ROMA 1:1 - Jinghpaw Common Language Bible 2009

¹ Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

Jinghpaw Hanson Version Bible

¹ Yesu Hkristu a mayam hte, kasa aya hta dang da nna, dai chyoi pra ai Chyum laika ni hta

ROMA 1:1 ပူးပေါင်းရင်းမြစ်များ

1 HKAWHKAM LABAU 23:13

Shi a kasha alat Amram mahtang Arun hte Mawshe yan a kawa rai nga ai. (Arun hte shi a amyu matu ni gaw chyoi pra ai arung arai ni hpe tut nawng woi hpareng na matu san da hkrum ma ai; dai Madu a nawku shara hta manam pyaw ai baw hpe nat nawng nna shi hpe daw jau ai hte shi a mying ningsang hta amyu masha ni hpe shaman ya na rai ma ai.

ESAIA 49:1

Tsan gang ai shara hkan nga ai sumtsan masha amyu baw ni e, nye a ga madat mu! Ngai garai n shangai ai aten kaw na, dai Madu gaw ngai hpe lata la ai hte shi a shangun ma tai na matu ngai hpe san da nu ai.

YEREMIA 1:5

“Ngai gaw nang hpe asak garai n jaw ai kaw nna lata la ni ai, ngai gaw nang garai n shangai aten kaw nna pyi masha amyu baw ni a matu myihtoi tai na lata la ni ai,” ngu nna tsun wu ai.

MARKU 1:14

Yawhan hpe htawng hta rim bang kau ai hpang, Yesu gaw Galile mung de sa du nna Karai Kasang kaw na Kabu Gara Shiga hkaw tsun dan mu ai.

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

YAWHAN 15:15

Ya kaw nna ngai nanhte hpe mayam n ngu na ni ai; hpa majaw nga yang, mayam gaw madu galaw nga ai amu hpe n chye wu ai; nanhte hpe jinghku she ngai ngu na made ai, hpa majaw nga yang, nye Wa kaw na ngai na la ai hte yawng, ngai nanhte hpe tsun dan ma sade ai.

YAWHAN 15:20

‘Mayam gaw madu hta grau kaba ai n rai,’ ngu nna ngai nanhte hpe tsun ai ga hpe dum nga mu; ngai hpe pyi zingri zingrat ma ai rai yang gaw, nanhte hpe mung zingri zingrat na mara ai. Shanhte nye a ga madat mara ma yang gaw, nanhte a ga hpe mung, madat mara ya na mara ai.

KASA 13:9

Dai shaloi Pawlu ngu ai Shawlu gaw, Chyoi Pra ai Wenyi hpring let, lakle sara wa hpe yu azi da nna,

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 21:40

Hpyen du kaba wa shi hpe ahkang jaw wu ai rai nna, Pawlu gaw, lakang baw e tsap let, asim sha nga na matu lata dingsi mu ai, shanhte akatsi sha rai jang Hebre ga hte shanhte hpe tsun mu ai gaw:

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 22:7

Ga de ngai kadawng taw nna, Shawlu, Shawlu! Nang hpa rai ngai hpe zingri nga n ta? nga ai nsen langai mi hpe ngai na lu nngai.

KASA 26:1

Hkawhkam Agripa gaw Pawlu hpe, “Na lam nang nan tsun shaga na ahkang lu ndai,” ngu wu ai. Dai rai nna Pawlu lata ladawn let shi hta mara n nga ai lam lawu na hte maren makawp maga tsun wu ai gaw:

KASA 26:14

Shaloi anhte yawng ga de kadawng taw mat shajang nga yang Hebre ga hte ngai hpe, ‘Shawlu, Shawlu! Nang ngai hpe hpa rai zingri nga n ta? Usu gaw madu a nga gau shingna masen hpe lahkat htawng yang na zawn dai masawn hpe htawng ai hte na hkum hpe machyi la shangun nga n hka!,’ nga ai nsen langai mi ngai na nngai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 11:13

Nanhte maigan masha ni hpe ngai tsun made ai gaw maigan amyu masha ni a kasa ngai tai nga dingsa nye a amu hta arawng lu nna gumrawng nga na nngai.

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

ROMA 15:29

Ngai nanhte kaw du yang Hkristu kaw na ra n rawng nna gumring gumrat ai shaman chyeju ni nanhte hpe garan kachyan hkam la shangun lu na ngai chye nga nngai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

1 KORINHTU 1:1

Karai Kasang a myit ra ai hte maren, Hkristu Yesu a Kasa aya hta dang da hkrum ai ngai Pawlu hte anhte a hpu nau wa Sosteni gaw,

1 KORINHTU 9:1

Ngai gaw shanglawt lu ai wa langai mi n rai nga a ni? Kasa langai mi mung rai nga nngai n rai ni? Anhte a Madu Yesu hpe mu yu ni ai n rai ni? Nanhte mung, ngai Madu a matu gun hpai ai magam bungli kaw na pru wa ai apu asi ni n rai nga myit ni?

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

2 KORINHTU 11:5

Ngai gaw dai nanhte a kaba htum ai kasa ni ngu nna shagrau da ai kasa ni hta kachyi mi pyi grit ai wa n re ngu nna ngai nawn nga nngai.

2 KORINHTU 11:7

Ngai gaw nanhte hpe shagrau shatsaw na matu ngai hkum nan hpe shagrit kau nna, jahpu n hpyi ai sha Karai Kasang a kabu gara shiga nanhte hpe hkaw dan ni ai. Shing rai galaw ai gaw ngai hta shut ai lam rai ni?

