PRU MAT 9:16 - Jinghpaw Common Language Bible 2009

¹⁶ Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

Jinghpaw Hanson Version Bible

¹⁶ rai timung nye a ningsam nang hta dan lu na hte, nye a amying ningsang ga ntsa ting hta kajai gumhkawng nga u ga, ngu nna sha ngai nang hpe sharawt da sade ai:

PRU MAT 9:16 ပူးပေါင်းရင်းမြစ်များ

2 SAMUELA 7:23

Na a amyu masha majing shatai na nga, shanhte hpe mayam shatai nga ai kaw na nang hkye mawai da nit dai, dai Israela amyu ni hte bung ai amyu baw kaga ndai ginding aga ntsa n nga nga ai. Shanhte a matu nang galaw dan sai dai galu kaba ai mauhpa amu ni gaw mungkan ting de na a mying ningsang dan hkung gumhkawng shangun nga sai. Na a amyu masha majing shatai la na nga, Egutu mung kaw na nang shalawt dat sai amyu masha ni rawt lung wa mu yang, kaga masha amyu baw ni hte shanhte a karai ni hpe nang gawt shapraw kau ya nga ndai.

2 HKAWHKAM 19:35

Dai Madu a lamu kasa gaw dai shana jang Asuri hpyen ni but nga ai dap de sa wa nna, hpyenla sen mi mun matsat hkying manga hte hpe sat kau wu ai. Hpang shani jahpawt jau jau aten hta dai shara e shanhte yawng si taw nga ma ai!

1 HKAWHKAM LABAU 16:24

Shi a hpung shingkang masha amyu ni hpe, shi a chyalai n-gun hte hpring ai amu masha yawng hte hpe htawn tsun dan mu.

NEHEMIA 9:10

Nang gaw hkawhkam wa hpe mung, shi a du salang ni hte shi a mung masha ni hpe mauhpa lamik kumla ni galaw dan nga ndai, hpa majaw nga yang, shanhte na a amyu masha ni hpe dip gamyet sha nga ma ai hpe nang chye ndai. Nang gaw dai ni du hkra kajai gumhkawng ai hpe naw hkam la lu nga ndai.

SHAKAWN KUNGDAWN 106:8

Rai ti mung, shi gaw shi a galu kaba ai daru magam n-gun hpe madun dan na matu, ga sadi tawn da sai hte maren, shanhte hpe hkye hkrang la nu ai.

SHAKAWN KUNGDAWN 64:9

Shanhte yawng hte gaw hkrit wa na mara ai rai nna, Karai Kasang hpa galaw da sai lam hpe shanhte myit aru yu na mara ai hte shi a amu bungli lam hpe tsun hkai dan na mara ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

PRU MAT 14:17

Ngai gaw Egutu masha ni hpe masin shaja ya ai hte shanhte mung dai ni a hpang e hkan shang nang na mara ai; hkawhkam wa hte shi a hpyen luksuk ni, shi a gumra leng ni hte hpyen leng hkang ai ni a ntsa e nye a awng padang hpe shagrau sha-a hkam la na we ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

PRU MAT 9:15

Nang hpe adup abyen na matu mung, na a masha ni hpe ana ahkya hte zingri na matu mung, nye a lata sharawt tawn taw gaw, nang gaw tsep kawp shamyit kau ai hkrum na rai ndai.

PRU MAT 9:17

Rai tim, nang mahtang myit nau kaba nga ndai rai nna, nye a amyu masha ni hpe dat dat na matu n hkraw nga ndai.

GA SHAGAWP 16:4

Dai Madu gaw yawng mayawng a jahtum na byin maka hpe lajang da nu ai; tara n lang ai ni a jahtum na byin maka gaw hten run lam rai nga ai.

YEREMIA 32:20

Lai sai aten ni hta, nang gaw Egutu mung e lamik kumla ni hte mauhpa amu ni hpe madun dan nit dai; dai ni du hkra nang gaw shanhte hpe Israela mung hte kaga amyu baw ni a ka-ang hta matut nna madun dan nga ndai, shing re ai a majaw, nang gaw ya du hkra shara shagu hkan e mying dan hkung nga ndai.

EZEKELA 39:21

Dai Madu gaw, “Nye a teng man ai daw dan lam ni hpe galaw shapraw na matu, nye a daru magam n-gun hpe kaning rai lang ai, nye a hpung shingkang masha amyu baw ni hpe ngai madun dan ai hpe shanhte mu lu na mara ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MALAHKI 1:14

Ngai hpe jaw ya na nga, ga sadi tawn da sai dai kaja ai dusat langai shi a yam nga hpung hta rawng nga ninglen, ngai hpe dai ra rawng ai dusat hpe masu hkalem nawng jau ya ai wa gaw dagam dala hkrum nga ai. Ngai gaw galu kaba ai hkawhkam rai nga nngai, masha amyu baw ni yawng a masha ni ngai hpe hkrit kamyin nga ma ai.”

BU HKAWM 14:21

Rai ti mung ngai gaw ahkrung nga nngai rai nna nye a hpung shingkang ga ntsa ting hta dan hkung nga ai hte maren,

ROMA 9:17

Hpa majaw nga yang, Karai Kasang gaw Egutu Hkawhkam hpe, “Ngai nang hpe Hkawhkam tai shangun ai lam gaw nang hta nye a daru magam atsam madun dan nna ga ntsa ting nye a amying gumhkawng wa shangun na matu she rai nga ai,” nga nna tsun ai lam Chyum Laika hta ka da nga ai.

ROMA 9:22

Karai Kasang mung dai zawn galaw nga ai, Shi gaw shi a pawt sindawng ai hpe madun nna shi a atsam hpe shadan dan mayu nga ai. Rai ti mung, shi a pawt sindawng ai a majaw hten run sum hkrum mat na ging dan ai ni hpe myit galu ai hte hkam sharang ya nga ai.

YAWSHU 4:24

Ndai amu a majaw ginding aga ntsa na masha shagu gaw dai Madu a daru magam n-gun kade wa galu kaba nga ai hpe chye la lu nhtawm, dai Madu nanhte a Karai Kasang hpe htani htana shagrau sha-a lu na rai myit dai,” ngu nna tsun wu ai.

1 PETRU 2:19

Nanhte gaw Karai Kasang a myit ra ai lam hpe chye ya nga myit dai rai nna, nanhte n hkam ging ai nni nkri hkam sharang myit yang gaw, Karai Kasang de a matu nanhte hpe shaman ya na marin dai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.

1 SAMUELA 4:8

Ndai daru magam n-gun rawng ai hpara ni a lata kaw na kadai wa anhte hpe hkye la lu na rai nga a ta? Dai hpara ni gaw nam mali hkan e Egutu masha ni hpe sat sharu kau ai hpara ni rai nga ma ai!