PRU MAT 9:4 - Jinghpaw Common Language Bible 2009

⁴ Ngai gaw Israela amyu masha ni hte Egutu masha ni a yam nga hpung ni a lapran e, dan leng ai ginhka lam tawn da na we ai; Israela amyu masha ni madu ai yam nga ni gaw langai mi mung si na n rai.

Jinghpaw Hanson Version Bible

⁴ Israela a yamnga ni hte Egutu masha ni a yamnga ni a lapran e Yehowa ginhka na wu ai rai nna, Israela a amyu a yamnga ni hta na gaw, langai mi muk si na nrai.

PRU MAT 9:4 ပူးပေါင်းရင်းမြစ်များ

PRU MAT 10:23

Egutu masha ni mung shada da n mu lu ma ai rai nna, dai aten laman kadai mung tinang nang a nta kaw nna n pru sa lu ma ai. Rai ti mung Israela amyu masha ni shanu nga ai mung hta chyawm gaw nhtoi lu ma ai.

PRU MAT 12:13

Chyinghka hkadun ni hta kap ai asai gaw nanhte rawng nga ai nta hpe matsing na matu kumla tai na ra ai. Dai asai hpe ngai mu ai shaloi, nanhte hpe ngai shalai kau da na we ai. Egutu masha ni hpe ari jaw ai shaloi nanhte hta machyi shoichyum hkrum na myit dai n rai.

PRU MAT 8:19

Mandan lakle sara ni mahtang hkawhkam wa hpe Karai Kasang gaw ndai amu hpe galaw nu hka!,” ngu nna tsun ma ai. Rai ti mung dai Madu tsun nu ai hte maren, hkawhkam wa masin bai ja wa nna, Mawshe yan Arun a ga bai n madat ya wu ai.

PRU MAT 8:22

Rai ti mung, nye a amyu masha ni shanu nga ai Goshen mung hta chyawm gaw hti shangam da na nngai; dai shara hta jinu hpa mung nga na ra ai n rai. Ndai amu hpe ngai galaw na nngai; Ngai Madu nan ndai mung hta amu galaw nga nngai hpe nanhte chye lu na myit dai.

PRU MAT 9:26

Israela amyu masha ni shanu nga ai Goshen ginwang hta chyu sha sin marang n hkrat nga ai.

PRU MAT 9:5

Ngai Madu nan ndai amu hpe hpawt de galaw na matu ahkying aten ladaw da ni ai,’” ngu nna tsun wu ai.

PRU MAT 9:6

Hpang shani e, dai Madu shi tsun nu ai hte maren, amu shabyin dat wu ai rai nna Egutu masha ni a yam nga ni yawng si mat nga ai, rai ti mung Israela amyu masha ni a yam nga ni chyawm gaw langai mi mung n si nga ai.

AMO LAIKA (AMOS) 4:7

Ngai gaw nanhte a hkai nmai ni marang grai ra ai shaloi, marang n htu shangun nngai. Ngai gaw mare langai a ntsa e marang jahtu ya ti mung kaga mare hta n jahtu ya nngai. Hkauna pa langai a ntsa e marang htu ti mung, kaga langai mi hta hkun hkraw nga ai.

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.