PRU MAT 9:9 - Jinghpaw Common Language Bible 2009

⁹ Dai wan dap gaw Egutu mung ting a ntsa e ga nhpu zawn mawng mat wa nna, masha a ntsa e mung, yam nga ni a ntsa e mung bum lapau wa shangun ai shu duhtau byin wa na ra ai,” ngu nna tsun wu ai.

Jinghpaw Hanson Version Bible

⁹ Shaloi dap dai gaw Egutu mung ting hta mawng ai nbun tai nna, mung ting na masha hte yamnga hta bum lapau wa ai shu duhtau tai na ra ai,” ngu wu ai.

PRU MAT 9:9 ပူးပေါင်းရင်းမြစ်များ

YOBA 2:7

Dai hpang Satan gaw dai Madu a man kaw nna pru mat wa nhtawm Yoba a hkum ting hta krwi jap tu ahpra shangun wu ai.

PRU MAT 9:10

Dai re ai majaw shan gaw dap loi mi la nhtawm hkawhkam wa a man e tsap nga ma ai; Mawshe mahtang nbung de dai hpe kabai shamawng dat wu yang, dai gaw masha hta mung, yam nga ni hta mung bum lapau wa ai shu duhtau byin wa sai.

PRU MAT 9:8

Dai hpang dai Madu gaw Mawshe yan Arun hpe, “Wan htung na dap loi mi latup la nna, Mawshe gaw dai hpe hkawhkam wa a man e nbung hta kabai shamawng dat na rai wu ai.

TARA JAHPRANG 28:27

Dai Madu gaw Egutu masha ni hpe galaw ai zawn nanhte a ntsa e shakrwi tu shangun na ra ai. Nanhte a hkum hta mung hpye ai ningma kahpawk ga na ra ai. Machyit hte maru ru ai gaw nanhte hta chyat rai ti mung, nang hpe mai hkra tsi lajang na kadai mung nga na n rai.

TARA JAHPRANG 28:35

Dai Madu gaw abaw kaw nna lagaw du hkra n chye mai ai shakrwi hte machyi ka-ut shangun ai ningma ni shabyin ya na ra ai.

SHINGRAN 16:2

Shaloi, shawng na lamu kasa pru sa nna, shi a gawm hpe ga de ru bun dat wu ai. Shaloi dai matse labye a masat dingsat shakap hkrum ai ni hte shi a hkrang sumla nawku ai masha ni hta, hkrithpa hte machyi la ai hpye shanam ai ana byin pru wa ai.