PRU MAT 8:6 - Jinghpaw Common Language Bible 2009

⁶ Dai rai nna Arun mung hka ni yawng a ntsa e dai dawhkrawng hpe ladawn dat wu ai rai nna shu ni gumtsat lung wa ai hte dai mung hpe ka-up kau ma ai.

Jinghpaw Hanson Version Bible

⁶ Shing rai Arun gaw Egutu mung ting na hka ntsa e shi a lata dawn wu ai rai nna, shu ni lung wa ai hte Egutu mung ting hprwi rai nga ai.

PRU MAT 8:6 ပူးပေါင်းရင်းမြစ်များ

2 SAMUELA 7:22

Tsaw Htum ai Madu e, nang gaw gade wa galu kaba nga n hka! Nang hte bung ai mi kadai n nga nga ai; nang chyu sha Karai Kasang rai nga ndai gaw anhte tut nawng chye da nga saga ai.

2 HKAWHKAM LABAU 6:14

Shi gaw, “Dai Madu Israela a Karai Kasang e, sumsing lamu hte ginding aga yawng hta nang hte bung ai karai kasang n nga nga ai. Na a amyu masha ni hte tawn da ai na a ga shaka hpe nang shadik shatup nhtawm nang hpe myit masin mahkra hte hkan sa madat mara let nga nga ma yang, shanhte hpe na a tsaw ra myit madun dan nga ndai.

SHAKAWN KUNGDAWN 105:30

Shanhte a mungdan hta shu ni hte hpring nga nna; hkawhkam wa a gawk de du hkra, shu ni hte hpring kaput nga ai.

SHAKAWN KUNGDAWN 78:45

Shi shanhte hpe nni nkri jaw ya lu ai jinghkam ni hpe mung, shanhte a lamu ga hpe jahten kau ya na matu, shu ni hpe mung, shangun dat wu ai.

SHAKAWN KUNGDAWN 86:8

Madu e, nang hte bung ai karai langai mi mung n nga nga ai. Nang galaw da lu sai amu ni zawn, kadai mung n lu galaw nga ai.

SHAKAWN KUNGDAWN 90:2

Bum ni hpe garai n hpan da ai hte mungkan ga garai n lat ai aten kaw nna, nang gaw chyi nma pri npra Karai Kasang rai nga ndai; htum ngu n nga ai htani htana Karai Kasang mung nang rai nga ndai.

PRU MAT 10:2

mauhpa lamik kumla ni hpe ngai shapraw dan ai shaloi, Egutu masha ni hpe ngai kaning rai mana shachyoi kau ni ai gaw na a kasha ni hte kashu ni hpe nang tsun dan lu na matu mung, ngai gaw shi hte shi a du salang ni hpe myit shaja ya ni ai. Nanhte yawng mung Ngai nan dai Madu rai nga nngai hpe chye lu na myit dai,” ngu nna tsun wu ai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

PRU MAT 7:19

Dai Madu gaw Mawshe hpe, “Arun gaw shi a dawhkrawng la nna Egutu mung na hka nu, hka hkawng, hka lawng, hka nawng ni yawng a ntsa e ladawn u, ngu nna tsun u; shaloi mungdan ting na hka ni asai tai mat nhtawm hpun lawtawk hte nlung yam ni kaw rawng ai hka du hkra pyi, asai tai mat na ra ai,” ngu nna tsun wu ai.

PRU MAT 9:14

Ndai lang chyawm gaw na a du salang ni hte na a amyu masha ni hpe chyu sha ngai ari jaw na n rai; rai ti mung, nang hpe du hkra pyi ngai ari jaw na we ai. Mungkan ga ting hta ngai zawn re ai langai mi mung n nga ai hpe nang chye lu na rai ndai.

PRU MAT 9:29

Mawshe gaw shi hpe, “Mare kaw nna ngai pru mat wa ai shaloi jang, nye a lata hpe sharawt nhtawm dai Madu hpe hpyi nem ya na nngai; shaloi jang mu ngoi ai gaw hkring mat nna sin marang ni mung dai hkan e htu sana n rai. Dai Madu gaw ginding aga hpe madu nga ai hpe nang chye lu na rai ndai.

ESAIA 43:10

“Israela amyu masha ni e, nanhte gaw nye a sakse ni rai nga myit dai; Nye a shangun ma tai na matu nang hpe ngai lata la nngai, Shaloi ngai chyu sha Karai Kasang rai nga nngai hpe nang chye wa nna ngai hpe kam sham ai hte chye na wa na rai ndai. Ngai hta lai, kaga karai shaje n nga nga ai; dai gaw moi prat e mung, du na ra ai prat hta mung galoi mung nga na n rai.

JAW JAU 11:12

Hka hta rawng nna singgung hte asep n kap ai baw hpa hpe rai tim sha lu na myit dai n rai.

TARA JAHPRANG 32:31

Shanhte a gumlau hpyen ni nan, shanhte a hpara ni n-gun kya nga ma ai hpe mung, Israela Karai Kasang zawn chyalai n-gun n rawng nga ai hpe mung shanhte chye ma ai.

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.

TARA JAHPRANG 4:35

Dai Madu chyu sha Karai Kasang rai nga ai hte shi hta kaga karai shaje n nga nga ai hpe sakse hkam na matu, dai Madu gaw ndai lam madun dan nu ai.

SHINGRAN 16:13

Shaloi, shu zawn san ai, n san n seng ai nat masum hpe ngai mu nngai, Shanhte gaw, baren numraw a n-gup hta na mung, matse labye a n-gup hta na mung, myihtoi masu a n-gup hta na mung pru wa ma ai.