hkap hkalum la nga manit hka!

2 KORINHTU 9:14

Nanhte gaw nachying laklai ai Karai Kasang a chyeju hpe hkam sha lu manit dai majaw, shanhte gaw nanhte hpe grai tsaw ra ai myit hte nanhte a matu akyu hpyi ya na mara ra ai.

HPILIPI 1:8

Ngai gaw Hkristu Yesu shi nan a myit masin hta rawng ai n-gaw nwai ai myit hte nanhte hpe myit dum marit nga nngai, ngu nna ngai tsun ai ga teng nga ai gaw Karai Kasang nye a sakse rai nga li ai.

HPILIPI 2:26

Shi gaw nanhte nlang hte hpe sa hkrum lu na, shi nachying myit ndawt nga ai. Hpa majaw nga yang shi machyi ai hpe nanhte na yu manit dai rai nna shi grai wa myit ru myit yak nga ai.

HPILIPI 4:1

Dai rai nna hpu nau ni e, nanhte hpe ngai grai tsaw ra nga made ai hte grai myit dum marit nga nngai. Nanhte gaw nye a kabu gumrawng shara rai myit dai. Tsaw ra ai ni e, dai Madu hte langai sha tai nna asak hkrung ai lam hta ngang ngang lahpran tsap nga mu.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

2 HTESALONI 2:17

nanhte hpe galoi mung mai kaja ai lam tsun shaga galaw gunhpai nga lu myit ga n-gun jaw shangang shakang ya u ga law.

2 HTESALONI 3:3

Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.

2 PETRU 1:12

Dai majaw nanhte gaw ndai lam ni hpe chye na nna nanhte hkap la da sai dai teng man ai lam hta ngang ngang kang kang npawt de da manit dai rai ti mung, ngai nanhte hpe galoi mung naw ashadum jahprang nga mayu nngai.