PRU MAT 9:6 - Jinghpaw Common Language Bible 2009

⁶ Hpang shani e, dai Madu shi tsun nu ai hte maren, amu shabyin dat wu ai rai nna Egutu masha ni a yam nga ni yawng si mat nga ai, rai ti mung Israela amyu masha ni a yam nga ni chyawm gaw langai mi mung n si nga ai.

Jinghpaw Hanson Version Bible

⁶ Shing rai, hpang shani e Yehowa dai amu shabyin dat wu ai rai nna, Egutu masha ni a yamnga nlang hte si mat malu ai: Israela amyu a yamnga hta na chyawm gaw langai mi muk n si malu ai.

PRU MAT 9:6 ပူးပေါင်းရင်းမြစ်များ

SHAKAWN KUNGDAWN 78:48

Shanhte a yam nga ni hpe sin tawng ni hte mung, shanhte a dusat u hpung ni hpe mu myi hprap hte mung, sat kau ya wu ai.

SHAKAWN KUNGDAWN 78:50

Shi gaw shi a masin kahtet ai lam hpe n jahkring da ai hte; shanhte a asak ni hpe n lahpawt dum ai sha, ana zinli hte shanhte hpe sat kau wu ai.

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

PRU MAT 12:29

Dai Madu gaw shana yup tung e nan Egutu mung na shadang sha alat ni yawng ngu na, hkawhkam tingnyang dung na hkawhkam wa a shadang sha alat kaw nna ga htawng hta bawng dung hkrum ai wa a shadang sha alat kaw du hkra hpe mung, yam nga ni a kasha alat ni hpe mung, sat kau wu ai.

PRU MAT 8:22

Rai ti mung, nye a amyu masha ni shanu nga ai Goshen mung hta chyawm gaw hti shangam da na nngai; dai shara hta jinu hpa mung nga na ra ai n rai. Ndai amu hpe ngai galaw na nngai; Ngai Madu nan ndai mung hta amu galaw nga nngai hpe nanhte chye lu na myit dai.

PRU MAT 9:25

Egutu mung ting na pa hkan e nga ai arai nga manga shagu hpe mung, masha hte yam nga ni yawng lawm hkra adup kau nga ai. Dai gaw yi hkauna hkan tu nga ai hkai nmai ni yawng hpe kayat ashin kau nna, tu matu hpun mahkra hpe mung agrawp daw kau nga ai.

PRU MAT 9:26

Israela amyu masha ni shanu nga ai Goshen ginwang hta chyu sha sin marang n hkrat nga ai.

PRU MAT 9:4

Ngai gaw Israela amyu masha ni hte Egutu masha ni a yam nga hpung ni a lapran e, dan leng ai ginhka lam tawn da na we ai; Israela amyu masha ni madu ai yam nga ni gaw langai mi mung si na n rai.

PRU MAT 9:5

Ngai Madu nan ndai amu hpe hpawt de galaw na matu ahkying aten ladaw da ni ai,’” ngu nna tsun wu ai.