PRU MAT 8:9 - Jinghpaw Common Language Bible 2009

⁹ Mawshe gaw, “Ngai mung kabu gara ai hte na a matu hpyi nem ya na nngai. Na a matu mung, na a du salang ni hte na a mung masha ni a matu hte hpawn hpyi nem ya na aten hpe sha masat ya e. Dai hpang nang gaw shu ni hpe seng kau lu na rai ndai, Nila hka hta kaga, dai yang hkan na shu ni langai mi mung ngam nga na ra ai n rai.

Jinghpaw Hanson Version Bible

⁹ Shaloi Mawshe gaw, “Nang hte na a nta na shu ni hpe seng kau nna, hka nu hta sha ngam nga hkra, nang hte na a agyi salang ni a matu, na a amyu masha ni a matu ngai hpyi nem ya na ahkying nang nan ngai hpe daw dat ya e,” ngu nna Hpara-u hpe tsun wu ai.

PRU MAT 8:9 ပူးပေါင်းရင်းမြစ်များ

1 HKAWHKAM 18:25

Dai hpang Elia gaw Bala myihtoi ni hpe, “Nanhte law law rai nga myit dai majaw usu langai la nna dai hpe shawng hkyen shachyip mu. Nanhte a karai kaw hpyi myit tim, hpun hta wan garai hkum shachyip myit,” ngu nna tsun wu ai.

PRU MAT 7:25

Dai Madu hka nu kayat ai hpang nhtoi sanit ya lai nga sai.

PRU MAT 8:10

Hkawhkam wa gaw, “Nye a matu hpawt de mahtang hpyi nem ya e,” ngu nna htan wu ai. Mawshe gaw, “Nang san ai hte maren ngai galaw na rai nna anhte a Madu Karai Kasang zawn re ai karai kaga n nga ai hpe nang chye lu na rai ndai.

PRU MAT 8:11

Shu ni gaw nang hte na a du salang ni kaw na mung, na a mung masha ni kaw na mung pru mat wa nhtawm, Nila hka nu hta kaga, dai yang hkan langai mi mung ngam na n rai,” ngu nna tsun wu ai.

PRU MAT 8:8

Hkawhkam wa gaw Mawshe yan Arun hpe shaga la nna, “Ndai shu ni hpe seng kau ya na matu dai Madu kaw hpyi nem ya mi, shaloi dai Madu hpe hkungga nawng jau lu na matu na a amyu masha ni hpe ngai dat dat ya na nngai,” ngu nna tsun wu ai.

ESAIA 10:15

Rai ti mung dai Madu gaw, “Nwa gaw dai hpe lang ai masha wa hta grau nga ai ngu, hkrak lu tsun nga a ni? Zingret gaw dai hpe ret ai masha wa hta grau ahkyak mai nga a ni? Dawhkrawng gaw masha hpe n sharawt nga ai; masha mahtang dawhkrawng hpe sharawt nga ai,” ngu nna tsun nga ai.

BU HKAWM 14:20

Dai Madu gaw, “Nang hpyi nem ai hte maren shanhte hpe mara dat ya na nngai.

TARA AGYI 7:2

Dai Madu gaw Gidon hpe, “Nang hta nga ai masha ni gaw nye a matu nau wa law nga ai majaw Midian masha ni hpe shanhte a lata hta n ap ya lu na nngai; shanhte a majaw sha dang kau lu ga ai nga, myit nawn la nna nye a arawng sadang hpe jahpoi ya na rai ma ai.