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

2 KORINHTU 4:5

Hpa majaw nga yang, anhte gaw, anhte a lam hkaw dan ga ai n rai, Yesu Hkristu gaw Madu rai nga ai lam, anhte gaw Yesu a marang e nanhte a shangun ma ni rai nga ga ai lam hkaw dan ga ai.

GALATI 1:1

Masha a ahkang hte kasa aya hta dang da hkrum ai wa mung n rai; masha e san da ai kasa mung n rai, Yesu Hkristu hte si mat ai ni kaw nna shi hpe hkrung sharawt la ai Kawa Karai Kasang a ahkaw ahkang hte kasa rai nga ai ngai Pawlu gaw,

EHPESU 1:1

Karai Kasang a myit ra ai hku hte maren, Hkristu Yesu a kasa aya hta san da hkrum ai ngai Pawlu kaw nna Ehpesu mare hta e nga ai Hkristu hte langai sha rai nga ai asak hkrung lam hta kangka sadi dung ai Karai Kasang a masha ni hpang de ga shana dat nngai.

EHPESU 1:13

Nanhte hpe hkye hkrang la ai lam jaw ya ai dai teng man ai mungga ngu ai Kabu Gara Shiga hpe nanhte maigan masha ni na la lu ai shaloi e, nanhte mung Karai Kasang a amyu masha ni tai wa manit dai. Hkristu hpe nanhte kam sham myit dai rai nna shi ndat da ai Chyoi Pra ai Wenyi hpe jaw ya ai a marang e shi gaw nanhte a Madu rai nga ai lam dazik dawk da nu ai.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

TARA JAHPRANG 10:8

Dai Madu gaw dai bum hta Lewi amyu bawsang hta na lasha ni hpe Ga Shaka Sumpu hpai ai hta woi hpareng na matu mung, hkinjawng hku nna shi hpe daw jau amu gun hpai na matu mung, shi a mying ningsang gang nna shaman ya na matu mung lata san da wu ai. Ndai amu ni yawng gaw shanhte a magam lit ni hkrai rai nga malu ai.

HPILIPI 1:1

Hkristu a mayam ni rai nga ai Pawlu hte Timohti gaw, Hpilipi mare e nga nga ai, hpung, hpung up, hpungtau ni hte hpawn Hkristu Yesu hta e langai sha rai nga ai Karai Kasang a amyu masha ni nlang hpang de laika ka dat ga ai.

HPILIPI 2:11

Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

KOLOSE 1:1

Karai Kasang a myit ra ai majaw Hkristu Yesu a kasa rai nga ai ngai Pawlu hte hpu nau Timohti gaw,

KOLOSE 1:25

Nanhte a matu mai kaja ai lam galaw u ga, Karai Kasang gaw Hpung a magam gun wa langai mi hku nna ngai hpe san da ai hkrum ni ai. Ngai hpe ap ya da ai lit gaw dai Kabu Gara Shiga hpe ngam da ai lam n nga hkra hkaw tsun na lam rai nga ai.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

1 HTESALONI 2:8

Nanhte gaw anhte a grai nja nhpra re ai ni tai wa manit dai! Karai Kasang kaw na Kabu Gara Shiga sha n rai, anhte a asak hpe pyi garan jaw na jin jin rai nga ga ai.

1 HTESALONI 2:9

Hpu nau ni e anhte gade daram amu bungli galaw shakut shaja lai wa saga ai hpe kaja wa nanhte dum nga myit dai. Nanhte hpe hpa lit n shali n shayak sha u ga, anhte gaw anhte a kan bau bungli hpe shani shana galaw shakut let Karai Kasang a Kabu Gara Shiga hpe hkaw tsun ga ai.

1 TIMOHTI 1:1

Anhte a hkye hkrang la ai Karai Kasang hte anhte a myit mada shara rai nga ai Madu Yesu a marang e, kasa rai nga ai ngai Pawlu gaw,

1 TIMOHTI 2:7

Dai re ai majaw Madu gaw ngai hpe kasa langai mi hku nna mung, maigan ni a sharin sara langai mi hku nna mung, dai makam masham hte teng man ai lam a mungga hpe hkaw tsun na matu shangun dat ai hkrum ni ai, ngai masu nga ai n rai; ngai teng man ai ga tsun nga nngai.

2 TIMOHTI 1:11

Dai Kabu Gara Shiga hpe shana shabra na matu Karai Kasang gaw ngai hpe kasa langai mi hku nna mung, sharin achyin ya ai sara hku mung, san da ni ai.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

HEBRE 5:4

Kadai wa mung tinang a hkum hpe hkinjawng agyi kaba tai ai arawng hta lata dang da lu ai n rai; Arun hpe zawn Karai Kasang e shaga la hkrum ai masha wa chyu sha hkinjawng agyi kaba byin tai lu nga ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

SHINGRAN 22:6

Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”

SHINGRAN 22:9

Rai ti mung shi gaw, “Shing hkum rai et! Ngai gaw, na a mung, na a kahpu kanau myihtoi ni hte, ndai laika a mungga hpe madat mara hkan nang ai ni a mung, shangun ma manang shada she rai nngai. Karai Kasang hpe chyu sha nawku u!,” nga nna ngai hpe tsun ai.