PRU MAT 9:2 - Jinghpaw Common Language Bible 2009

² Nang rai nna shanhte hpe dat dat na matu bai ningdang ai rai yang,

Jinghpaw Hanson Version Bible

² Shanhte hpe dat dat na nang ndang nna, naw hkum da wu taw gaw,

PRU MAT 9:2 ပူးပေါင်းရင်းမြစ်များ

SHAKAWN KUNGDAWN 68:21

Yubak lam ni hta shanang nga ai shi a gumlau hpyen ni a baw ni hpe Karai Kasang teng teng abrep kau na ra ai.

PRU MAT 10:4

Nang matut nna ningdang nga dingyang rai yang chyawm gaw hpawt de na aten hta na a mungdan de dinggam-yaw ni hpe dat dat na we ai.

PRU MAT 4:23

nye a shadang sha hpe dat dat ya nna shi ngai hpe nawku lu na lam, ngai nang hpe tsun ni ai; rai ti mung nang ningdang kau ai rai yang chyawm gaw na a shadang sha alat hpe ngai sat kau ya na we ai,’” ngu nna Ngai Madu nan tsun ai ga shi hpe nang tsun lu na rai ndai.

PRU MAT 5:1

Dai hpang Mawshe yan Arun gaw Egutu hkawhkam wa kaw shang nna, “Dai Madu Israela a Karai Kasang gaw, ‘Nye a amyu masha ni hpe sa wa shangun u, shaloi shanhte gaw ngai hpe shagrau sha-a na matu nam mali e poi galaw lu na rai ma ai,’” ngu nna tsun ai ga tsun dan ma ai.

PRU MAT 8:2

Lama wa nang n hkraw ai rai yang, ngai gaw na a mungdan hpe shu ni shaprang dat ai hku ari jaw na we ai.

PRU MAT 9:13

Shaloi dai Madu gaw Mawshe hpe, “Hpawt de manap jau jau aten hta hkawhkam wa hte sa hkrum nhtawm, Hebre masha ni a Karai Kasang, dai Madu tsun ai ga shi hpe tsun wu ai: ‘Nye a amyu masha ni ngai hpe nawku lu mu ga, shanhte hpe dat dat u.

PRU MAT 9:3

na a yam nga ni rai nga ai gumra, lawze, gawla-uk, nga, dumsu, sagu hte bainam ni yawng a ntsa e hkrit hpa urum zinli jahkrat dat ai hte nang hpe ari jaw na we ai.

ESAIA 1:20

Rai ti mung nanhte ngai hpe ninghkap myit dai rai yang, nanhte gaw si ai dingnye lu na rai myit dai. Ngai dai Madu nan tsun ni ai,” ngu nna tsun ai.

ROMA 2:8

Rai ti mung masha nkau mi gaw dai n ding n man ai maga de hkan sa na matu tinang a akyu tam nna teng man ai tara hpe kabai kau ma ai, shing re ai ni a ntsa e Karai Kasang gaw shi a pawt bu nna sindawng kahtet ai ru bun na ru ai.

SHINGRAN 16:9

Dai rai nna masha ni gaw, ja la ai kang kahtet ai hte hkru jahkat kau ai hkrum nna, ana zinli ni hpe up madu ai Karai Kasang a mying nsang hpe matsa shatan ma ai. Rai ti mung shanhte gaw, myit malai mung n lu, Karai Kasang a grau htum ai hpung shingkang hpe mung n shakawn shagrau ma ai.